ಧಾರ್ಮಿಕ

ಅತಿಯಾದ ಆಲೋಚನೆ, ಗೊಂದಲಕ್ಕೆ ಬ್ರೇಕ್​ ಬೇಕಾ?; ನಿತ್ಯ 10 ನಿಮಿಷವಾದರೂ ದೇವರ ಮಂತ್ರ ಜಪಿಸಿ, ಬದಲಾವಣೆ ನೋಡಿ..Mantras For Mental Peace

Unlocking Inner Strength Through Power of Mantras
Unlocking Inner Strength Through Power of Mantras
ಮಮತಾ
Published on: 
ಶಾಲೆಗಳಲ್ಲಿ ಮುಂಜಾನೆ ಪ್ರಾರ್ಥನಾ ಸಮಯದಲ್ಲಿ ಹಾಗೂ ತರಗತಿ ಆರಂಭಕ್ಕೂ ಮುನ್ನ, ಮಧ್ಯಾಹ್ನ ಊಟದ ಸಮಯದಲ್ಲಿ ಕೆಲವೊಂದು ಶ್ಲೋಕ ಹೇಳಿಸಲಾಗುತ್ತದೆ. ಇನ್ನು ದೇಗುಲಗಳಲ್ಲಿ ಒಂದೇ ಸಮನೇ ಮಂತ್ರಗಳು ಪ್ರಸಾರವಾಗುತ್ತದೆ ಇದನ್ನು ಕೇಳಿಯೇ ಇರುತ್ತೇವೆ. ಈ ಬಗ್ಗೆ ಹೆಚ್ಚು ಗಮನ ಕೊಡುವುದೇ ಇಲ್ಲ. ಆದರೆ ಮಂತ್ರ, ಶ್ಲೋಕಗಳು ಮಾನಸಿಕ ಆರೋಗ್ಯಕ್ಕೆ ಎಷ್ಟು ಸಹಕಾರಿಯಾಗುತ್ತದೆ ಗೊತ್ತಾ?.
ಸಂಸ್ಕೃತದ ಪ್ರಕಾರ ಮಂತ್ರ ಎಂದರೆ, ಮಂ- ಮನಸ್ಸು ಮತ್ತು ತ್ರ ಎಂದರೆ ರಕ್ಷಣೆ ಅಥವಾ ಮುಕ್ತಿ ಎಂದು. ನಕರಾತ್ಮದಿಂದ ಕೂಡಿದ ಮನಸ್ಸನ್ನು ಮಂತ್ರಗಳು ಸಕರಾತ್ಮಕದತ್ತ ಹೊರಳಿಸಿ, ಜೀವನ ಶಾಂತಿಯಿಂದ ಇರುವಂತೆ, ಒಳ್ಳೆಯ ಯೋಚನೆಗಳು, ಚಿಂತನೆಗಳು, ಯಾವುದೇ ಗಲಾಟೆಗಳು ಬಾರದಂತೆ, ಒಳ್ಳೆಯ ನಿರ್ಧಾರ ಕೈಗೊಳ್ಳಲು ಸಹಾಯ ಮಾಡುತ್ತದೆ.

ಯಾವುದಾದರೂ ಮಂತ್ರ ಜಪಿಸಬಹುದು

ನಿತ್ಯವೂ ಗಾಯತ್ರಿ ಮಂತ್ರ, ಶ್ಲೋಕ, ದೇವರ ನಾಮ, ಹನುಮಾನ್​ ಚಾಲೀಸ, ತಾರಕ ಮಂತ್ರ ಪಠಣ ಮಾಡುವುದರಿಂದ ನಮ್ಮ ಮೇಲಾಗುವ ಪರಿಣಾಮ ಹಾಗೂ ಸಕರಾತ್ಮಕ ಬದಲಾವಣೆ ಬಗ್ಗೆ ಇಲ್ಲಿದೆ ಮಾಹಿತಿ.

ನಿತ್ಯ ಮಂತ್ರ ಪಠಣ ಹೇಗೆ ಕೆಲಸ ಮಾಡುತ್ತದೆ?

  • ನಾವು ದೇವರಲ್ಲಿ ಪ್ರಾರ್ಥನೆ ಮಾಡುವಾಗ ಶ್ಲೋಕಗಳನ್ನು ಜಪಿಸಿದಾಗ ನಮ್ಮ ದೇಹದ ನರಮಂಡಲ ಕಂಪಿಸುವ ಮೂಲಕ ಧನಾತ್ಮಕ ಪರಿಣಾಮ ಬೀರುತ್ತದೆ. ಮನಸ್ಸನ್ನು ಶಾಂತಿಗೊಳಿಸುವಂತೆ ಮಾಡುತ್ತದೆ.
  • ಇನ್ನು ಈ ಕಾಲಘಟ್ಟದಲ್ಲಿ ಕಾಡುವ ಭಯ, ಆತಂಕ ಹಾಗೂ ನಿರ್ಧಾರಗಳ ಬಗ್ಗೆ ಸದಾ ಕಾಡುವ ಗೊಂದಲಗಳಿಗೆ ಈ ಮಂತ್ರವು ಮುಕ್ತಿ ನೀಡುತ್ತದೆ. ಅತಿಯಾಗಿ ಆಲೋಚನೆ ಮಾಡುವುದನ್ನು ಬಿಟ್ಟು, ನಿರಾಂತಕವಾಗಿ ಜೀವಿಸಲು ಸಹಾಯ ಮಾಡುತ್ತದೆ.
  • ಮಂತ್ರದ ಶಕ್ತಿಯು ವ್ಯಕ್ತಿಯಲ್ಲಿ ಆಂತರಿಕ ಶಕ್ತಿ ಮತ್ತು ಆತ್ಮವಿಶ್ವಾಸ ಹೆಚ್ಚಾಗುವಂತೆ ಮಾಡುತ್ತದೆ. ಎಂತಹ ಕಠಿಣ ಪರಿಸ್ಥಿತಿಗಳೇ ಎದುರಾಗಲಿ ಅವನ್ನು ಧೈರ್ಯದಿಂದ ಮೆಟ್ಟಿ ನಿಲ್ಲುವ ಮನೋಭಾವ ವೃದ್ಧಿಸಲು ಈ ದೈವಿಕ ಮಂತ್ರಗಳು ಸಹಾಯ ಮಾಡುತ್ತದೆ.
  • ಸಹಜ ಮಂತ್ರ ಜಪವು ಏಕಾಗ್ರತೆ ವೃದ್ಧಿಸಲು ಸಹಾಯ ಮಾಡುತ್ತದೆ. ಗೊಂದಲಗಳನ್ನು ನಿವಾರಿಸಲು ಸಹಾಯ ಮಾಡುತ್ತದೆ.
  • ಕೋಪ, ದ್ವೇಷ ಅಥವಾ ನಿರಾಸೆಯನ್ನು ಹೋಗಲಾಡಿಸಿ, ಅವು ಪ್ರೀತಿ, ಕೃತಜ್ಞತೆ ಮತ್ತು ಕರುಣೆಯಂತಹ ಸಕರಾತ್ಮಕ ಭಾವನೆಯನ್ನು ಮೂಡಿಸುತ್ತದೆ.

ಯಾವಾಗ ಮಂತ್ರಗಳನ್ನು ಜಪಿಸಬೇಕು?

ಮುಂಜಾನೆ ಎದ್ದ ಕೂಡಲೇ ಶುಚಿಯಾಗಿ ಜಪ ಮಾಡುವುದು ಅಥವಾ ಸಂಜೆ ಹೊತ್ತಲ್ಲಿ ಮಂತ್ರ ಜಪಿಸುವುದು ಸೂಕ್ತ ಸಮಯ. ಯಾವ ಮಂತ್ರಗಳು ನಿಮಗೆ ತಿಳಿಯದಿದ್ದರೆ ಗಾಯಿತ್ರಿ ಮಂತ್ರ ಅಥವಾ ಓಂಕಾರ ಪಠಣೆ ಮಾಡಿ. ಗಮನಿಸಿ ಯಾವುದೇ ಮಂತ್ರ ಜಪಿಸುವಾಗ ಏಕಾಗ್ರತೆ, ಶ್ರದ್ಧಾ, ವಿನಯ ಮುಖ್ಯ ಕಾಟಾಚಾರಕ್ಕೆ ಜಪಿಸಬೇಡಿ, (ಏಜೆನ್ಸೀಸ್).
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net