ಹೋಳಿ ಹಬ್ಬದ ಅದೃಷ್ಟ ನಿಮ್ಮದಾಗಬೇಕೇ? ಹಾಗಾದ್ರೆ ಮನೆಯಿಂದ ಇವುಗಳನ್ನು ಮೊದಲು ಹೊರಹಾಕಿ! Vastu Tips

Vastu Tips (ಸಾಂದರ್ಭಿಕ ಚಿತ್ರ)

Published on:

23 Feb 2026, 10:07 am

ಪ್ರಮುಖ ಮುಖ್ಯಾಂಶಗಳು

ಇನ್ನೇನು ಕೆಲವೇ ದಿನಗಳಲ್ಲಿ ಹೋಳಿ ಹಬ್ಬ ಬರಲಿದೆ. ಈಗಿನಿಂದಲೇ ಹಲವಾರು ಜನರು ಸಿದ್ಧತೆ ಮಾಡಿಕೊಳ್ಳುತ್ತಿದ್ದಾರೆ
ಕ್ಯಾಲೆಂಡರ್ ಪ್ರಕಾರ, ಬಣ್ಣಗಳ ಹಬ್ಬವನ್ನು ಮಾರ್ಚ್ 4, 2026 ರಂದು ವಿಜೃಂಭಣೆಯಿಂದ ಆಚರಿಸಲಾಗುತ್ತದೆ
ಹೋಳಿ ಬರೀ ಬಣ್ಣಗಳಿಂದ ಆಡುವ ಆಟವಲ್ಲ. ಬದಲಿಗೆ ನಿಮ್ಮ ಮನೆಯಿಂದ ನಕರಾತ್ಮಕ ಶಕ್ತಿಯನ್ನು ತೆಗೆದು ಹಾಕುವ ಪ್ರಕ್ರಿಯೆ

Vastu Tips: ಇನ್ನೇನು ಕೆಲವೇ ದಿನಗಳಲ್ಲಿ ಹೋಳಿ ಹಬ್ಬ ಬರಲಿದೆ. ಈಗಿನಿಂದಲೇ ಹಲವಾರು ಜನರು ಸಿದ್ಧತೆ ಮಾಡಿಕೊಳ್ಳುತ್ತಿರುವುದನ್ನು ನಾವು ನೋಡಬಹುದಾಗಿದೆ. ಆದಾಗ್ಯೂ, ಕ್ಯಾಲೆಂಡರ್ ಪ್ರಕಾರ, ಬಣ್ಣಗಳ ಹಬ್ಬವನ್ನು ಮಾರ್ಚ್ 4, 2026 ರಂದು ವಿಜೃಂಭಣೆಯಿಂದ ಆಚರಿಸಲಾಗುತ್ತದೆ. ವಾಸ್ತು ಶಾಸ್ತ್ರದ ಪ್ರಕಾರ, ಹೋಳಿ ಬರೀ ಬಣ್ಣಗಳಿಂದ ಆಡುವ ಆಟವಲ್ಲ. ಬದಲಿಗೆ ನಿಮ್ಮ ಮನೆಯಿಂದ ನಕರಾತ್ಮಕ ಶಕ್ತಿಯನ್ನು ತೆಗೆದು ಹಾಕುವ ಪ್ರಕ್ರಿಯೆಯಾಗಿದೆ. ನೀವೇನಾದರೂ ಈ ಹಬ್ಬದಂದು ಲಕ್ಷ್ಮೀ ದೇವಿ ನಿಮ್ಮ ಮನೆಯಲ್ಲಿ ನೆಲೆಸಬೇಕು ಎಂದು ಬಯಸಿದರೆ, ಈ ವಸ್ತುಗಳನ್ನು ನಿಮ್ಮ ಮನೆಯಿಂದ ಈಗಲೇ ಹೊರ ಹಾಕಿ.

ಕಸದ ರಾಶಿ

ಹಳೆಯ ಕಸ, ವೃತ್ತಪತ್ರಿಕೆ ತುಣುಕುಗಳು ಮತ್ತು ಹಳೆಯ ಕಬ್ಬಿಣದ ವಸ್ತುಗಳನ್ನು ನೀವೇನಾದರೂ ಮನೆಯಲ್ಲಿ ಇಟ್ಟುಕೊಂಡಿದ್ದರೆ, ಲಕ್ಷ್ಮೀ ದೇವಿಯು ಕೋಪಗೊಳ್ಳಬಹುದು. ಇದರಿಂದ ನಿಮ್ಮ ಕುಟುಂಬಕ್ಕೆ ತೊಂದರೆ ಉಂಟಾಗಬಹುದು. ಜೊತೆಗೆ ಅಂದುಕೊಂಡ ಕೆಲಸಕ್ಕೆ ಅಡ್ಡಿಯಾಗುತ್ತದೆ. ಹಾಗಾಗಿ ಈ ಹಬ್ಬ ಬರುವುದರೊಳಗೆ ಮನೆಯನ್ನು ಶುಚಿಯಾಗಿಟ್ಟುಕೊಳ್ಳುವುದು ಉತ್ತಮವಾಗಿದೆ.

ನಿಂತುಹೋದ ಗಡಿಯಾರಗಳು

ವಾಸ್ತು ಪ್ರಕಾರ, ಗೋಡೆಯ ಮೇಲೆ ನೇತಾಡುವ ಗಡಿಯಾರವು ನಿಂತು ಹೋದರೆ ಮನೆಗೆ ಅಶುಭವೆಂದು ಹೇಳಲಾಗುತ್ತದೆ. ಇದು ನಿಮ್ಮ ಮನೆಯ ಪ್ರಗತಿಗೆ ಮತ್ತು ಯಶಸ್ಸಿಗೆ ಅಡ್ಡಿಯಾಗಬಹುದು. ವಾಸ್ತು ಪ್ರಕಾರ, ನಿಲ್ಲಿಸಿದ ಗಡಿಯಾರವು ಮನೆಯಲ್ಲಿರುವ ಜನರನ್ನು ಸೋಮಾರಿಗಳನ್ನಾಗಿ ಮಾಡುತ್ತದೆ. ಇದರಿಂದ ನಿಮಗೆ ದೊರಕಬೇಕಾದ ಉತ್ತಮ ಅವಕಾಶಗಳನ್ನು ಕಳೆದುಕೊಳ್ಳುತ್ತೀರಿ. ಹಾಗಾಗಿ ಈಗಲೇ ನಿಮ್ಮ ಮನೆಯಿಂದ ಹಾಳಾದ, ಕೆಟ್ಟು ನಿಂತ ಗಡಿಯಾರವನ್ನು ತೆಗೆದುಹಾಕಿ.

ಛಾವಣಿ ಮತ್ತು ಬಾಲ್ಕನಿ ಶುಚಿಗೊಳಿಸುವಿಕೆ

ಹೆಚ್ಚಿನ ಜನರು ಮನೆಯ ಒಳ ಭಾಗವನ್ನು ಸ್ವಚ್ಛಗೊಳಿಸುತ್ತಾರೆ. ಆದರೆ ಬೇಡವಾದ ವಸ್ತುಗಳನ್ನು ಮಹಡಿಯ ಮೇಲೆ ಬಿಸಾಡುತ್ತಾರೆ. ವಾಸ್ತು ಶಾಸ್ತ್ರದ ಪ್ರಕಾರ, ಕೊಳಕು ಛಾವಣಿಯು ಕುಟುಂಬದ ವೃತ್ತಿಜೀವನದ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ ಎಂದು ಹೇಳಲಾಗುತ್ತದೆ. ಹಾಗಾಗಿ ಹೋಳಿ ಹಬ್ಬ ಬರುವ ಮುನ್ನವೇ ಮನೆಯನ್ನು ಸ್ವಚ್ಛಗೊಳಿಸುವುದರಿಂದ ಲಕ್ಷ್ಮೀ ದೇವಿಯು ನಿಮ್ಮ ಮನೆಗೆ ಬಂದು ನೆಲೆಸುತ್ತಾಳೆ ಎಂದು ಹೇಳಲಾಗುತ್ತದೆ.

ಸೋರುತ್ತಿರುವ ಪೈಪ್

ನಿಮ್ಮ ಅಡುಗೆಮನೆ ಅಥವಾ ಸ್ನಾನಗೃಹದಲ್ಲಿ ನಿರಂತರವಾಗಿ ನೀರು ಹರಿಯುತ್ತಿದ್ದರೆ, ನಿಮ್ಮ ಹಣ ಸೋರಿಕೆಯಾಗುತ್ತಿದೆ ಎಂದರ್ಥ. ವಾಸ್ತು ಪ್ರಕಾರ, ಈ ರೀತಿಯ ಸಮಸ್ಯೆಯು ನಿಮ್ಮ ಮನೆಯ ಅನಗತ್ಯ ಖರ್ಚನ್ನು ಹೆಚ್ಚಿಸುತ್ತದೆ. ಲಕ್ಷ್ಮೀ ದೇವಿ ಕೋಪಗೊಳ್ಳುತ್ತಾಳೆ ಎಂದು ಹೇಳಲಾಗುತ್ತದೆ. ಹಾಗಾಗಿ ನಿಮ್ಮ ಮನೆಯಲ್ಲೇನಾದರೂ, ಪೈಪ್ ಸೋರುತ್ತಿದ್ದರೆ, ಇಂದೇ ಪ್ಲಂಬರ್ ಕರೆಸಿ ಸರಿಪಡಿಸಿಕೊಳ್ಳಿ.

ಹರಿದ ಬಟ್ಟೆಗಳು ಮತ್ತು ಹಳೆಯ ಕಂಬಳಿಗಳು

ನಿಮ್ಮ ಮನೆಯಲ್ಲಿ ಹರಿದ ಬಟ್ಟೆಗಳು ಅಥವಾ ತುಂಬಾ ವರ್ಷದಿಂದ ಬಟ್ಟೆಗಳನ್ನು ಸಂಗ್ರಹಿಸಿಟ್ಟಿದ್ದರೆ, ಇಂದೇ ಅವುಗಳನ್ನು ಹೊರಗೆ ಹಾಕಿ. ಈ ಬಟ್ಟೆಗಳು ನಕರಾತ್ಮಕ ಆಲೋಚನೆಗಳನ್ನು ಉಂಟು ಮಾಡುತ್ತವೆ ಮತ್ತು ಕಹಿ ನೆನಪುಗಳನ್ನು ಹಿಡಿದಿಟ್ಟುಕೊಳ್ಳುತ್ತವೆ. ಹಾಗಾಗಿ ಈ ರೀತಿಯ ಬಟ್ಟೆಗಳನ್ನು ದಾನ ಮಾಡುವುದರಿಂದ ಅವು ನಿಮಗೆ ಆಶೀರ್ವಾದವನ್ನು ತರುತ್ತದೆ ಎಂದು ಹೇಳಲಾಗುತ್ತದೆ (ಏಜೆನ್ಸೀಸ್).

ವಿಶೇಷ ಸೂಚನೆ: ಈ ಮೇಲೆ ಉಲ್ಲೇಖಿಸಲಾದ ಎಲ್ಲ ಮಾಹಿತಿಯನ್ನು ವಿವಿಧ ಮಾಧ್ಯಮಗಳು, ಜ್ಯೋತಿಷಿಗಳು/ ಪಂಚಾಂಗಗಳು/ ನಂಬಿಕೆಗಳು/ ಹಾಗೂ ಆಧ್ಯಾತ್ಮಿಕ ಪಠ್ಯಗಳಿಂದ ಸಂಗ್ರಹಿಸಲಾಗಿದೆ. ಮಾಹಿತಿ ನೀಡುವುದು ಮಾತ್ರ ನಮ್ಮ ಉದ್ದೇಶವಾಗಿದ್ದು, ಇದನ್ನು ವಿಜಯವಾಣಿ ವೆಬ್ಸೈಟ್ ಜವಾಬ್ದಾರರಾಗಿರುವುದಿಲ್ಲ.

VastuTips