ಕಕೇಶಿಯನ್ ಶೆಫರ್ಡ್ ಜಾತಿಯ ನಾಯಿಯನ್ನು ನಿರ್ಭೀತ, ಧೈರ್ಯಶಾಲಿ ಮತ್ತು ದಯಾಪರ ಎಂದು ವರ್ಣಿಸಲಾಗಿದ್ದು, ಜಾರ್ಜಿಯಾ, ಅರ್ಮೇನಿಯಾ ಅಜೆರ್ಬೈಜಾನ್, ಒಸೆಟಿಯಾ, ಡಾಗೆಸ್ತಾನ್ ಮತ್ತು ರಷ್ಯಾದ ಕೆಲವು ಭಾಗಗಳಿಗೆ ಸ್ಥಳೀಯವಾಗಿರುವ ಒಂದು ರಕ್ಷಕ ತಳಿಯಾಗಿದೆ. ಅಮೇರಿಕನ್ ಕೆನೆಲ್ ಕ್ಲಬ್ ಪ್ರಕಾರ, ಶತಮಾನಗಳಿಂದ, ಈ ತಳಿಯನ್ನು ಅತಿಕ್ರಮಣಕಾರರಿಂದ ಆಸ್ತಿಗಳನ್ನು ರಕ್ಷಿಸಲು, ತೋಳಗಳಂತಹ ದೊಡ್ಡ ಪ್ರಾಣಿಗಳಿಂದ ಜಾನುವಾರುಗಳನ್ನು ರಕ್ಷಿಸಲು ಮತ್ತು ಇತರ ಅನೇಕ ಕರ್ತವ್ಯಗಳಿಗಾಗಿ ಬಳಸಲಾಗುತ್ತಿತ್ತು. ಸಂಪೂರ್ಣವಾಗಿ ಬೆಳೆದ ಕಾಕೇಸಿಯನ್ ಶೆಫರ್ಡ್ ಸುಮಾರು 44 ರಿಂದ 77 ಕಿಲೋಗ್ರಾಂಗಳಷ್ಟು ತೂಕವನ್ನು ಪಡೆಯುತ್ತದೆ. ಇದು 23 ರಿಂದ 30 ಇಂಚುಗಳಷ್ಟು ಎತ್ತರವನ್ನು ಹೊಂದುತ್ತದೆ. ಇದರ ಜೀವಿತಾವಧಿ 10 ರಿಂದ 12 ವರ್ಷಗಳು ಎನ್ನಲಾಗಿದೆ.
