ಐಪಿಎಲ್ ಮೆಗಾ ಹರಾಜಿನಲ್ಲಿ ಅನ್ಸೋಲ್ಡ್ ಆಗಿದ್ದ ಆರ್.ಸ್ಮರಣ್, ಆರ್ಸಿಬಿ ತಂಡದ ಪೂರ್ವಸಿದ್ದತಾ ತರಬೇತಿ ಶಿಬಿರದಿಂದಲೂ ಜತೆಗಿದ್ದು, ಸದ್ಯ ಅಭ್ಯಾಸ ಪಂದ್ಯಗಳಲ್ಲೂ ಬಿರುಸಿನ ಬ್ಯಾಟಿಂಗ್ ಮೂಲಕ ತರಬೇತಿ ಬಳಗದ ಗಮನಸೆಳೆದಿದ್ದಾರೆ ಎನ್ನಲಾಗಿದೆ. ಟೂರ್ನಿಯ ಆರಂಭಿಕ ಹಂತದಲ್ಲಿ ಮನೋಜ್ ಫಿಟ್ ಆಗದಿದ್ದರೆ ಅಥವಾ ಬೇರಾವುದೇ ಆಟಗಾರ ಇಂಜುರಿ ಸಮಸ್ಯೆಗೆ ಒಳಗಾದರೆ ಸ್ಮರಣ್ಗೆ ಐಪಿಎಲ್ನಲ್ಲಿ ಚೊಚ್ಚಲ ಬಾರಿ ಆಡುವ ಅವಕಾಶ ಲಭಿಸಲಿದೆ. ಆರ್ಸಿಬಿ ಹೊರತುಪಡಿಸಿ ಇತರ ್ರಾಂಚೈಸಿಗಳು ಸ್ಮರಣ್ ಸೇರ್ಪಡೆಗೆ ಆಸಕ್ತಿ ತೋರಿವೆ. 2024ರ ರಣಜಿ ಟ್ರೋಫಿಯಲ್ಲಿ ಕರ್ನಾಟಕ ಪರ ಪದಾರ್ಪಣೆ ಮಾಡಿದ ಸ್ಮರಣ್, ವಿಜಯ್ ಹಜಾರೆ ಟ್ರೋಫಿಯಲ್ಲಿ ಆಡಿದ 10 ಪಂದ್ಯಗಳಲ್ಲಿ 2 ಶತಕ, 2 ಅರ್ಧಶತಕ ಸಹಿತ 433 ರನ್ ಗಳಿಸಿದ್ದರು. ನಂತರ ರಣಜಿ 2ನೇ ಹಂತದಲ್ಲೂ ಸತತ 2 ಶತಕ ಸಿಡಿಸಿ ಮಿಂಚಿದ್ದರು.
