ಬೆಂಗಳೂರು: ಟೆಸ್ಟ್ ಪಂದ್ಯಗಳಲ್ಲಿ ಭಾರತೀಯ ಬ್ಯಾಟ್ಸ್ಮ್ಯಾನ್ ಚೇತೇಶ್ವರ್ ಪೂಜಾರ ಅವರಿಗೆ ಬೌಲಿಂಗ್ ಮಾಡುವುದು ಕಷ್ಟಕರ ಮತ್ತು ಅವರನ್ನು ಔಟ್ ಮಾಡುವುದೇ ಒಂದು ದೊಡ್ಡ ಥ್ರಿಲ್ ಎಂದು ಆಸ್ಟ್ರೇಲಿಯಾದ ವೇಗದ ಬೌಲರ್ ಜೋಶ್ ಹೇಜಲ್ವುಡ್ ಅಭಿಪ್ರಾಯಪಟ್ಟಿದ್ದಾರೆ.
ಮಂಗಳವಾರ RCB ಪಾಡ್ಕ್ಯಾಸ್ಟ್ನಲ್ಲಿ ಮಾತನಾಡಿದ ಆಸ್ಟ್ರೇಲಿಯಾ ವೇಗಿ ಜೋಶ್ ಹೇಜಲ್ವುಡ್ ಟೆಸ್ಟ್ ಪಂದ್ಯದ ವೇಳೆ ಬೌಲರ್ಗಳಿಗೆ ಪೂಜಾರ ಅವರನ್ನು ಔಟ್ ಮಾಡುವುದು ಬಹಳ ರೋಮಾಂಚನಕಾರಿಯಾಗಿ ಇರುತ್ತದೆ. ಇದರರ್ಥ ಅವರನ್ನು ಔಟ್ ಮಾಡಲು ಸಾಕಷ್ಟು ಶ್ರಮ ಹಾಕಿರುತ್ತೇವೆ. ಅವರಿಗೆ(ಚೇತೇಶ್ವರ್ ಪೂಜಾರ) ಈಗಾಗಲೇ ಸಾಕಷ್ಟು ಬೌಲ್ ಮಾಡಿರುತ್ತೇವೆ. ಅಂತಿಮವಾಗಿ ಪೂಜಾರ ಅವರ ವಿಕೆಟ್ ಕಬಳಿಸುವುದು ಬೌಲರ್ಗೆ ಹೆಚ್ಚು ಗೌರವ ತಂದುಕೊಡುತ್ತದೆ ಎಂದು ಹೇಳಿದ್ಧಾರೆ.
ಆಸ್ಟ್ರೇಲಿಯಾದಲ್ಲಿ ಟೆಸ್ಟ್ ಸರಣಿ ನಡೆಯುವ ವೇಳೆ ಚೇತೇಶ್ವರ್ ಪೂಜಾರ ಅವರೊಂದಿಗೆ ಸಾಕಷ್ಟು ಜಗಳ ಆಡಿದ್ಧೇನೆ. ಆಸ್ಟ್ರೇಲಿಯನ್ನರು ಹೆಚ್ಚು ದ್ವೇಷಿಸಲು ಇಷ್ಟ ಪಡುವ ಬ್ಯಾಟ್ಸ್ಮ್ಯಾನ್ ಪೂಜಾರ. ಇದನ್ನೆಲ್ಲಾ ಹೊರತುಪಡಿಸಿದರೆ ಅವರೊಬ್ಬ ಉತ್ತಮ ಆಟಗಾರ ಎಂದು RCB ಪಾಡ್ಕ್ಯಾಸ್ಟ್ನಲ್ಲಿ ಜೋಶ್ ಹೇಜಲ್ವುಡ್ ಹೇಳಿದ್ದಾರೆ.
ಇದನ್ನು ಓದಿ: ವಿದ್ಯಾರ್ಥಿನಿ ಅಂಕಪಟ್ಟಿಯಲ್ಲಿ ‘She Has Passed Away’ ಎಂದು ಬರೆದ ಶಿಕ್ಷಕ !