ಭಾರತದ ಸಂಸ್ಕೃತಿ, ವಿಶೇಷತೆ, ಶ್ರೇಷ್ಠತೆಯನ್ನು ಅಜರಾಮರವಾಗಿಸುವ ಮತ್ತು ಪ್ರಜಾಪ್ರಭುತ್ವದ ಮೌಲ್ಯ ಸಿದ್ಧಾಂತಗಳನ್ನು ಕಾಪಾಡುವಲ್ಲಿ ವಿದ್ಯಾರ್ಥಿಗಳ ಪಾತ್ರ ಮುಖ್ಯ. ಈ ನಿಟ್ಟಿನಲ್ಲಿ ನಾನು ನನ್ನ ಶಿಕ್ಷಣದ ಜತೆಗೆ ನಮ್ಮ ದೇಶದ, ನಾಡು, ಭಾಷೆಯ ಬಗ್ಗೆ ಅಭಿಮಾನ-ಸ್ವಾಭಿಮಾನಿಯಾಗಿ ಬಾಳುತ್ತೇನೆ. ನಮ್ಮ ಸಂಸ್ಕ›ತಿ, ಕಲೆ, ಸಾಹಿತ್ಯ, ಸಂಗೀತ, ಪರಂಪರೆ, ಆಚಾರ-ವಿಚಾರ ಪಾಲಿಸುತ್ತಾ ಪಾಲಿಸುವಂತೆ ಜವಾಬ್ದಾರಿಯುತವಾಗಿ ನಡೆದುಕೊಳ್ಳುತ್ತೇನೆ. ಅದರಂತೆ ಭರತನಾಟ್ಯ ಕಲೆಯ ಆರಾಧಕಳಾದ ನಾನು ಈ ಕಲೆಯನ್ನು ಉಳಿಸಿ-ಬೆಳೆಸುವ ಮನೋಭಾವ ಹೊಂದಿದ್ದೇನೆ. ಕಲೆಯ ಜತೆಗೆ ಶಿಕ್ಷಣದಲ್ಲೂ ವಿಶೇಷ ಸಾಧನೆ ಮಾಡಿ ಐಎಎಸ್ ಅಧಿಕಾರಿಯಾಗುವ ಮೂಲಕ ಜವಾಬ್ದಾರಿಯುತ ನಾಗರಿಕಳಾಗಿ, ಸಮಾಜ ಸುಧಾರಕಳಾಗಿ ನನ್ನ ಜನ್ಮಭೂಮಿ, ಸಮಾಜ, ಕುಟುಂಬ, ಗುರು-ಹಿರಿಯರಿಗೆ ಕೀರ್ತಿ ತರುವ ಕಾರ್ಯ ನನ್ನಿಂದಾಗಬೇಕು ಎಂಬುದು ನನ್ನಾಸೆ.
