ಕರ್ನಾಟಕದಾದ್ಯಂತ ಯುಗಾದಿ ಸಂಭ್ರಮ: ಸರಿಯಾದ ಪೂಜಾ ಸಮಯ, ಹಬ್ಬದ ಸಂಪ್ರದಾಯದ ಬಗ್ಗೆ ಇಲ್ಲಿದೆ ಮಾಹಿತಿ...Ugadi Rituals

Ugadi Rituals: ಹೊಂಗೆ ಹೂವ ತೊಂಗಲಲ್ಲಿ, ಭೃಂಗದ ಸಂಗೀತ ಕೇಳಿ, ಮತ್ತೆ ಕೇಳ ಬರುತಿದೆ, ಬೇವಿನ ಕಹಿ ಬಾಳಿನಲ್ಲಿ ಹೂವಿನ ನಸುಗಂಪು ಸೂಸಿ ಜೀವಕಳೆಯ ತರುತಿದೆ ಈ ಯುಗಾದಿ. ಇದು ಕರ್ನಾಟಕದ ಜನ ಮತ್ತು ತೆಲುಗು ಮಾತನಾಡುವ ಆಂಧ್ರ ಹಾಗೂ ತೆಲಂಗಾಣದ ಭಾಗದವರಿಗೆ ಹೊಸವರ್ಷವಿದ್ದಂತೆ. ದಕ್ಷಿಣ ಭಾಗದ ಭಾರತೀಯರಿಗೆ ಇದೊಂದು ಸಂಭ್ರಮದ ಆಚರಣೆ. 

ಯುಗಾದಿ ಪದವು ಸಂಸ್ಕೃತ ಭಾಷೆಯಲ್ಲಿ ಹೀಗೆಂದು ಅರ್ಥೈಸುತ್ತದೆ.. ಯುಗಾದಿ(Ugadi Festival) ಎನ್ನುವುದು ಯುಗ ಮತ್ತು ಆದಿ ಎನ್ನುವ ಎರಡು ಪದಗಳಿಂದ ಸಂಯೋಜನೆಗೊಂಡಿದೆ. ಯುಗ ಎಂದರೆ ಕಾಲ ಆದಿ ಎಂದರೆ ಆರಂಭ.  ಈ ದಿನದಂದು ಪೂಜೆ ಯಾವ ಸಮಯಕ್ಕೆ ಮಾಡಬೇಕು? ಯಾವ ಆಹಾರ ಸೇವನೆ ಏನನ್ನು ಹೇಳುತ್ತದೆ. ಅಭ್ಯಂಜನ ಸ್ನಾನದ ಮಹತ್ವವೇನು ಎನ್ನುವುದು ಈ ಲೇಖನದಲ್ಲಿ ಇದೆ.  

2026ರಲ್ಲಿ ಯುಗಾದಿ ಹಬ್ಬವು 19ರಂದು ಆಚರಿಸಲಾಗುತ್ತದೆ. ಈ ಹಬ್ಬವೂ ಚೈತ್ರ ಮಾಸದ ಮೊದಲ ದಿನವೇ ಈ ಹಬ್ಬವನ್ನು ಆಚರಿಸಲಾಗುತ್ತದೆ. ಯುಗಾದಿಯು ಚೈತ್ರ ಮಾಸದಿಂದ ಆರಂಭವಾಗುತ್ತದೆ ಹಿಂದೂ ಪಂಚಾಗದ ಪ್ರಕಾರ, ಈ ದಿನ ಚೈತ್ರಮಾಸದ ಶುಕ್ಲ ಪಾಡ್ಯವಾಗಿರುತ್ತದೆ. ಹಿಂದೂ ಪುರಾಣ ಕತೆಗಳ ಪ್ರಕಾರ,  ಬ್ರಹ್ಮನು ಜಗತ್ತನ್ನು ಈ ದಿನದಂದೇ ಸೃಷ್ಟಿಸಿದನು ಎನ್ನುವುದು ನಂಬಿಕೆ. 

 ಯುಗಾದಿ ಹಬ್ಬದ ದಿನ ಪೂಜೆಯೂ ಸಾಮಾನ್ಯವಾಗಿ ಬೆಳಗ್ಗೆ ಸೂರ್ಯೋದಯದ ನಂತರ ಮಾಡಲಾಗುತ್ತದೆ. ಹೊಸ ವರ್ಷ ಆಚರಣೆಗೆ ಇದೇ ಮಂಗಳಕರ ಸಮಯ ಎಂದು ಖ್ಯಾತ ಜ್ಯೋತಿಷಿ ತಜ್ಱರು ಹೇಳುತ್ತಾರೆ. 

ಹಬ್ಬದ ದಿನ ಸೂರ್ಯೋದಯಕ್ಕೂ ಮುನ್ನ ಎಣ್ಣೆ ಹಚ್ಚಿ ಸ್ನಾನ ಮಾಡಲಾಗುತ್ತದೆ. ಈ ಹಿಂದೆ  ಹಿರಿಯರು ಅಭ್ಯಂಜನ ಸ್ನಾನ ಮಾಡಿಸುತ್ತಿದ್ದರು.  ಇದು ಹಬ್ಬಕ್ಕಾಗಿ ಮಾಡುವುದಾದರು ದೇಹದ ನೋವು, ಕೂದಲ ಆರೈಕೆ, ಮನಶ್ಶಾಂತಿಯನ್ನುಂಟು ಮಾಡುತ್ತದೆ ಎಂದು ಹಿರಿಕರು ಹೇಳುತ್ತಾರೆ. ಹೆಂಗಳೆಯರು ರಂಗೋಲಿ ಹಾಕಿ, ಮನೆ ಸಾರಿಸಿ ಸಿಂಗರಿಸುತ್ತಾರೆ. ಇನ್ನು ಮನೆಗೆ ಮಾವಿನ ತೋರಣ, ಬೇವಿನ ಸೊಪ್ಪು ಕಟ್ಟುವುದು ಸಕರಾತ್ಮಕ ಆಲೋಚನೆಗಳನ್ನು ನೀಡುತ್ತದೆ.

ಹಬ್ಬದ ದಿನ  ದೇವರಿಗೆ ಪೂಜೆ ಮಾಡಿದ ನಂತರ ಕಹಿ ಬೇವು ಮತ್ತು ಬೆಲ್ಲವನ್ನು ಖಾಲಿ ಹೊಟ್ಟೆಯಲ್ಲಿ ತಿನ್ನಬೇಕು. ಕಹಿ ಬೇವು ಮತ್ತು ಬೆಲ್ಲ  ಹುಟ್ಟಿದಾಗಿನಿಂದ ಜೀವನದಲ್ಲಿ ಎದುರಾಗುವ ಸುಖ ಮತ್ತು ದುಃಖವನ್ನು ಪ್ರತಿನಿಧಿಸುತ್ತದೆ.ಜೊತೆಗೆ ಇಂದಿನ ದಿನದ ವಿಶೇಷ ಖಾದ್ಯ ಎಂದರೆ `ಯುಗಾದಿ ಪಚಡಿ' ಸಿಹಿ, ಕಹಿ, ಹುಳಿ, ಖಾರ, ಉಪ್ಪು ಮಿಶ್ರಣದ ಆಹಾರ ಸೇವನೆ ಮಾಡಬೇಕು. ಇವು ಮತ್ತು  ಬೇವು ಹಾಗೂ ಬೆಲ್ಲ  ಪರೋಕ್ಷವಾಗಿ ಬದುಕಿನ ಪಾಠ ಹೇಳುತ್ತದೆ. 

ಮುಂದಿನ ಹೊಸ ವರ್ಷದ ವರೆಗೂ ಕೃಷಿ, ಆರ್ಥಿಕತೆ, ಮಳೆಯ ಭವಿಷ್ಯ ಹೇಗಿರುತ್ತದೆ ಎನ್ನುವುದನ್ನು ತಿಳಿದುಕೊಳ್ಳಲು ಹಿರಿಯರು ಹಬ್ಬದ ದಿನದಂದು ಪಂಚಾಂಗ  ಓದುತ್ತಾರೆ. ಜೊತೆಗೆ ಆರೋಗ್ಯ ಮತ್ತು ಆರ್ಥಿಕ, ಮಾನಸಿಕವಾಗಿ ಮನುಷ್ಯನನ್ನು ಕಾಪಾಡು ಎಂದು ಭಕ್ತರು ವಿಷ್ಣು  ಮತ್ತು ವೆಂಕಟೇಶ್ವರನ ದೇವಸ್ಥಾನಕ್ಕೆ ಭೇಟಿ ಆರಾಧಿಸುವ ವಾಡಿಕೆಯಿದೆ, (ಏಜನ್ಸೀಸ್).