ಭಾರತೀಯರ ಅದರಲ್ಲೂ ಹಿಂದೂಗಳ ಮನೆಗಳಲ್ಲಿ ತುಳಸಿಯನ್ನು ಕೇವಲ ಒಂದು ಗಿಡವಾಗಿ ನೋಡೋದಿಲ್ಲ. ಇದಕ್ಕೆ ಪವಿತ್ರವಾದ ಸ್ಥಾನವಿದೆ. ಶುದ್ಧತೆ, ಪ್ರಾರ್ಥನೆ, ಆರೋಗ್ಯದ ಜೊತೆಗೆ ತುಳಸಿ ನಂಟು ಹೆಚ್ಚಿದೆಜನರು ಭಕ್ತಿಯಿಂದ ನಮಸ್ಕರಿಸಿ, ದೀಪ ಹಚ್ಚಿ, ನೀರೆರೆದು ಪೂಜಿಸುತ್ತಾರೆ. ವಾಸ್ತುಶಾಸ್ತ್ರದ ಪ್ರಕಾರ, ಆರೋಗ್ಯಕರವಾದ ತುಳಸಿ ಗಿಡವು ಮನೆಯಲ್ಲಿ ಧನಾತ್ಮಕ ಶಕ್ತಿ ಮತ್ತು ಶಾಂತಿಯನ್ನು ತರುತ್ತದೆ ಎಂದು ನಂಬಲಾಗಿದೆ.
ಹೊಸದಾಗಿ ತಂದ ತುಳಸಿ ಗಿಡ ಪದೇ ಪದೆ ಒಣಗುತ್ತಿದ್ದರೆ ಆ ಮನೆಯಲ್ಲಿ ನೆಗಟಿವ್ ಎನರ್ಜಿ ಇದೆ ಎನ್ನುವುದರ ಸೂಚನೆ ನೀಡುತ್ತಿದೆ ಎಂದು ಅರ್ಥ. ಕೆಲವೊಮ್ಮೆ ನಿರ್ಲಕ್ಷ್ಯ, ಕೀಟಗಳು, ಹೆಚ್ಚು ಬಿಸಿಲು, ಅತಿಯಾದ ನೀರು, ಕಳಪೆ ಮಣ್ಣು ಅಥವಾ ಸೂರ್ಯನ ಬೆಳಕಿನ ಕೊರತೆಯೂ ಕಾರಣವಾಗಿರಬಹುದು. ಆದರೂ, ಒಣಗಿದ ತುಳಸಿ ಗಿಡವನ್ನು ಕಡೆಗಣಿಸಬಾರದು ಎಂದು ವಾಸ್ತುಶಾಸ್ತ್ರವು ಸೂಚಿಸುತ್ತದೆ.
ತುಳಸಿ ದೈವಿಕ ಶಕ್ತಿ
ಹಸಿರು ತುಳಸಿಯನ್ನು ದೈವಿಕ ಶಕ್ತಿ, ಪಾಸಿಟ್ ಎನರ್ಜಿಗೆ ಹೋಲಿಸಲಾಗುತ್ತದೆ. ನಿರ್ಜೀವವಾದರೆ, ಮಂಕಾದರೆ ಅಥವಾ ಒಣಗಿದರೆ, ಇದು ಮನೆಯಲ್ಲಿ ಸಕಾರಾತ್ಮಕ ಶಕ್ತಿಯ ಹರಿವಿನ ಕೊರತೆಯನ್ನು ಪ್ರತಿನಿಧಿಸಬಹುದು.
