Vastu Before Diwali: ಭಾರತೀಯರು ದೀಪಾವಳಿ ಹತ್ತಿರ ಬರುತ್ತಿದ್ದಂತೆ ಮೊದಲು ಮನೆಯನ್ನು ಸ್ವಚ್ಛಗೊಳಿಸುವುದು, ಫ್ಯಾನ್ ಒರೆಸುವುದು ಮತ್ತು ಹಳೆಯ ವಸ್ತುಗಳನ್ನು ವಿಲೇವಾರಿ ಮಾಡುವುದು, ಅನಾದಿಕಾಲದಿಂದಲೂ ಮೂಲೆಯಲ್ಲಿಟ್ಟಿರುವ ಪಾತ್ರೆ ತೆಗೆದು ತೊಳೆದು ಸ್ವಚ್ಛಂದ ಮಾಡಿ ನಂತರ, ಹೊಸ ಬಟ್ಟೆ ಸೇರಿದಂತೆ ಮುಂದಿನ ಕಾರ್ಯಗಳನ್ನು ಕೈಗೊಳ್ಳೋದು ವಾಡಿಕೆ. ಆದರೆ, ಅಡುಗೆಮನೆ ಅಥವಾ ಬಾಲ್ಕನಿಯಿಂದ ಸ್ವಚ್ಛತೆಯನ್ನು ಆರಂಭಿಸುವ ಬದಲು, ವಾಸ್ತು ಶಾಸ್ತ್ರದ ಪ್ರಕಾರ ಯಾವ ಮೂಲೆಯಿಂದ ಕೆಲಸ ಆರಂಭಿಸಬೇಕು ಎಂಬ ನಿಯಮವಿದೆ.
ಹೌದು, ಇಂದು ಯಾವ ಮೂಲೆಯಿಂದ ದೀಪಾವಳಿ ಹಬ್ಬಕ್ಕೂ ಮುನ್ನ ಶುಚಿಗೊಳಿಸಿದರೆ, ಲಕ್ಷ್ಮಿ ನೆಲೆಸುತ್ತಾಳೆ. ಮನೆಗೆ ಅಂಟಿರುವ ನಕರಾತ್ಮಕ ಶಕ್ತಿ ದೂರವಾಗುತ್ತದೆ ಎನ್ನುವುದಕ್ಕೆ ಸಂಪೂರ್ಣ ಮಾಹಿತಿ ಈ ಲೇಖನದಲ್ಲಿ ಇದೆ.
ಈಶಾನ್ಯ ಮೂಲೆ ಮುಖ್ಯ ಯಾಕೆ?
ವಾಸ್ತು ಶಾಸ್ತ್ರದ ಪ್ರಕಾರ, ಮನೆಯಲ್ಲಿರುವ ಪ್ರತಿಯೊಂದು ದಿಕ್ಕಿಗೂ ಅದರದ್ದೇ ಆದ ದೇವತೆ ಮತ್ತು ಅಂಶವಿರುತ್ತದೆ. ಮನೆಯ ಅತ್ಯಂತ ಪವಿತ್ರವಾದ ಜಾಗವೆಂದರೆ ಅದು ಈಶಾನ್ಯ ಮೂಲೆ. ಹೀಗಾಗಿ, ದೀಪಾವಳಿ ಶುಚಿಗೊಳಿಸುವಿಕೆಯನ್ನು ಈಶಾನ್ಯ ಮೂಲೆಯಿಂದಲೇ ಆರಂಭಿಸಬೇಕು ಎನ್ನಲಾಗುತ್ತದೆ. ಈ ದಿಕ್ಕಿನ ಅಧಿಪತಿ ಶಿವನ ರೂಪವಾದ ಈಶಾನ ಮತ್ತು ಇದರ ಪ್ರಮುಖ ಅಂಶ ನೀರು.
ಪಾಸಿಟಿವ್ ಎನರ್ಜಿ ಪ್ರವೇಶಕ್ಕೆ ಒತ್ತು
ಸೂರ್ಯನ ಕಿರಣ ಎಂಟ್ರಿಯಾಗುವ ಪೂರ್ವ ದಿಕ್ಕು ಮತ್ತು ತಂಪಾದ ಶಕ್ತಿ ನೀಡುವ ಉತ್ತರ ದಿಕ್ಕು ಸಂಧಿಸುವ ಜಾಗವೇ ಈಶಾನ್ಯ. ಇದು ಮನೆಗೆ ಸಕಾರಾತ್ಮಕ ಶಕ್ತಿಯನ್ನು ಪ್ರವೇಶಿಸುವಂತೆ ಮಾಡುವ ದಿಕ್ಕು.ಈ ಮೂಲೆ ಕತ್ತಲಿಂದ ಕೂಡಿದ್ದರೆ ಅಥವಾ ಅಸ್ತವ್ಯಸ್ತವಾಗಿದ್ದರೆ ಮನೆಗೆ ನೆಗೆಟಿವ್ ಎನರ್ಜಿ ಬರೋದಂತು ಗ್ಯಾರಂಟಿ. ನಂತರ ಅಶಾಂತಿ, ನೆಮ್ಮದಿ ಹಾಗೂ ಗೊಂದಲದಿಂದ ಕೂಡಿರುತ್ತದೆ, ದೀಪಾವಳಿಯಲ್ಲಿ ಲಕ್ಷ್ಮಿ ದೇವಿಯನ್ನು ಸ್ವಾಗತಿಸುವ ಮುನ್ನ ಈ ಮೂಲೆಯನ್ನು ಸ್ವಚ್ಛವಾಗಿಟ್ಟುಕೊಳ್ಳುವುದು ಅತ್ಯಗತ್ಯ.
