ಮನೆ ಪ್ರಗತಿ, ಸುಖ-ಶಾಂತಿ ನೆಲೆಸಲು ಕುದುರೆ ಚಿತ್ರ ಶ್ರೇಷ್ಠವೋ ಅಥವಾ ಆನೆ ಚಿತ್ರವೋ?; ವಾಸ್ತು ಶಾಸ್ತ್ರ ಏನು ಹೇಳುತ್ತೆ?..Vatu Tips

ವಾಸ್ತು ಶಾಸ್ತ್ರದ ಪ್ರಕಾರ ಓಡುವ ಏಳು ಕುದುರೆಗಳು ಹಣಕಾಸು, ವೇಗ, ಪ್ರಗತಿ ವೇಗದ ಸಂಕೇತ ಎಂಬುವ ನಂಬಿಕೆ ಇದೆ. ಇದನ್ನು ಕೆಲಸ ಮಾಡುವ ಜಾಗದಲ್ಲಿ ದಕ್ಷಿಣ ದಿಕ್ಕಿನ ಗೋಡೆಯ ಮೇಲೆ ಹಾಕಿದರೆ ಇದು ಉದ್ಯೋಗದಲ್ಲಿ ಯಶಸ್ಸು, ಕೀರ್ತಿ ಮತ್ತು ಪ್ರಗತಿಯನ್ನು ತರುತ್ತದೆ. ಓಡುವ ಕುದುರೆಯ ಪಟವನ್ನು ಮನೆಯಲ್ಲಿ ಪೂರ್ವ ಅಥವಾ ಉತ್ತರ ದಿಕ್ಕಿನ ಗೋಡೆಯ ಮೇಲೆ ಹಾಕಬಹುದು. ಇದು ಆರ್ಥಿಕ ಪ್ರಗತಿ ಮತ್ತು ಜೀವನದಲ್ಲಿ ಹೊಸ ಅವಕಾಶಗಳನ್ನು ತರುತ್ತದೆ.

ಕುದುರೆಗಳು ಸಂತೋಷವಾಗಿರುವ ಫೋಟೋವನ್ನೇ ನೀವು ಕೊಂಡುಕೊಂಡು ನಿಮ್ಮ ಮನೆಯ ಗೋಡೆ ಮೇಲೆ ಅಳವಡಿಸಬೇಕು. ಕೋಪ ಅಥವಾ ಆಕ್ರಮಣ ಶೈಲಿಯಲ್ಲಿ ಇರಕೂಡದು.ಈ ಚಿತ್ರವನ್ನು ಎಂದಿಗೂ ಮಲಗುವ ಕೋಣೆ ಅಥವಾ ಪೂಜಾ ರ್ಯಾಕ್​ನಲ್ಲಿ ಇಡಬಾರದು. ಇದನ್ನು ಲಿವಿಂಗ್ ರೂಮ್ ಅಥವಾ ಕಚೇರಿಯ ಮುಖ್ಯ ಕೋಣೆಯಲ್ಲಿ ಮಾತ್ರ ಹಾಕಬೇಕು ಎನ್ನಲಾಗಿದೆ.

ಸಾಂಪ್ರದಾಯಿಕ ಮತ್ತು ವಾಸ್ತು ಪ್ರಕಾರ, ಆನೆಯು ಶಕ್ತಿ, ಸ್ಥಿರತೆ, ಬುದ್ಧಿವಂತಿಕೆ ಹಾಗೂ ವೈಭವದ ಸಂಕೇತವಾಗಿ ಪರಿಗಣಿಸಲಾಗುತ್ತದೆ. ಆನೆ ತನ್ನ ಸೊಂಡಿಲನ್ನು ಮೇಲಕ್ಕೆತ್ತಿ ಶುಭ ಹಾರೈಸುತ್ತಿರುವುದನ್ನು ಶುಭ ಸಂಕೇತ ಎಂದು ಕರೆಯಲಾಗುತ್ತದೆ. ಇದು ಮನೆಯಲ್ಲಿ ಸುಖ-ಶಾಂತಿಯನ್ನು ತರುತ್ತದೆ.

ಎರಡು ಚಿತ್ರಗಳು ನಿಮ್ಮ ಬದುಕಿಗೆ ಬೇಕಾಗಬಹುದು. ಹಣಕಾಸಿನ ಸಮಸ್ಯೆಗೆ ಓಡುವ ಏಳು ಕುದುರೆ ಫೋಟೋ ಆದರೆ, ಇನ್ನೂ ಸುಖ, ನೆಮ್ಮದಿಗಾಗಿ ಸೊಂಡಿಲೆತ್ತಿರುವ ಆನೆ ಫೋಟೋ ಬೇಕಾಗಬುಹುದು. ಹೀಗಾಗಿ ನಿಮ್ಮ ಅವಶ್ಯಕತೆಗೆ ತಕ್ಕಂತೆ ಫೋಟೋಗಳನ್ನು ಬಳಸಿಕೊಳ್ಳಿ, (ಏಜೆನ್ಸೀಸ್).