ಜಿಯೋಹಾಟ್ಸ್ಟಾರ್ಗೆ ನೀಡಿದ ಸಂದರ್ಶನದಲ್ಲಿ ಈ ಬಗ್ಗೆ ಮಾತನಾಡಿರುವ ವೆಂಕಟೇಶ್ ಪ್ರಸಾದ್, ಒಂದು ತಂಡವನ್ನು ಹೇಗೆ ನಿರ್ವಹಿಸಲಾಗುತ್ತದೋ ಅದರ ಮೇಲೆ ಉಂಟಾಗುವ ವ್ಯತ್ಯಾಸವನ್ನು ನಾವು ನೋಡಬಹುದಾಗಿದೆ. ಬೇರೆ ತಂಡಗಳು ಸ್ಥಳೀಯ ಪ್ರತಿಭೆಗಳ ಮೇಲೆ ನಂಬಿಕೆ ಇಡುತ್ತಿವೆ. ಆದರೆ, ಆರ್ಸಿಬಿ (RCB) ಮಾತ್ರ ಸ್ಥಳೀಯ ಪ್ರತಿಭೆಗಳ ಮೇಲೆ ಯಾಕೆ ನಂಬಲು ತಯಾರಿಲ್ಲ ಎಂಬುದು ನನಗೆ ಅರ್ಥವಾಗುತ್ತಿಲ್ಲ. ಅವರು ಒಂದು ಬ್ರ್ಯಾಂಡ್ ಅನ್ನು ನಿರ್ಮಿಸುತ್ತಿದ್ದಾರೆಯೇ ಅಥವಾ ಅವರು ನಿಜವಾಗಿಯೂ ಐಪಿಎಲ್ ಗೆಲ್ಲುವತ್ತ ಗಮನಹರಿಸುತ್ತಿದ್ದಾರೆಯೇ? ಅವರು ತಮ್ಮ ಆಟಗಾರರಿಂದ ಅತ್ಯುತ್ತಮವಾದದ್ದನ್ನು ಪಡೆಯಬೇಕಾಗಿದೆ, ಅದು ಇಲ್ಲಿಯವರೆಗೆ ಆಗಿಲ್ಲ ಎಂದು ಫ್ರಾಂಚೈಸಿ ನಡೆಗೆ ಕಿಡಿಕಾರಿದ್ದಾರೆ.
