ಬೆಂಗಳೂರು: ಪುನೀತ್ ರಾಜ್ಕುಮಾರ್ ಅವರ ಸ್ಮರಣಾರ್ಥವಾಗಿ ಆಸ್ಟ್ರೇಲಿಯಾದಲ್ಲಿನ ಉದ್ಯಾನವನವೊಂದಕ್ಕೆ ‘ಅಪ್ಪು ಪಾರ್ಕ್’ ಎಂದು ಹೆಸರಿಡಲಾಗಿದೆ.
ಆಸ್ಟ್ರೇಲಿಯಾದಲ್ಲಿ ಪುನೀತ್ ರಾಜ್ಕುಮಾರ್ಗೆ ಬಹಳಷ್ಟು ಅಭಿಮಾನಿಗಳಿದ್ದಾರೆ ಎಂಬುದಕ್ಕೆ ಈ ನಿರ್ದಶನ ಸಾಕ್ಷಿಯಾಗಿದೆ. ವಿದೇಶ ಪ್ರವಾಸಗಳಲ್ಲಿ ಆಗಾಗ ತಮ್ಮ ನೆಚ್ಚಿನ ಆಸ್ಟ್ರೇಲಿಯಾಗೆ ತೆರಳುತ್ತಿದ್ದ ಅಪ್ಪು, ಅಲ್ಲಿ ತನ್ನ ಸ್ನೇಹಿತರನ್ನು ಭೇಟಿಯಾಗುತ್ತಿದ್ದರು. ಅಲ್ಲಿನ ಕನ್ನಡಿಗರಿಗೆ ಪುನೀತ್ ಮೇಲೆ ಅಪಾರ ಗೌರವವಿತ್ತು. ಹೀಗಾಗಿ ಅಲ್ಲಿನ ಪಾರ್ಕ್ ಒಂದಕ್ಕೆ ಪುನೀತ್ ರಾಜ್ಕುಮಾರ್ ಅವರ ಹೆಸರಿಡುವ ಮೂಲಕ ಅಭಿಮಾನಿಗಳು ವಿದೇಶದಲ್ಲೂ ತಮ್ಮ ನೆಚ್ಚಿನ ನಟನ ಮೇಲಿನ ಪ್ರೀತಿಯನ್ನು ತೋರಿಸಿದ್ದಾರೆ.
ಇದೀಗ ಕನ್ನಡ ರಾಜ್ಯೋತ್ಸವದ ಹಿನ್ನೆಲೆ, ರಾಜ್ಯ ಸಭಾ ಸಂಸದರಾದ ಜಿ.ಸಿ.ಚಂದ್ರಶೇಖರ್ ಅವರು ತಮ್ಮ ಟ್ವೀಟರ್ ಖಾತೆಯಲ್ಲಿ ಅಪ್ಪು ಪಾರ್ಕ್ನ ಉದ್ಘಾಟನೆಯ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ‘ಕರ್ನಾಟಕ ಸಂಪ್ರದಾಯದಂತೆ ಆಸ್ಟ್ರೇಲಿಯಾ ದೇಶದಲ್ಲಿ ಪುನೀತ್ ರಾಜಕುಮಾರ್ ಅವರ ನೆನಪಿನಲ್ಲಿ “ಅಪ್ಪು ಪಾರ್ಕ್” ಉದ್ಘಾಟನೆ ಎಂಬ ಪೋಸ್ಟ್ ಹಾಕಿ ಅಪ್ಪುಗೆ ಕನ್ನಡ ಮಣ್ಣಿನ ಹೆಮ್ಮೆಯ ಪುತ್ರ ಎಂದು ಬರೆದುಕೊಂಡಿದ್ದಾರೆ.
ಕರ್ನಾಟಕ ಸಂಪ್ರದಾಯದಂತೆ ಆಸ್ಟ್ರೇಲಿಯಾ ದೇಶದಲ್ಲಿ "ಅಪ್ಪು ಪಾರ್ಕ್" ಪುನೀತ್ ರಾಜಕುಮಾರ್ ಅವರ ನೆನಪಿನಲ್ಲಿ ಉದ್ಘಾಟನೆ!
— GC ChandraShekhar (@GCC_MP) November 1, 2022
ಕನ್ನಡ ಮಣ್ಣಿನ ಹೆಮ್ಮೆಯ ಪುತ್ರ#Kannada #Kannadiga #Karnataka pic.twitter.com/eVnehVtGNv