ಮೀಂಜ ಪಂಚಾಯಿತಿ ಚಾರ್ಲ ಬಾಳಿಯೂರು ನಿವಾಸಿ ಪ್ರಸಾದ್-ವೀಣಾ ದಂಪತಿ ಪುತ್ರಿ ತೀರ್ಥ ಪ್ರಸಾದ್ ಎಂಡೋಸಲ್ಫಾನ್ ಸಂಬಂಧಿ ಅಸೌಖ್ಯದಿಂದ ಬಳಲುತ್ತಿದ್ದು, ಚಿಕಿತ್ಸೆಗಾಗಿ ಈ ಕುಟುಂಬ ಲಕ್ಷಾಂತರ ರೂ. ಖರ್ಚು ಮಾಡಿದೆ. ಕೇರಳ ಗ್ರಾಮೀಣ ಬ್ಯಾಂಕ್ನಿಂದ ಕುಟುಂಬ ಪಡೆದಿದ್ದ ಸಾಲ ಮರುಪಾವತಿ ಸಾಧ್ಯವಾಗದ ಹಿನ್ನೆಲೆಯಲ್ಲಿ ಬ್ಯಾಂಕಿನವರು ಜಾಗ ಹಾಗೂ ಮನೆ ಹರಾಜುಗೊಳಿಸುವ ಬಗ್ಗೆ ನೋಟಿಸ್ ನೀಡಿದ್ದರು. 2024ರಲ್ಲಿ ಎರಡೂವರೆ ಲಕ್ಷ ರೂ.ಪಡೆದ ಸಾಲದಲ್ಲಿ 2019ರವರೆಗೂ ಒಂದೂವರೆ ಲಕ್ಷ ರೂ.ಪಾವತಿಸಿದ್ದರು. ಆ ನಂತರ ಕರೊನಾ ಹಾಗೂ ಇತರ ಸಮಸ್ಯೆಗಳಿಂದ ಕುಟುಂಬಕ್ಕೆ ಸಾಲ ಮರುಪಾವತಿಸಲು ಸಾಧ್ಯವಾಗಿರಲಿಲ್ಲ. ನಂತರ ಬ್ಯಾಂಕ್ ಸಾಲದ ಅಸಲು, ಬಡ್ಡಿ ಸೇರಿ 5 ಲಕ್ಷ ರೂ.ಉಳಿದುಕೊಂಡಿತ್ತು. ಎಂಡೋ ಸಂತ್ರಸ್ತರ ಬ್ಯಾಂಕ್ ಸಾಲ ಮರುಪಾವತಿ ವಿಷಯದಲ್ಲಿ ಜಾಗ, ಮನೆ ಜಪ್ತಿ ಯಾ ಹರಾಜು ನಡೆಸಕೂಡದು ಎಂಬ ಆದೇಶದ ನಡುವೆಯೂ ಬ್ಯಾಂಕ್ ಅಧಿಕಾರಿಗಳು ಪ್ರಸಾದ್ ಕುಟುಂಬದ ಆರು ಸೆಂಟ್ಸ್ ಜಾಗದಲ್ಲಿ ಕಟ್ಟಿಸಿದ್ದ ಮನೆ ಹಾಗೂ ಜಾಗ ಹರಾಜಿಗೆ ಸಂಬಂಧಿಸಿ ಬ್ಯಾನರ್ ಅಳವಡಿಸಿದ್ದರು.
