ಪೂಜಾ ನಡೆಸಿದ ಒಂದು ಸಣ್ಣ ಪ್ರಯೋಗದಿಂದ ಈ ವಂಚನೆ ಬಯಲಾಗಿದೆ. ಒಂದೇ ವಸ್ತುವಿಗೆ ವಿಭಿನ್ನ ಬೆಲೆಗಳಿರುವ ವಿಷಯ ಬೆಳಕಿಗೆ ಬಂದಿದೆ. ಪೂಜಾ ಅವರು ಐಫೋನ್ ಮತ್ತು ಆಂಡ್ರಾಯ್ಡ್ ಫೋನ್ ಎರಡನ್ನೂ ಬಳಸಿಕೊಂಡು ಜೆಪ್ಟೋ ಅಪ್ಲಿಕೇಶನ್ನಲ್ಲಿ ಬೆಲೆಗಳನ್ನು ಹೋಲಿಕೆ ಮಾಡಿ ನೋಡಿದ್ದಾರೆ. ಆಂಡ್ರಾಯ್ಡ್ ಫೋನ್ನಲ್ಲಿ 500ಗ್ರಾಂ ದ್ರಾಕ್ಷಿಯ ಬೆಲೆ 65 ರೂಪಾಯಿ ಇದ್ದರೆ, ಐಫೋನ್ನಲ್ಲಿ ಅದೇ ದ್ರಾಕ್ಷಿಯ ಬೆಲೆ 146 ರೂಪಾಯಿ ಇದೆ. ಅಂದರೆ, ಬೆಲೆಯಲ್ಲಿ ಎರಡು ಪಟ್ಟು ಹೆಚ್ಚು ವ್ಯತ್ಯಾಸವಿದೆ. ಎಲ್ಲೋ ಮಿಸ್ಟೇಕ್ ಆಗಿರಬಹುದು ಅಂತ ಅಂದುಕೊಂಡರೆ ಅದು ನಮ್ಮ ತಪ್ಪು. ಏಕೆಂದರೆ, ಕ್ಯಾಪ್ಸಿಕಂ ಬೆಲೆಯಲ್ಲೂ ಇದೇ ಪರಿಸ್ಥಿತಿ ಕಂಡುಬಂದಿದೆ. ಆಂಡ್ರಾಯ್ಡ್ ಫೋನ್ನಲ್ಲಿ ಕ್ಯಾಪ್ಸಿಕಂ ಬೆಲೆ 37 ರೂ. ಇದ್ದರೆ, ಐಫೋನ್ನಲ್ಲಿ 69 ರೂಪಾಯಿ ಇದೆ.
