ಬೆಂಗಳೂರು: ವಾರದ ಎರಡನೇ ದಿನಕ್ಕೆ ಬಂದೇಬಿಡ್ತು ನಾಮಿನೇಷನ್ ಗುಮ್ಮ! ಸದಸ್ಯರಿಗೆ ಮಸಿ ನೀರಿನ ಸ್ನಾನ. ಅದಕ್ಕೆ ಇರುವ ಚಟುವಟಿಕೆ ಕೂಡ ಭಿನ್ನವಾಗಿದೆ. ಬಿಗ್ ಬಾಸ್ನ ನಿಯೋಜಿತ ಕುರ್ಚಿಯಲ್ಲಿ ಪ್ರತಿಯೊಂದು ಸದಸ್ಯರು ಕೂರಬೇಕು. ಎದುರು ನಿಂತಿರುವ ಸ್ಪರ್ಧಿಗಳಲ್ಲಿ ಯಾರಿಗೆ ಕುರ್ಚಿಯಲ್ಲಿ ಕೂತಿರುವ ಸದಸ್ಯರು ನಾಮಿನೇಟ್ ಆಗಬೇಕು ಅನಿಸುತ್ತದೆಯೋ ಅವರು ಬೋರ್ಡ್ ಎತ್ತಿ ಸೂಚಿಸಬೇಕು.
ಇದನ್ನೂ ಓದಿ: ಹೆಚ್ಚಿದ ಹಿಮ, ಮಳೆಯ ಕೊರತೆಯಿಂದ ಡಿಸೆಂಬರ್ ತಿಂಗಳಲ್ಲೇ ಸಾಮಾನ್ಯಕ್ಕಿಂತ ತಾಪಮಾನ ಹೆಚ್ಚಳ: ಐಎಂಡಿ
ಆ ನಂತರ ಮಸಿ ನೀರನ್ನು ಅವರ ಮೇಲೆ ಸುರಿಯಬೇಕು. ಕೊನೆಗೆ ಅತಿ ಹೆಚ್ಚು ಸದಸ್ಯರಿಂದ ಸೂಚಿತರಾದವರು ನಾಮಿನೇಟ್ ಆಗುತ್ತಾರೆ. ಈ ಚಟುವಟಿಕೆಯಲ್ಲಿ ಮೈಕಲ್, ಕಾರ್ತಿಕ್ ಅವರನ್ನು ನಾಮಿನೇಟ್ ಮಾಡಿದ್ದಾರೆ. ಆದ್ರೆ, ಅವರು ಕೊಟ್ಟ ಕಾರಣ ಕಾರ್ತಿಕ್ಗೆ ಸೂಕ್ತ ಅನಿಸಿಲ್ಲ. ಹಾಗಾಗಿ ಅದೇ ಕಾರಣ ಇಟ್ಟುಕೊಂಡು ಮೈಕಲ್ ಅವರನ್ನು ನಾಮಿನೇಟ್ ಮಾಡಿದ್ದಾರೆ.
ಹಾಗೆಯೇ ಸಂಗೀತಾ, ಪ್ರತಾಪ್ ಸೇರಿದಂತೆ ಹಲವರ ಹೆಸರುಗಳು ಕೂಡ ಕೇಳಿಬಂದಿವೆ. ಯಾರ ಹೆಸರು ಹೆಚ್ಚು ಸಲ ಬಳಸಲಾಗಿದೆ. ಯಾರೆಲ್ಲ ಈ ವಾರ ನಾಮಿನೇಟ್ ಆಗಿದ್ದಾರೆ ಎಂಬುದನ್ನು ಇಂದಿನ ಸಂಚಿಕೆಯಲ್ಲಿ ತಿಳಿಯಬೇಕಿದೆ. ದಿನದ 24 ಗಂಟೆಗಳ ಲೈವ್ ಸ್ಟ್ರೀಮಿಂಗ್ ಜಿಯೋ ಸಿನಿಮಾದಲ್ಲಿ ಪ್ರಸಾರವಾಗುತ್ತಿದೆ.
ದಾವೂದ್ ಇಬ್ರಾಹಿಂ ಸಾವಿನ ಸುದ್ದಿ; ಆಪ್ತ ಛೋಟಾ ಶಕೀಲ್ ಕೊಟ್ಟ ಶಾಕಿಂಗ್ ಪ್ರತಿಕ್ರಿಯೆ ಇದು!