ಮನೆಯ ಈ ಜಾಗಗಳಲ್ಲಿ ಹಲ್ಲಿ ಕಾಣಿಸಿಕೊಂಡರೆ ಹೆದರಬೇಡಿ; ಇದು ಲಕ್ಷ್ಮಿ ದೇವಿ ಆಗಮನದ ಸಂಕೇತ..Lizard Vastu Signs

ಪ್ರಾಚೀನ ಕಾಲದ ಪ್ರಕಾರ ನಮ್ಮ ಮನೆಗೆ ಬರುವ ಪ್ರತಿ ಕೀಟ ಮತ್ತು ಜೀವಚರಗಳು ಶುಭ ಮತ್ತು ಕೆಡಕು ಸೂಚನೆಯನ್ನು ಕೊಡುತ್ತದೆ. ಗುಬ್ಬಿ ಗೂಡು ಕಟ್ಟುವುದು, ಜೇಡ ಬಲೆ ಕಟ್ಟುವುದು, ಗೂಬೆ, ಬಾವಲಿ ಹೀಗೆ ಒಂದೊಂದಕ್ಕೂ ಒಂದು ಆಚಾರ ವಿಚಾರ ಇದೆ.. ಹಾಗೆಯೇ ಹಲ್ಲಿ ಮನೆಯ ಕೆಲವು ಭಾಗದಲ್ಲಿ ಕಾಣಿಸಿಕೊಂಡರೆ ಅದು ಅಶುಭ ಸೂಚನೆಯಲ್ಲ ಎಂದು ವಾಸ್ತು ಶಾಸ್ತ್ರದ ಪ್ರಕಾರ ಹೇಳಲಾಗುತ್ತದೆ. ಹಾಗಾದ್ರೆ ಮನೆಯ ಯಾವ ಭಾಗದಲ್ಲಿ ಹಲ್ಲಿ ಕಾಣಿಸಿಕೊಂಡರೆ ಶುಭ ಸೂಚನೆ ಎಂದು ತಿಳಿದುಕೊಳ್ಳೋಣ.

ಇತಿಹಾಸದಲ್ಲಿ ಹಲ್ಲಿಯನ್ನು ಲಕ್ಷ್ಮಿ ದೇವಿಯಂದು ಕರೆಯಲಾಗುತ್ತದೆ. ಇದು ದೀಪಾವಳಿ ಹಬ್ಬದ ರಾತ್ರಿ ಹಲ್ಲಿ ಕಾಣಿಸಿಕೊಂಡರೆ, ಅದು ಅಧಿಕೃತವಾಗಿ ಲಕ್ಷ್ಮಿ ಗೃಹ ಪ್ರವೇಶಿಸಿದ್ದಾಳೆ ಎಂದು ಅರ್ಥವಂತೆ. ವಾಸ್ತು ಶಾಸ್ತ್ರದ ಪ್ರಕಾರ ಹಲ್ಲಿ ಈಶಾನ್ಯ ಭಾಗದಲ್ಲಿ ಅಥವಾ ಈಶಾನ್ಯ ಭಾಗದ ಗೋಡೆ ಮೇಲೆ ಕಾಣಿಸಿಕೊಂಡರೆ ಶುಭ ಎನ್ನಲಾಗುತ್ತದೆ. ಈ ದಿಕ್ಕು ಶಕ್ತಿ, ಜ್ಞಾನದ ಭಾಗ ಎನ್ನಲಾಗುತ್ತದೆ. ಉದ್ಯೋಗ, ವ್ಯವಹಾರದಲ್ಲಿ ಲಾಭ ಕಾಣಿಸಿಕೊಳ್ಳುತ್ತದೆ ಎನ್ನಲಾಗಿದೆ. ಆದರೆ, ಹಲ್ಲಿ ಒಂದೇ ಕಡೆ ನಿಲ್ಲದೆ ಕೆಳಕ್ಕೆ ಬಿದ್ದು ಮೇಲಕ್ಕೆ ಹತ್ತುವ ಸರ್ಕಸ್​ ಮಾಡುತ್ತಿದ್ದರೆ ಇದು ಅನಗತ್ಯ ಖರ್ಚಿನ ಸೂಚನೆ ಎಂದು ಹೇಳಲಾಗಿದೆ.

ನಿಮ್ಮ ಪೂಜಾ ಕೋಣೆಯಲ್ಲಿ ಈಶಾನ್ಯ ದಿಕ್ಕಿನಲ್ಲಿ ಹಲ್ಲಿ ಕಾಣಿಸಿಕೊಂಡರೆ ಅದನ್ನು ಹೊರದಬ್ಬಬೇಡಿ. ಇದು ಲಕ್ಷ್ಮಿ ದೇವಿಯ ಆಶೀರ್ವಾದ ನಿಮ್ಮ ಮೇಲೆ ಎಂದಿಗೂ ಇಟ್ಟಿದೆ ಎನ್ನುವ ಸೂಚನೆಯನ್ನು ನೀಡುತ್ತಿದೆ. ಇನ್ನು ಮುಂದಿನ ದಿನದಲ್ಲಿ ಹಲ್ಲಿ ಕಂಡರೆ ಭಯ ಪಡಬೇಡಿ ಅದು ಯಾವ ಜಾಗದಲ್ಲಿ ಕಾಣಿಸಿಕೊಂಡಿದೆ ಎನ್ನುವುದನ್ನು ಗಮನಿಸಿ ಆರ್ಥಿಕ ಮಟ್ಟ ಹೆಚ್ಚಾಗುವ ಬಗ್ಗೆ ತೃಪ್ತಿ ಪಡಿ, (ಏಜೆನ್ಸೀಸ್).