Vastu Shastra kitchen tips: ನೆಮ್ಮದಿ, ಹಣಕಾಸು, ನೀರು ಮತ್ತು ಆರೋಗ್ಯದೊಂದಿಗೆ ಅಡುಗೆ ಮನೆ ವಾಸ್ತು ಶಾಸ್ತ್ರ ನೇರ ಸಂಬಂಧ ಹೊಂದಿದೆ. ಹೀಗಾಗಿ ಮನೆಯ ಈ ಪ್ರಮುಖ ಸ್ಥಳವನ್ನು ವ್ಯವಸ್ಥಿತವಾಗಿಡುವುದು ಪಾಸಿಟಿವ್ ಶಕ್ತಿಯನ್ನು ನೀಡುತ್ತದೆ. ಆದರೆ, ವಸ್ತುಗಳನ್ನು ಸರಿಯಾಗಿ ಸಂಗ್ರಹಿಸದಿದ್ದರೆ ಅದು ಆರ್ಥಿಕ ತೊಂದರೆಗಳು, ವಾಗ್ವಾದಗಳು, ಗೊಂದಲ ಅಥವಾ ನಷ್ಟಕ್ಕೆ ಕಾರಣವಾಗಬಹುದು.
ಚಿಕ್ಕ ಅಡುಗೆಮನೆ ಇದ್ದರೆ..ಸ್ಥಳಾವಕಾಶ ಉಳಿಸಲು ಜನರು ಹಲವು ವಸ್ತುಗಳನ್ನು ಒಟ್ಟಿಗೆ ಜೋಡಿಸಿಡುತ್ತಾರೆ. ಮಸಾಲೆ ಪದಾರ್ಥದ ಬಳಿ ಔಷಧಿ ಇಡುವುದು, ಧಾನ್ಯಗಳ ಪಕ್ಕದಲ್ಲಿ ಲಿಕ್ವಿಡ್, ಡ್ರಾಯರ್‌ನಲ್ಲಿ ಹಳೆಯ ಬಿಲ್‌ಗಳನ್ನು ಹಾಕುವುದು ಇದು ಸಣ್ಣ ಸಣ್ಣ ತಪ್ಪುಗಳು. ಇದರಿಂದ ಎದುರಾಗುವ ಸಮಸ್ಯೆ ಮಾತ್ರ ದೊಡ್ಡದು. ಹಾಗಾದ್ರೆ ನಮ್ಮ ಅಡುಗೆ ಮನೆ ಹೇಗಿರಬೇಕು?, ಯಾವ ವಸ್ತು ಎಲ್ಲಿ ಇರಕೂಡದು ಎನ್ನುವ ಬಗ್ಗೆ ಮಾಹಿತಿ ಈ ಲೇಖನದಲ್ಲಿ ಇದೆ.
ಯಾವುದು ಎಲ್ಲಿರಬೇಕು?
ಅಕ್ಕಿ, ಗೋಧಿ, ಬೇಳೆಕಾಳುಗಳು, ಹಿಟ್ಟು, ಸಕ್ಕರೆ ಅಥವಾ ಮಸಾಲೆ ಪದಾರ್ಥಗಳನ್ನು ಫ್ಲೋರ್ ಕ್ಲೀನರ್‌ಗಳು, ಪಾತ್ರೆ ತೊಳೆಯುವ ದ್ರವಗಳು, ಫಿನಾಯಿಲ್ ಅಥವಾ ರಾಸಾಯನಿಕ ಸ್ಪ್ರೇಗಳ ಹತ್ತಿರ ಎಂದಿಗೂ ಇಡಬೇಡಿ. ಆಹಾರ ಪದಾರ್ಥಗಳು ಸಮೃದ್ಧಿಯ ಸಂಕೇತವಾದರೆ, ಶುಚಿಗೊಳಿಸುವ ಉತ್ಪನ್ನಗಳು ತ್ಯಾಜ್ಯ ಮತ್ತು ನಕಾರಾತ್ಮಕ ಶಕ್ತಿಯನ್ನು ಪ್ರತಿನಿಧಿಸುತ್ತವೆ. ಇವೆರಡನ್ನೂ ಒಟ್ಟಿಗೆ ಇಡುವುದರಿಂದ ಅಡುಗೆಮನೆಯ ಪಾವಿತ್ರ್ಯತೆಗೆ ಧಕ್ಕೆಯುಂಟಾಗುತ್ತದೆ.
ಉಪ್ಪು ಮತ್ತು ಸಕ್ಕರೆ
ಉಪ್ಪು ಮತ್ತು ಸಕ್ಕರೆಯನ್ನು ಪ್ರತ್ಯೇಕವಾಗಿ ಹಾಗೂ ಅಚ್ಚುಕಟ್ಟಾಗಿ ಸಂಗ್ರಹಿಸಬೇಕು. ಸಕ್ಕರೆ ಕುಟುಂಬಸ್ಥರ ಮಧ್ಯೆ ಸಾಮರಸ್ಯವನ್ನು ತರಿಸುವುದನ್ನು ಪರೋಕ್ಷವಾಗಿ ಉಲ್ಲೇಖಿಸಿದರೆ, ಉಪ್ಪು ಶುದ್ಧೀಕರಣದ ಪ್ರಕ್ರಿಯೆಯೊಂದಿಗೆ ಸಂಬಂಧ ಹೊಂದಿದೆ. ಇವೆರಡನ್ನೂ ಗೊಂದಲಮಯವಾಗಿ ಒಟ್ಟಿಗೆ ಇಡುವುದು ಸಂಬಂಧಗಳಲ್ಲಿ ಮತ್ತು ಮಾತಿನಲ್ಲಿ ಅಸಮತೋಲನವನ್ನು ಉಂಟುಮಾಡಬಹುದು. ಇವುಗಳನ್ನು ಸ್ಪಷ್ಟವಾಗಿ ಲೇಬಲ್ ಮಾಡಿದ ಸ್ವಚ್ಛ ಪಾತ್ರೆಗಳಲ್ಲಿ ಇರಿಸಿ ಮತ್ತು ಎರಡೂ ಜಾಡಿಗಳಿಗೆ ಒದ್ದೆಯಾದ ಚಮಚಗಳನ್ನು ಬಳಸಬೇಡಿ.
