ನವದೆಹಲಿ: ನೀವು ಅನೇಕ ರೀತಿಯ ಕಲಾವಿದರ ಬಗ್ಗೆ ಕೇಳಿರಬಹುದು. ಸಣ್ಣದಾಗಿ ಚಿತ್ರ ಬಿಡಿಸುವವರಿಂದ ಹಿಡಿದು ಚಾಕ್ ಪೀಸ್ನಲ್ಲೂ ಕೆತ್ತನೆ ಮಾಡಿರುವುದನ್ನು ನಾವು ನೋಡಿದ್ದೇವೆ. ಆದರೆ ಇಲ್ಲೊಬ್ಬ ಭೂಪ, ಕಿಡ್ನಿ ಸ್ಟೋನ್ಗಳನ್ನೇ ಬಳಸಿಕೊಂಡು ಕಲಾಕೃತಿಯನ್ನು ನಿರ್ಮಿಸಿದ್ದಾನೆ.
ಹೌದು. ಇಂಗ್ಲೆಂಡ್ ಮೂಲದ ಕಲಾವಿದನೊಬ್ಬ ಈ ರೀತಿಯ ವಿಚಿತ್ರ ಕಲಾಕೃತಿಯನ್ನು ನಿರ್ಮಿಸಿದ್ದು ಎಲ್ಲರ ಗಮನ ಸೆಳೆಯುತ್ತಿದ್ದಾನೆ.ಈ ಕಲಾಕೃತಿಯ ಫೋಟೋಗಳು ಕೂಡ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿವೆ. ಈತ ತಯಾರಿಸಿರುವ ಕಲಾಕೃತಿ ಸ್ಟೋನ್ ಹೆಂಜ್ ಎನ್ನುವ ಯುನೆಸ್ಕೋ ಪಾರಂಪರಿಕ ಪ್ರದೇಶದ್ದು. ಇದನ್ನು ಬೃಹತ್ ಗಾತ್ರದ ಶಿಲೆಗಳನ್ನು ಒಂದರ ಮೇಲೊಂದು ಇಟ್ಟು ವೃತ್ತಾಕಾರವಾಗಿ ಜೋಡಿಸಿ ಮಾಡಲಾಗಿತ್ತು. ಇದು ಖಗೋಳೀಯ ದೃಷ್ಟಿಯಿಂದ ನಿರ್ಮಿಸಲ್ಪಟ್ಟಿತ್ತು. ಹೀಗಾಗಿ ಇದನ್ನು ಒಂದು ಅದ್ಭುತ ಎಂದೇ ಬಣ್ಣಿಸಲಾಗುತ್ತದೆ.
ಅಂದಹಾಗೆ ಈ ಕಲಾವಿದನ ಹೆಸರು ಸೈಮನ್ ಲೆ ಬೊಗ್ಗಿಟ್ಸ್ ಎಂದು. ಅವರು ಈ ಕಲಾಕೃತಿಗೆ ಇಟ್ಟ ಹೆಸರು ‘ಹ್ಯುಮ್ಯಾನಿಟಿ’ ಎಂದು. ಇದು ಮನುಷ್ಯನಾಗಿ ಇರುವುದು ಎಂದರೆ ಏನು ಎನ್ನುವುದರ ಬಗ್ಗೆ ಹೇಳುತ್ತದೆ ಎಂದು ಕಲಾವಿದರು ಹೇಳಿಕೊಂಡಿದ್ದಾರೆ. (ಏಜೆನ್ಸೀಸ್)
