ಮನೆಯ ಅಂಗಳದ ಈ ದಿಕ್ಕಿನಲ್ಲಿ ಪಾರಿಜಾತ ಗಿಡ ನೆಟ್ಟರೆ ಸಿಗುವ ಧನಾತ್ಮಕ ಲಾಭಗಳಿವು!.. Parijata Vastu Direction

ಹಾಗಾದರೆ ಪಾರಿಜಾತ ಗಿಡವನ್ನು ಯಾವ ದಿಕ್ಕಿನಲ್ಲಿ ನೆಟ್ಟರೆ ನಿಮ್ಮ ಆರ್ಥಿಕ ಮತ್ತು ಮಾನಸಿಕ ಸಮಸ್ಯೆಗೆ ಮುಕ್ತಿ ನೀಡುತ್ತದೆ. ಯಾವ ನಿಯಮ ಅನುಸರಿಸಬೇಕು ಎನ್ನುವುದಕ್ಕೆ ಮಾಹಿತಿ ಇಲ್ಲಿದೆ

ಪಾರಿಜಾತ ಹೂವಿನ ಗಿಡವನ್ನು ನಿಮ್ಮ ಮನೆಯ ಉತ್ತರ ಅಥವಾ ಪೂರ್ವದಿಕ್ಕಿನಲ್ಲಿ ನೆಟ್ಟು ಪೋಷಿಸಿ. ಈ ದಿಕ್ಕಿನಲ್ಲಿ ಸಸಿ ನೆಡುವುದರಿಂದ ಧನಾತ್ಮಕ ಶಕ್ತಿಯು ನಿಮ್ಮ ಮನೆಯನ್ನು ಪಸರಿಸುತ್ತದೆ ಎನ್ನಲಾಗಿದೆ. ಈಶಾನ್ಯ ಮೂಲೆಯನ್ನು ದೈವಿಕ ಮೂಲೆ ಎಂದು ಕರೆಯಲಾಗಿದ್ದು, ಅಲ್ಲಿ ಪಾರಿಜಾತ ಹೂ ಇಡುವುದರಿಂದ ಮನೆಯಲ್ಲಿ ಸಮಸ್ಯೆ, ಚಿಂತೆ, ಮಾನಸಿಕ ತೊಂದರೆ ದೂರವಾಗಿ ಶಾಂತಿ ಉಳಿಯುವಂತೆ ಮಾಡುತ್ತದೆ.

ಪಾರಿಜಾತ ಹೂವಿನ ಸುವಾಸನೆಯು ಒತ್ತಡ ನಿವಾರಕ ಗುಣವನ್ನು ಹೊಂದಿದೆ. ಆಯುರ್ವೇದ ಮತ್ತು ವಾಸ್ತು ಶಾಸ್ತ್ರದ ಪ್ರಕಾರ, ಮನೆಯ ಬಳಿ ಬೀಳುವ ಪಾರಿಜಾತ ಸುತ್ತಲಿರುವ ಜನರ ಮನಸ್ಸನ್ನು ತಿಳಿಗೊಳಿಸಿತ್ತದೆ. ಮರದಲ್ಲಿರುವ ಹೂವನ್ನು ಎಂದಿಗೂ ಕೀಳಬಾರದು. ಪಾರಿಜಾತ ನಿಮ್ಮಲ್ಲಿರುವ ಕೋಪವನ್ನು ಕಡಿಮೆ ಮಾಡುತ್ತದೆ.

ದೇವರಿಗೆ ಪೂಜೆಗೆಂದು ಹೂವಿಡುವ ಮುನ್ನ ನಾವು ಮರದಿಂದ ಕಿತ್ತ ಹೂ ಇಡುತ್ತೇವೆ, ಎಂದಿಗೂ ಮುಡಿದ ಅಥವಾ ನೆಲದಲ್ಲಿ ಬಿದ್ದ ಹೂವನ್ನು ಇಡುವುದಿಲ್ಲ. ಆದರೆ, ಪಾರಿಜಾತದ ಹೂವಿನ ವಿಚಾರದಲ್ಲಿ ಲೆಕ್ಕಾಚಾರ ಬೇರೆ. ನೆಲಕ್ಕೆ ಬಿದ್ದ ಪಾರಿಜಾತ ಹೂವನ್ನು ಮಾತ್ರ ಬಳಕೆ ಮಾಡಬೇಕು. ಗಿಡದಿಂದ ಕೀಳುವಂತಿಲ್ಲ.