ಗೃಹ ಪ್ರವೇಶದ ದಿನ ಹಾಲು ಉಕ್ಕಿಸಲೇ ಬೇಕಾ?; ಇಲ್ಲದಿದ್ದರೆ ಏನಾಗುತ್ತದೆ, ಇಲ್ಲಿದೆ ಮಹತ್ವದ ಮಾಹಿತಿ..Gruha Pravesam

Importance of boiling milk in housewarming: ನಾವು ಹೊಸ ಮನೆಗೆ ತೆರಳಿದಾಗ, ಒಮ್ಮೆ ಸ್ವಚ್ಛ ಮಾಡಿ, ಹಾಲು ಉಕ್ಕಿಸುತ್ತೇವೆ. ಇದು ಹಿಂದಿನಿಂದಲೂ ನಡೆದುಕೊಂಡು ಬಂದ ಪದ್ಧತಿ. ಆದರೆ, ಇಂದಿನ ಕಾಲದಲ್ಲಿ ಹೊಸ ಮನೆಯಲ್ಲಿ ಹಾಲು ಉಕ್ಕಿಸುವುದನ್ನು ಕೆಲವರು ಕಡೆಗಣಿಸುತ್ತಾರೆ. ಕೆಲವರಿಗೆ ಇದರ ಮಹತ್ವ ತಿಳಿಯೋದಿಲ್ಲ, ಹಾಗಾದ್ರೆ ಈ ಹಾಲು ಉಕ್ಕಿಸುವ ಕಾರ್ಯ ಮಾಡೋದ್ಯಾಕೆ?, ಈಗಿನ ಕಾಲಘಟ್ಟದವರು ಇದನ್ನು ಕಡೆಗಣನೆ ಮಾಡೋದ್ಯಾಕೆ?, ಇದರಿಂದ ಇರುವ ಪ್ರಯೋಜನಗಳೇನು(Importance of boiling milk in housewarming) ಎನ್ನುವುದನ್ನು ತಿಳಿದುಕೊಳ್ಳೋಣ.

ಭಾರತದಲ್ಲಿರುವ ಪ್ರತಿ ಮಧ್ಯಮ ವರ್ಗದ ಜನರಿಗೆ ಮನೆ ಖರೀದಿ ಮಾಡುವುದು ಅಥವಾ ಕಟ್ಟಿಸುವುದು ಒಂದು ಕನಸಿನ ಕೂಸಿದ್ದಂತೆ. ಹೀಗಾಗಿ, ಹಣ ಉಳಿತಾಯ ಸೇರಿದಂತೆ ನಾನಾ ವಿಧದಲ್ಲಿ ಶ್ರಮಿಸುತ್ತಾರೆ. ಅಕಸ್ಮಾತ್​ ಕಟ್ಟಿಸಿದರೂ, ವಾಸ್ತು ಶಾಸ್ತ್ರದ ಪ್ರಕಾರ, ಜ್ಯೋತಿಷ್ಯ ಶಾಸ್ತ್ರ, ಧಾರ್ಮಿಕ ಪ್ರಕಾರ ಏನೆಲ್ಲ ನಿಯಮ ಪಾಲನೆ ಮಾಡಬೇಕು ಎಂಬುದನ್ನು ಮರೆತು ಮುನ್ನಡೆದರೆ ಸಂಬಂಧದಲ್ಲಿ ಕಲಹ, ಆರ್ಥಿಕ ಸಮಸ್ಯೆ ಸೇರಿದಂತೆ ನಾನಾ ಅಡೆತಡೆ ಉಂಟಾಗುತ್ತದೆ. ಹಾಗೆಯೇ ಹಾಲು ಉಕ್ಕಿಸುವುದನ್ನು ಸಹ ಒಂದು ಶುಭ ಸೂಚನೆ ಎಂದು ನಂಬಿ ಹಲವರು ಕಡ್ಡಾಯವಾಗಿ ಪಾಲನೆ ಮಾಡುತ್ತಾರೆ.

ಹಿಂದೂ ಸಂಪ್ರದಾಯದ ಪ್ರಕಾರ ಹೊಸ ಮನೆಗೆ ಪ್ರವೇಶಿಸಿ, ಹಾಲು ಉಕ್ಕಿಸುವ ಕಾರ್ಯವನ್ನು ಮಾಡುವುದು ಶುಭ ಎಂದು ಹೇಳಲಾಗುತ್ತದೆ. ಹಿರಿಯರು ಈ ಪದ್ಧತಿಯನ್ನು ಇಂದಿಗೂ ಪಾಲನೆ ಮಾಡುತ್ತಾರೆ. ಹಾಲು ಶುದ್ಧ ಪಾನೀಯ. ಹೀಗಾಗಿ ಇದನ್ನು ಗೃಹ ಪ್ರವೇಶ ಮಾಡಿದಾಗ ಉಕ್ಕಿಸಲಾಗುತ್ತದೆ. ಎದು ಎಷ್ಟು ದೂರ ಹಾಗೂ ಶೀಘ್ರವಾಗಿ ಹರಿಯುತ್ತದೆಯೋ ಅಷ್ಟು ಹಣವನ್ನು ಆ ಮನೆಯವರು ಹೊಂದಿರುತ್ತಾರೆ ಎನ್ನುವುದು ಇದರ ಅರ್ಥ ಎಂದು ಜ್ಯೋತಿಷ್ಯ ಶಾಸ್ತ್ರವು ಹೇಳುತ್ತದೆ.

ಹಾಲು ಉಕ್ಕುವಂತೆ ಮನೆಯು ಸಂತೋಷವಾಗಿ ಇರುತ್ತದೆ. ಅಲ್ಲದೆ ಮನೆಯಲ್ಲಿ ವಕ್ಕರಿಸಿರುವ ನಕರಾತ್ಮಕ ಶಕ್ತಿಗಳು ದೂರವಾಗಿ, ಕುಟುಂಬ ಸದಸ್ಯರ ಜೊತೆಗೆ ಪ್ರೀತಿಯಿಂದ ಕಳೆಯುವಂತೆ ಪರೋಕ್ಷವಾಗಿ ವಾತಾವರಣವನ್ನು ಸೃಷ್ಟಿ ಮಾಡುತ್ತದೆ ಎನ್ನುವುದು ಇದರ ಅರ್ಥ ಎನ್ನಲಾಗುತ್ತದೆ. ಕೆಲವರು ಹಾಲು ನೆಲಕ್ಕೆ ಚಲ್ಲುತ್ತದೆ ಎಂದೋ ಅಥವಾ ಹಾಲು ಚೆಲ್ಲಿ ವ್ಯರ್ಥವಾಗುತ್ತದೆ., 21ನೇ ಶತಮಾನದಲ್ಲಿಯೂ ಇದನ್ನೆಲ್ಲ ನಂಬಬೇಕ ಎಂದು ಹಾಲನ್ನು ಕುದಿಯಲು ಬಿಡದೆ ಸ್ಟೌವ್​ ಬಂದ್​ ಮಾಡುತ್ತಾರೆ. ಆದರೆ, ಈ ರೀತಿ ಮಾಡುವುದರಿಂದ ಮನೆಯಲ್ಲಿ ಘರ್ಷಣೆ, ನಕರಾತ್ಮಕ ವೈಬ್ಸ್​, ಅಶಾಂತಿ ಕಾಡುತ್ತದೆ ಎನ್ನಲಾಗುತ್ತದೆ, (ಏಜೆನ್ಸೀಸ್).