ವಾರಭವಿಷ್ಯ; ಈ ರಾಶಿಯಲ್ಲಿ ಹುಟ್ಟಿದ ನಿಮ್ಮನ್ನು ಗುರು ಕೈಬಿಡನು

ವೃಷಭ: ದ್ವಿತೀಯದಲ್ಲಿ ಗುರುವಿದ್ದಾನೆ. ನಿಮ್ಮ ಸಂಕಲ್ಪ ಈಡೇರುವುದರಲ್ಲಿ ಎರಡು ಮಾತಿಲ್ಲ. 11ನೇ ಮನೆಯ ಶನಿ ನಿಮ್ಮ ಶತ್ರುವನ್ನು ಸೋಲಿಸಿ ಜಯದ ಬಾವುಟ ಹಾರಿಸುತ್ತಾನೆ. ನಿಮಗೆ ಬೇಕಾಗಿರುವುದು ದುರ್ಗಾಮಾತೆಯ ಅನುಗ್ರಹ. ಶುಕ್ರ ಗ್ರಹದ ಅಧಿದೇವತೆಯಾದ ಮಹಾಲಕ್ಷ್ಮೀಯನ್ನು ಪೂಜಿಸಿ. ಶಕ್ತಿಯನ್ನು ಧೈರ್ಯ, ಕೀರ್ತಿ ದೊರೆಯುತ್ತದೆ.

ಮಿಥುನ: ಲಗ್ನದಲ್ಲಿ ಗುರುವಿದ್ದಾನೆ. ಮುಂದೆ 2ನೇ ಮನೆಗೆ ಬಂದು ಉಚ್ಚ ಸ್ಥಾನವನ್ನು ತಲುಪುತ್ತಾನೆ. ನೀವು ಬಾಳಿನಲ್ಲಿ ಯಶಸ್ಸು, ಕೀರ್ತಿ ಹಾಗೂ ಅವಿಚ್ಚಿನ್ನವಾದ ಸುಖವು ದೊರಕಿ ಆನಂದ ಪಡುವ ಕಾಲವು. ಶ್ರೀರಾಮನ ಕೃಪೆಯೊಂದಿದ್ದರೆ ಭೀಮನೇ ಬಂದು ಗದಾಪ್ರಹಾರ ಮಾಡಿ ನಿಮ್ಮ ಶತ್ರುಗಳನ್ನು ಸೋಲಿಸಿ ಅಷ್ಟೈಶ್ವರ್ಯವನ್ನು ಕೊಡುತ್ತಾನೆ.

ಕಟಕ: 12ನೇ ಮನೆಯ ಗುರುವಿನ ಸ್ಥಾನವನ್ನು ನೋಡಿದರೆ ಜೀವನವು ಅರ್ಥವಾಗುತ್ತದೆ. ವಿದ್ಯೆಯ ಜೊತೆಗೆ ಬುದ್ದಿಯೂ ಇರಬೇಕು. ಎರಡೂ ಇದ್ದರೆ ಏನನ್ನೂ ಗಳಿಸಬಹುದು. ಚಂದ್ರಚೂಡನ ತ್ರಿಷತಿ ನಾಮಾವಳಿಯನ್ನು ಪಠಿಸಿ. ನಿಮಗೆ ಅವನೇ ಬೇಕಾದ್ದನ್ನು ಕೊಡುತ್ತಾನೆ.

ಸಿಂಹ: ನಾಗದೇವರು ಸುಬ್ರಹ್ಮಣ್ಯನ ಅಧೀನದಲ್ಲಿದ್ದು, ಇಚ್ಛಿತ ವರವನ್ನು ಕೊಡುತ್ತಾರೆ. ಸಿಂಹರಾಶಿಯವರು ಏಕಕಾಲದಲ್ಲಿ ಗಣಪತಿಯನ್ನು, ಶಂಕುಲ ನಾಗದೇವರನ್ನು ಪೂಜಿಸಿದರೆ ಕೇತುವಿನಿಂದ ಬರುವ ತೊಂದರೆ ದೂರಮಾಡಿಕೊಳ್ಳಬಹುದು. 11ನೇ ಮನೆಯ ಗುರುವಿನಿಂದ ಬರುವ ಲಾಭವನ್ನು ಪಡೆಯಬಹುದು. ಕೀರ್ತಿಯನ್ನು, ಧನವನ್ನು ಸಂಪಾದಿಸುವ ಕಾಲವು ನಿಮ್ಮದಾಗಿದೆ.

ಕನ್ಯಾ: ಕನ್ಯಾರಾಶಿಯವರಿಗೆ ಏಕಾದಶಕ್ಕೆ ಇನ್ನೇನು ಗುರುಬಂದು ಜೂನ್ 1 ರಿಂದ ಸರ್ವತೋಮುಖ ಅಭಿವೃದ್ಧಿಗೆ ಕಾರಣವಾಗುತ್ತದೆ. ಆದರೂ ಸಪ್ತಮದ ಶನಿ, ಮುಂದೆ ಅಷ್ಟಮಕ್ಕೆ ಬರುವುವನಿದ್ದಾನೆ. ದೈವಚಿಂತನ, ಪಿತೃಗಳ ಭಕ್ತಿ ಮಾಡಬೇಕು. ಕೊಟ್ಟವರ ಸ್ವತ್ತನ್ನು ಧನವನ್ನಾಗಲಿ ಭೂಮಿಯನ್ನಾಗಲಿ, ಬಂಗಾರವಾಗಿರಲಿ ಅದನ್ನು ಅವರಿಗೆ ತಲುಪಿಸಿ ಋಣಮುಕ್ತರಾಗುವುದು ನಿಮ್ಮ ಧ್ಯೇಯವಾಗಿರಲಿ.

ತುಲಾ: ಗುರು ಚರಿತ್ರೆಯ ಒಂದು ಭಾಗದಲ್ಲಿ ಪರಮಾತ್ಮನೇ ಅಂಬಿಕೆ ಎಂಬ ಪತಿವೃತೆಯಲ್ಲಿ ಜನ್ಮ ಪಡೆದು ಗುರುಗಳು ಅವಳನ್ನು ಉದ್ದರಿಸಿ ಬಂಗಾರದ ಬದುಕನ್ನು ಕೊಟ್ಟ ಕಥೆಯಿದೆ. ನಿಮ್ಮನ್ನೂ ಪರಮಾತ್ಮನು ಬಂಗಾರದಿಂದ ತೂಗುತ್ತಾನೆ. ಅಂಥ ಬಾಳನ್ನು ವೃದ್ಧಿಪಡಿಸಿಕೊಳ್ಳಲು ಸರ್ವಶ್ರೇಷ್ಠ ಕಾಲವಿದು, ಶುಭವನ್ನು ಕಾಣಬಹುದು. ಅಂಬಾಭವಾನಿಯ ಅಷ್ಟೋತ್ತರ ಪಠಿಸಿ, ಸ್ವರ್ಣ ಗೌರಿಯನ್ನು ಪೂಜಿಸಿ.

ವೃಶ್ಚಿಕ: ಪಂಚಮ ಶನಿಯು 6ರ ಗುರುವು ಮಾನಸಿಕವಾಗಿ ನಿಮ್ಮನ್ನು ಆಯಾಸದ ಸರ್ವೇಷ್ಠಿಯನ್ನು ತಲುಪುವಂತೆ ಮಾಡಿದ್ದಾನೆ. ಕೆಲಸ ಕಾರ್ಯ ನಿಧಾನ ವಾದರೂ ನಿರೀಕ್ಷಿಸಿದ ಫಲ ಕೊಡುತ್ತದೆ. ಮೇಷದಂತೆ ವೃಶ್ಚಿಕ ರಾಶಿಯವರು ಸುಬ್ರಹ್ಮಣ್ಯ ದೇವರನ್ನು ಪೂಜಿಸದೆ ಇದ್ದರೆ ಮನಸ್ಸಿಗೆ ದುಃಖವು, ಬೇಸರವು ಬರುವುದು. ಸುಬ್ರಹ್ಮಣ್ಯ ಅಷ್ಟೋತ್ತರ ಪಠಿಸಿ. ಸುಖದ ಹಾದಿ ಹಿಡಿಯಿರಿ.

ಧನುಸ್ಸು: ಸುಖದ ಹಾದಿಯಲ್ಲಿ ಸಪ್ತಮ ಗುರುವು ಎಲ್ಲಾ ಶುಭಫಲವನ್ನು ಕೊಟ್ಟು ನಿಮ್ಮನ್ನು ಕೈ ಹಿಡಿದು ನಡೆಸುತ್ತಾನೆ. ಅಂತೆಯೇ ದೈವಬಲವು ಒದಗುತ್ತದೆ. ಚತುರ್ಥ-ಪಂಚಮ ಶನಿಯಿರುವುದರಿಂದ ಯಾರೊಂದಿಗೂ ಕಠಿಣವಾಗಿ ಮಾತನಾಡಬೇಡಿ. ಮಾತು ತಾಮ್ರ, ಮೌನ ಬಂಗಾರದ ವಜ್ರಕವಚದಿಂದ ಕೂಡಿರುತ್ತದೆ. ವಿಷಯ-ವಿಚಾರಗಳನ್ನು ತಿಳಿದುಕೊಂಡು ಮುಂದೆ ಸಾಗಿರಿ.

ಮಕರ: ಮಕರ ರಾಶಿಯವರಿಗೆ ಮೂರನೇ ಮನೆಯ ಶನಿಯು ಎಲ್ಲವನ್ನು ಕೊಡು ತ್ತಾನೆ. 6ರಲ್ಲಿ ಗುರುವಿರುವುದರಿಂದ ಅಂಚೆ ಮೂಲಕ ನಿಮಗೆ ಶುಭವಾಗಲಿ ಅಥವಾ ಯಾವುದೋ ಪ್ರೀತಿಯ ವಸ್ತುವಾಗಲಿ ತಲುಪುತ್ತದೆ. ತಲುಪುವುದು ತಡವಾದರೂ ನಂತರ ಸಂತೋಷ ನೀಡುತ್ತದೆ. ಹಾಗೆಯೇ ಗುರುಕಟಾಕ್ಷ ಇಲ್ಲದಿರುವಾಗ ಕೆಲಸಗಳು ನಿಧಾನವಾಗಿಯಾದರೂ ದಡ ಮುಟ್ಟುತ್ತದೆ.

ಕುಂಭ: ಕುಂಭ ರಾಶಿಯವರಿಗೆ ಕುಜ-ಶನಿ ಒಟ್ಟಿಗೆ ದ್ವಿತೀಯದಲ್ಲಿ ಇರುವುದರಿಂದ ಸಂಸಾರದಲ್ಲಿ ದ್ವಂದ್ವದಿಂದ ಕೂಡಿದ ವಿಚಾರಗಳು ಬಂದು ಮನಸ್ಸಿಗೆ ನೋವುಂಟಾಗುತ್ತದೆ. ಮತ್ತೊಬ್ಬರು ಸಾವಿರ ಮಾತನಾಡಿದರೆ ನೀವು 10 ಮಾತನಾಡುವುದು ಬುದ್ಧಿವಂತರ ಲಕ್ಷಣ. ಮಾತಿನಿಂದ ಹತ್ತು ಹಲವಾರು ದೋಷಗಳು ಬಂದು ನಿಮ್ಮ ಕಾಲವನ್ನು ಯೋಗಗಳನ್ನು ಕುಂಠಿತ ಮಾಡುತ್ತದೆ. ಸೋಮವಾರ ಈಶ್ವರ ಪೂಜೆಯನ್ನು ಮಾಡಿ. ನಾಗರಾಜ ಅಷ್ಟೋತ್ತರ ಪಠಿಸಿ.

ಮೀನ: ಚತುರ್​ಗ್ರಹ ಸಂಯೋಗವಿದೆ. ಜನ್ಮ ಶನಿಯಿಂದ ಸಂಕಟ ಪಾರಾಗುವ ಮಾರ್ಗವು ಕಾಣುತ್ತಿಲ್ಲ. ಕತ್ತಲೆಯು ಆವರಿಸಿಕೊಂಡಿದೆ. ಆದರೂ ಗುರು ರಾಶಿಯಲ್ಲಿ ಹುಟ್ಟಿದ ನಿಮ್ಮನ್ನು ಗುರು ಕೈಬಿಡನು. ನಿಮ್ಮ ಗುರುಗಳ ಮಾತಿನಂತೆ ನಡೆದು, ಅವರ ಮಾತಿನಲ್ಲಿ ವಿಶ್ವಾಸವಿಟ್ಟು ಸಾಗಿದರೆ ನಿಮಗೆ ಸರ್ವಸ್ವವೂ ಲಭಿಸುವುದು. ಗುರುವೆಂದರೆ ಶುಭವನ್ನೇ ಕೊಡುವವನು. ಗುರುಚರಿತ್ರೆಯ 18ನೇ ಅಧ್ಯಾಯ ಪಾರಾಯಣ ಮಾಡಿರಿ.