ಜ್ಯೋತಿಷ್ಯ

ನಿಮ್ಮ ಕೈಯಲ್ಲಿರೋ ಬಳೆ ಕೇವಲ ಸೌಂದರ್ಯಕ್ಕಲ್ಲ! ಅದರಲ್ಲಿದೆ ಅದೃಷ್ಟ ಬದಲಾಯಿಸೋ ಗ್ರಹಗಳ ರಹಸ್ಯ; ಯಾವ ಲೋಹ ಧರಿಸಿದ್ರೆ ಏನು ಲಾಭ? Bangles Astrology

ಸಾಂದರ್ಭಿಕ ಚಿತ್ರ
ಸಾಂದರ್ಭಿಕ ಚಿತ್ರ
ಭಾನುಪ್ರಿಯ ಡಿ.ಕೆ
Published on: 

ಪ್ರಮುಖ ಮುಖ್ಯಾಂಶಗಳು

  • ಭಾರತೀಯ ಸಂಸ್ಕೃತಿಯಲ್ಲಿ ಆಭರಣಗಳಿಗೆ ಧಾರ್ಮಿಕ ಮತ್ತು ಆಧ್ಯಾತ್ಮಿಕ ದೃಷ್ಟಿಯಿಂದಲೂ ಹೆಚ್ಚಿನ ಮಹತ್ವ ನೀಡಲಾಗಿದೆ
  • ಭಾರತದಲ್ಲಿ ಮಹಿಳೆಯರು ಮಾತ್ರವಲ್ಲದೆ, ಪುರುಷರೂ ಸಹ ಬಳೆಗಳು ಅಥವಾ ವಿವಿಧ ಕಡಗಗಳನ್ನು ಧರಿಸುತ್ತಾರೆ
  • ವೈಯಕ್ತಿಕ ಅಭಿರುಚಿ ಮತ್ತು ಫ್ಯಾಷನ್‌ಗೆ ತಕ್ಕಂತೆ ಅಂಗಡಿಗಳಿಂದ ವಿವಿಧ ವಿನ್ಯಾಸದ ಬಳೆಗಳನ್ನು ಖರೀದಿಸಿ ಧರಿಸುತ್ತಾರೆ
Bangles Astrology: ಭಾರತೀಯ ಸಂಸ್ಕೃತಿಯಲ್ಲಿ ಆಭರಣಗಳಿಗೆ ಕೇವಲ ಸೌಂದರ್ಯದ ದೃಷ್ಟಿಯಿಂದಷ್ಟೇ ಅಲ್ಲದೆ, ಧಾರ್ಮಿಕ ಮತ್ತು ಆಧ್ಯಾತ್ಮಿಕ ದೃಷ್ಟಿಯಿಂದಲೂ ಹೆಚ್ಚಿನ ಮಹತ್ವ ನೀಡಲಾಗಿದೆ. ಇವುಗಳಲ್ಲಿ ಕೈಗೆ ಧರಿಸುವ ಬಳೆಗಳು ಅತ್ಯಂತ ಪ್ರಮುಖವಾದವು. ಭಾರತದಲ್ಲಿ ಮಹಿಳೆಯರು ಮಾತ್ರವಲ್ಲದೆ, ಪುರುಷರೂ ಸಹ ವಿವಿಧ ಧಾತುಗಳ ಬಳೆ ಅಥವಾ ಕಡಗಗಳನ್ನು ಧರಿಸುವುದನ್ನು ನಾವು ಕಾಣುತ್ತೇವೆ.
ಅನೇಕ ಜನರು ದೇವಾಲಯಗಳು, ಗುರುದ್ವಾರಗಳು ಅಥವಾ ಇತರ ಧಾರ್ಮಿಕ ಸ್ಥಳಗಳಿಗೆ ಭೇಟಿ ನೀಡಿದಾಗ ಅಲ್ಲಿ ಪ್ರಸಾದ ಅಥವಾ ಕಾಣಿಕೆಯಾಗಿ ನೀಡುವ ಬಳೆಗಳನ್ನು ಭಕ್ತಿಯಿಂದ ಧರಿಸುತ್ತಾರೆ. ಇನ್ನೂ ಕೆಲವರು ತಮ್ಮ ವೈಯಕ್ತಿಕ ಅಭಿರುಚಿ ಮತ್ತು ಫ್ಯಾಷನ್‌ಗೆ ತಕ್ಕಂತೆ ಅಂಗಡಿಗಳಿಂದ ವಿವಿಧ ವಿನ್ಯಾಸದ ಬಳೆಗಳನ್ನು ಖರೀದಿಸಿ ಧರಿಸುತ್ತಾರೆ. ಆದರೆ, ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಈ ಬಳೆಗಳು ಕೇವಲ ಅಲಂಕಾರಿಕ ವಸ್ತುಗಳಲ್ಲ. ಬದಲಾಗಿ, ಇವುಗಳು ಮನುಷ್ಯನ ಜಾತಕದಲ್ಲಿರುವ ನವಗ್ರಹಗಳ ಪ್ರಭಾವ ಮತ್ತು ಶಕ್ತಿಯೊಂದಿಗೆ ನೇರ ಸಂಬಂಧವನ್ನು ಹೊಂದಿವೆ ಎಂದು ನಂಬಲಾಗಿದೆ.
ಆದಾಗ್ಯೂ, ಲೋಹದಿಂದ ಮಾಡಿದ ಬಳೆ ಧರಿಸುವುದರಿಂದ ಜೀವನದಲ್ಲಿ ಸಕಾರಾತ್ಮಕ ಬದಲಾವಣೆಗಳು ಉಂಟಾಗಬಹುದು ಎಂದು ಹೇಳಲಾಗುತ್ತದೆ. ಮತ್ತೊಂದೆಡೆ ತಪ್ಪು ಲೋಹವನ್ನು ಆರಿಸುವುದರಿಂದ ಸಮಸ್ಯೆಗಳು ಉಂಟಾಗಬಹುದು. ಆದರಿಂದ ಬಳೆ ಧರಿಸುವ ಮೊದಲು ಲೋಹ ಮತ್ತು ಅದಕ್ಕೆ ಸಂಬಂಧಿಸಿದ ಗ್ರಹಗಳ ಪ್ರಭಾವವನ್ನು ಅರ್ಥಮಾಡಿಕೊಳ್ಳುವುದು ಮುಖ್ಯವೆಂದು ಪರಿಗಣಿಸಲಾಗುತ್ತದೆ.

ಚಿನ್ನದ ಬಳೆ ಯಶಸ್ಸನ್ನು ತರುತ್ತದೆ

ಜ್ಯೋತಿಷ್ಯದ ಪ್ರಕಾರ, ಚಿನ್ನವು ಸೂರ್ಯ ಮತ್ತು ಗುರುವಿಗೆ ಸಂಬಂಧಿಸಿದೆ. ಚಿನ್ನದ ಬಳೆ ಧರಿಸುವುದರಿಂದ ವೃತ್ತಿ ಪ್ರಗತಿ, ಗೌರವ, ಪ್ರತಿಷ್ಠೆ ಮತ್ತು ಆರ್ಥಿಕ ಯೋಗಕ್ಷೇಮವನ್ನು ಕಂಡುಕೊಳ್ಳಬಹುದು. ಆದಾಗ್ಯೂ, ಇದು ವ್ಯಕ್ತಿಯ ಆತ್ಮವಿಶ್ವಾಸ ಮತ್ತು ಪ್ರಭಾವವನ್ನು ಹೆಚ್ಚಿಸುತ್ತದೆ ಎಂದು ನಂಬಲಾಗಿದೆ. ಜಾತಕದಲ್ಲಿ ಸೂರ್ಯ ಮತ್ತು ಗುರುವಿಗೆ ಸಂಬಂಧಿಸಿದ ದೋಷಗಳನ್ನು ಸರಿಪಡಿಸಲು ಇದು ಸಹಾಯ ಮಾಡುತ್ತದೆ ಎಂದು ಹೇಳಲಾಗುತ್ತದೆ.

ಬೆಳ್ಳಿ ಬಳೆ ಮನಸ್ಸಿಗೆ ನೆಮ್ಮದಿ

ಬೆಳ್ಳಿಯು ಮನಸ್ಸು ಮತ್ತು ಭಾವನೆಗಳನ್ನು ನಿಯಂತ್ರಿಸುವ ಗ್ರಹವಾದ ಚಂದ್ರನೊಂದಿಗೆ ನೇರವಾಗಿ ಸಂಬಂಧ ಹೊಂದಿದೆ. ಬೆಳ್ಳಿ ಬಳೆ ಧರಿಸುವುದರಿಂದ ಮನಸ್ಸು ಶಾಂತವಾಗುತ್ತದೆ ಜೊತೆಗೆ ಏಕಾಗ್ರತೆಯನ್ನು ಸುಧಾರಿಸುತ್ತದೆ ಎನ್ನಲಾಗಿದೆ. ಇದು ಒತ್ತಡ, ಕೋಪ ಮತ್ತು ಮಾನಸಿಕ ಅಶಾಂತಿಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಜ್ಯೋತಿಷ್ಯದಲ್ಲಿ ಇದು ಚಂದ್ರ ದೋಷವನ್ನು ದುರ್ಬಲಗೊಳಿಸುತ್ತದೆ.

ಸ್ಟೇನ್ಲೆಸ್ ಸ್ಟೀಲ್ ಬಳೆ ಎಲ್ಲರಿಗೂ ಸೂಕ್ತವಲ್ಲ

ಕಬ್ಬಿಣ ಮತ್ತು ಉಕ್ಕು ಶನಿ ಗ್ರಹಕ್ಕೆ ಸಂಬಂಧಿಸಿದೆ ಎಂದು ನಂಬಲಾಗಿದೆ. ಜ್ಯೋತಿಷಿಗಳ ಪ್ರಕಾರ, ಜಾತಕದಲ್ಲಿ ಶನಿ ದೋಷ ಇರುವವರು ಈ ಬಳೆಯನ್ನು ಧರಿಸುವುದರಿಂದ ನೆಮ್ಮದಿಯನ್ನು ಕಾಣುತ್ತೀರಿ ಎನ್ನಲಾಗುತ್ತದೆ. ಈ ಬಳೆಯನ್ನು ನೀವೇನಾದರೂ ಬಳಸುತ್ತೇವೆ ಎಂದರೆ ಒಮ್ಮೆ ಜ್ಯೋತಿಷ್ಯರಲ್ಲಿ ಕೇಳುವುದು ಉತ್ತಮ.

ಹಿತ್ತಾಳೆ ಮತ್ತು ತಾಮ್ರದ ಬಳೆಗಳ ಪ್ರಯೋಜನಗಳು

ಹಿತ್ತಾಳೆಯು ಗುರು ಗ್ರಹಕ್ಕೆ ಸಂಬಂಧಿಸಿದೆ ಎಂದು ನಂಬಲಾಗಿದೆ. ಇದನ್ನು ಧರಿಸುವುದರಿಂದ ಆಧ್ಯಾತ್ಮಿಕ ಆಸಕ್ತಿ ಹೆಚ್ಚಾಗುತ್ತದೆ ಮತ್ತು ಪೂಜೆ ಮತ್ತು ಧಾರ್ಮಿಕ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಲು ಸಹಾಯ ಮಾಡುತ್ತದೆ. ಆದಾಗ್ಯೂ, ತಾಮ್ರದ ಬಳೆಯನ್ನು ಸೂರ್ಯ ಗ್ರಹಕ್ಕೆ ಸಂಬಂಧಿಸಿದೆ ಎಂದು ಪರಿಗಣಿಸಲಾಗುವುದರಿಂದ ಇದರ ಬಳಕೆಯು ವೃತ್ತಿ ಮತ್ತು ವ್ಯವಹಾರ ಪ್ರಗತಿಯಲ್ಲಿ ಪ್ರಯೋಜನ ಪಡೆಯುತ್ತಾರೆ ಎಂದು ಹೇಳಲಾಗುತ್ತದೆ.

ಅಷ್ಟಧಾತು ಬಳೆ

ಅಷ್ಟಧಾತು ಬಳೆಯು ಎಂಟು ವಿಭಿನ್ನ ಲೋಹಗಳಿಂದ ಮಾಡಲ್ಪಟ್ಟಿರುತ್ತದೆ. ಜ್ಯೋತಿಷ್ಯದ ಪ್ರಕಾರ, ಇದನ್ನು ಧರಿಸುವುದರಿಂದ ಉತ್ತಮ ಆರೋಗ್ಯ, ರಕ್ಷಣೆ ಮತ್ತು ಅದೃಷ್ಟ ಬರುತ್ತದೆ ಎಂದು ಹೇಳಲಾಗುತ್ತದೆ. ಇದನ್ನು ಸಕರಾತ್ಮಕ ಶಕ್ತಿಯ ಸಂಕೇತವೆಂದು ಪರಿಗಣಿಸಲಾಗುತ್ತದೆ (ಏಜೆನ್ಸೀಸ್).
ವಿಶೇಷ ಸೂಚನೆ: ಈ ಮೇಲೆ ಉಲ್ಲೇಖಿಸಲಾದ ಎಲ್ಲ ಮಾಹಿತಿಯನ್ನು ವಿವಿಧ ಮಾಧ್ಯಮಗಳು, ಜ್ಯೋತಿಷಿಗಳು/ ಪಂಚಾಂಗಗಳು/ ನಂಬಿಕೆಗಳು/ ಹಾಗೂ ಆಧ್ಯಾತ್ಮಿಕ ಪಠ್ಯಗಳಿಂದ ಸಂಗ್ರಹಿಸಲಾಗಿದೆ. ಮಾಹಿತಿ ನೀಡುವುದು ಮಾತ್ರ ನಮ್ಮ ಉದ್ದೇಶವಾಗಿದ್ದು, ಇದನ್ನು ವಿಜಯವಾಣಿ ವೆಬ್​ಸೈಟ್​ ಜವಾಬ್ದಾರರಾಗಿರುವುದಿಲ್ಲ.
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net