ಟ್ರೆಡ್​ವಿುಲ್: ಯುವಜನರ ವಾಕ್​​ಮೇಟ್​/ರನ್​​ಮೇಟ್​

ಇಂದು ಜಗತ್ತು ತುಂಬ ಬದಲಾಗಿದೆ ಅನ್ನೋದಕ್ಕಿಂತ ಹೊಸತನ್ನು ಹುಟ್ಟು ಹಾಕಿದೆ ಎನ್ನಬಹುದು. ಎಲ್ಲದಕ್ಕೂ ಒಂದು ಪರಿಹಾರ ಇದೆ ಅನ್ನೋದನ್ನು ಜಗತ್ತು ತೋರಿಸಿಕೊಟ್ಟಿದೆ. ಹಿಂದೆ ಅವರವರ ಕೆಲಸಗಳಿಗೆ ನಡೆದೇ ಹೋಗುವ ಪರಿಪಾಠವಿತ್ತು. ಆದರೆ ಇಂದು ಸಮಯದ ಅಭಾವ, ಕೆಲಸದ ಒತ್ತಡದ ಕಾರಣ ನಡಿಗೆ ಕಡಿಮೆಯಾಗಿದೆ. ಆದರೆ ಜನರಿಗೆ ಆರೋಗ್ಯ ಬೇಕು. ಅದು ನಡೆದಾಡಿ, ದೇಹಕ್ಕೆ ವ್ಯಾಯಾಮ ಆದರೆ ಮಾತ್ರ ಸಿಗುವುದು ಎಂದು ತಿಳಿದಿದೆ. ಆದಾಗ್ಯೂ, ಕೆಲವರು ಮಾತ್ರ ಈ ಬಗ್ಗೆ ಗಮನ ನೀಡುತ್ತಿದ್ದಾರೆ. ಹೊರಗೆ ಅಂಗಳ ಇದೆ, ರೋಡ್ ಇದೆ ಅಲ್ಲಿ ನಡೆದಾಡಿ ವ್ಯಾಯಾಮ ಮಾಡಬಹುದು ಎಂದು ಮನಸ್ಸು ಹೇಳುತ್ತದೆ. ಅಷ್ಟು ಹೊತ್ತಿಗೆ ರಾತ್ರಿಯಾಗಿರುತ್ತದೆ. ಇನ್ನು ನಾಳೆ ಮಾಡೋಣ ಅಂದುಕೊಳ್ಳುವ ಜನರೇ ಹೆಚ್ಚು. ಅದಕ್ಕೆ ಬದಲಾಗಿ ಟ್ರೆಡ್​ವಿುಲ್ ಅನ್ನು ನಮ್ಮ ಕೈಲಾದಷ್ಟು ಹಣ ಹೊಂದಿಸಿ ಖರೀದಿಸಿದರೆ ಖಂಡಿತ ದಿನವೂ ಮನೆಯ ಒಳಗೇ ಶರೀರಕ್ಕೆ ವ್ಯಾಯಾಮ ಸಾಧ್ಯ.

| ಕೃಷ್ಣವೇಣಿ ಪ್ರಸಾದ್ ಮುಳಿಯಟ್ರೆಡ್​ವಿುಲ್ ಎಂದರೆ...

ಕಡಿಮೆ ಜಾಗವುಳ್ಳ ಪ್ರದೇಶದಲ್ಲಿ ರಭಸದಿಂದ ಚಲಿಸುವ ಇಲೆಕ್ಟ್ರಾನಿಕ್ ಯಂತ್ರದಲ್ಲಿರುವ ಮ್ಯಾಟ್​ನಲ್ಲಿ ನಿಂತು ನಡೆಯುತ್ತಾ ಒಂದೇ ಜಾಗದಲ್ಲಿ ಬಹುದೂರ ಸಾಗಬಹುದೆಂದು ಭಾಸವಾಗುವ ಯಂತ್ರವೇ ಟ್ರೆಡ್​ವಿುಲ್.

ಟ್ರೆಡ್ ಮಿಲ್ ಬಳಕೆ ಮತ್ತು ಮುಂಜಾಗ್ರತಾ ಕ್ರಮ

ಯಂತ್ರವನ್ನು ಚಾಲು ಮಾಡುವ ಮೊದಲು ಚಲಿಸುವ ಮ್ಯಾಟ್​ನಲ್ಲಿ ನಿಲ್ಲದೆ ಅದರ ಬದಿಯಲ್ಲಿ ನಿಲ್ಲಬೇಕು. ಅನಂತರ ಸ್ಟಾರ್ಟ್ ಬಟನ್​ನ್ನು ಒತ್ತಿದಾಗ ಮ್ಯಾಟ್ ಚಲಿಸಲು ಪ್ರಾರಂಭಿಸುತ್ತದೆ. ಆಗ ಒಂದು ಕಾಲು ಒಳಗಿಟ್ಟು ಸರಿಹೊಂದಿಸಿ ಇನ್ನೊಂದು ಕಾಲನ್ನು ಜೊತೆಗೂಡಿಸಿ ನಡೆಯಲು ಆರಂಭಿಸಬೇಕು. ಯಂತ್ರದ ಮುಂದೆ ಒಂದು ಅಡಿ ಜಾಗ ಅಲ್ಲದೆ ಹಿಂದೆ 5 ಅಡಿ ಖಾಲಿ ಜಾಗ ಇರಬೇಕು. ಇದು ಪ್ರಮುಖವಾಗಿದೆ.

ಟ್ರೆಡ್​ವಿುಲ್ ಬಳಸುವ ಮೊದಲು ನಮ್ಮ ಉಡುಪು ಹೇಗಿರಬೇಕು?

ಸಡಿಲ ಪ್ಯಾಂಟ್, ಕಾಟನ್ ಟಾಪ್ ಅಥವಾ ಟೀ ಶರ್ಟ್ ಆದರೆ ಒಳ್ಳೆಯದು ಸ್ಪೋರ್ಟ್ಸ್ ಶೂ ಹಾಕಿ ಒಳಗೆ ಕಾಟನ್ ಸಾಕ್ಸ್ ಹಾಕಿದ್ದರೆ ಉತ್ತಮ.

ಟ್ರೆಡ್​ವಿುಲ್ ಬಳಸಬೇಕಾದರೆ ನಮ್ಮ ಆರೋಗ್ಯ ಹೇಗಿರಬೇಕು?

ಬೆನ್ನು ನೋವು, ಮೊಣಕಾಲು ನೋವು ಇದ್ದವರು ಗುಡ್ಡ ಹತ್ತುವಂತೆ ನಡೆಯಬಾರದು, ಓಡಬಾರದು.

ಟ್ರೆಡ್​ವಿುಲ್ ಅನ್ನು ಎಷ್ಟು ರೀತಿಯಲ್ಲಿ ಬಳಸಬಹುದು?

ಟ್ರೆಡ್​ವಿುಲ್​ನ್ನು 2 ರೀತಿಯಲ್ಲಿ ಉಪಯೋಗಿಸಿ ಕೊಳ್ಳಬಹುದಾಗಿದೆ. - ಸಮನಾದ ಜಾಗದಲ್ಲಿ ನಡೆಯುವ ಅನುಭವ ನೀಡುವಂತೆ ಮತ್ತು ಗುಡ್ಡ ಹತ್ತುವ ಅನುಭವ ನೀಡುವಂತೆ ಬಳಸಬಹುದು. ಈ 2 ರೀತಿಯಲ್ಲೂ ನಡೆಯಬಹುದು, ಓಡಬಹುದು, ದಾಪುಗಾಲು ಕೂಡ ಹಾಕಬಹುದು. ಇದು ಅವರವರ ದೇಹದ ಸಮಸ್ಯೆಗನುಗುಣವಾಗಿ ಬಳಸತಕ್ಕದ್ದು.

ಟ್ರೆಡ್​ವಿುಲ್ ಅನ್ನು ಸರಿಯಾಗಿ ಇಟ್ಟುಕೊಳ್ಳುವುದು

ಪ್ರತಿ ತಿಂಗಳು ಸಹ ಚಲಿಸುವ ಬೆಲ್ಟ್​ನ ಅಡಿಯಲ್ಲಿ ಸಿಲಿಕಾನ್ ಆಯಿಲ್ ಅನ್ನು ಸವರಬೇಕು. ಧೂಳು ಹೋಗದ ಹಾಗೆ ನೋಡಬೇಕು. ಇಲ್ಲದಿದ್ದರೆ ಸರಾಗವಾಗಿ ಚಲಿಸುವುದಿಲ್ಲ. ಟ್ರೆಡ್​ವಿುಲ್ ಮಾಡುವಾಗ ದೇಹದ ಪೂರ್ಣ ತೂಕವನ್ನು ಕಾಲುಗಳನ್ನು ಬಳಸಿಯೇ ನಡೆಯಬೇಕು. ಅದಲ್ಲದೆ ನಮ್ಮ ಕೈಗಳಿಂದ ಯಂತ್ರದಲ್ಲಿರುವ ಹ್ಯಾಂಡಲ್ ಹಿಡಿದುಕೊಂಡರೆ ನಮ್ಮ ದೇಹದ ಸಮತೋಲನ ತಪ್ಪುವ ಸಾಧ್ಯತೆ ಇರುತ್ತದೆ ಮತ್ತೆ ಭುಜ ಮತ್ತು ಸೊಂಟದ ನೋವು ಬರುವ ಸಾಧ್ಯತೆ ಇರುತ್ತದೆ.

ಟ್ರೆಡ್​ವಿುಲ್​ನಲ್ಲಿ ಯಾವೆಲ್ಲ ಬಟನ್ ಪ್ರಾಮುಖ್ಯವಾದುವು

ಇನ್​ಕ್ಲೈನ್​ಲ್ಲಿ ನಡೆಯುವ, ಮ್ಯೂಸಿಕ್ ಹೊಂದಿಸುವ, ಪೆನ್​ಡ್ರೈವ್ ಹಾಕುವ, ಮೊಬೈಲ್ ಚಾರ್ಜ್ ಮಾಡುವ, ಪೋಸ್ ಮಾಡುವ, ಪಲ್ಸ್ ರೇಟ್ ನೋಡುವ, ಟೈಮ್ ಇರುವ, ಕ್ಯಾಲರಿ ಬರ್ನ್ ತಿಳಿಸುವ ಸರಿಯಾದ ರೀತಿಯಲ್ಲಿ ಸ್ಪೀಡ್ ಹೊಂದಿಸುವ ಎಲ್ಲಾ ಬಟನ್​ಗಳು ಇದೆಯೇ ಎಂದು ಪರಿಶೀಲಿಸಿ ಖರೀದಿಸಿ. ಸೇಫ್ಟಿ ಕ್ಲಿಪ್ ಇರಲೇಬೇಕು.

ಟ್ರೆಡ್​ವಿುಲ್ ಅನ್ನು ಹಿರಿಯರು ಬಳಸುವಾಗ ಮುಂಜಾಗ್ರತೆ ಹೇಗೆ?

ಹಿರಿಯರು ಬಳಸುವಾಗ ಆದಷ್ಟು ಒಬ್ಬರೇ ಮಾಡದಿರುವುದು ಒಳ್ಳೆಯದು. ಬಿದ್ದು ಹೋದರೆ ಕಷ್ಟ ಅಲ್ಲದೆ ಸೇಫ್ಟಿ ಎಮರ್ಜೆನ್ಸಿ ಕ್ಲಿಪ್ಪನ್ನು ಧರಿಸಿ ಮಾಡಿದರೆ ಉತ್ತಮ. ಹಿರಿಯರು ಮನೆಯಲ್ಲಿ ವಾಕರ್ ಮೆಷಿನ್​ನಲ್ಲಿ ನಡೆಯುವಾಗ ಮನೆ ಮಂದಿಯಲ್ಲಿ ಯಾರಿಗಾದರೂ ತಿಳಿದಿರಲಿ.

ಟ್ರೆಡ್​ವಿುಲ್​ನ್ನು ಮಕ್ಕಳು ಯಾವ ವಯಸ್ಸಿನಿಂದ ಬಳಸಬಹುದು?

ಈ ಯಂತ್ರದಲ್ಲಿ ಯಾವ ವಯಸ್ಸಿನವರಾದರೂ ನಡೆಯಬಹುದು. ನಡೆಯುವ ಕ್ರಮ ತಿಳಿದಿರಬೇಕು. ಆಟ ಆಡಲು ಬಿಡಬಾರದು ನೆನಪಿರಲಿ.

ಟ್ರೆಡ್​ವಿುಲ್​ನ ಉಪಯೋಗಗಳು

• ತೂಕ ಇಳಿಸಬಹುದು.
• ದೇಹದ ಸಾಮರ್ಥ್ಯವನ್ನು ಹೆಚ್ಚಿಸಿಕೊಳ್ಳಬಹುದು.
• ಬಿ.ಪಿ, ಶುಗರ್ ಇದ್ದವರು ಟ್ರೆಡ್​ವಿುಲ್​ನಲ್ಲಿ ನಡೆಯುವುದರಿಂದ ಆರೋಗ್ಯ ವೃದ್ಧಿಸಿಕೊಳ್ಳಬಹುದು.
• ಟ್ರೆಡ್​ವಿುಲ್​ನಲ್ಲಿ ಅಥವಾ ದಾರಿಯಲ್ಲಿ ನಡೆದು ವ್ಯಾಯಾಮ ಮಾಡುವುದರಿಂದ ಹೃದಯ ಸಂಬಂಧಿತವಾಗಿ ಆರೋಗ್ಯವನ್ನು ವೃಧಿ್ಧಬಹುದು.
• ದೇಹದ ಸಮತೋಲನವನ್ನು ಹೆಚ್ಚಿಸಬಹುದು.
• ಸಮಯ ಮತ್ತು ಸ್ವಚ್ಛತೆಯನ್ನು, ವಾಯುಮಾಲಿನ್ಯದಿಂದ ಆಗುವ ದುಷ್ಪರಿಣಾಮಗಳನ್ನು ತಪ್ಪಿಸಿ ದೇಹಕ್ಕೆ ಆರೋಗ್ಯವನ್ನು ಹೆಚ್ಚಿಸಬಹುದು (ಕೆಲಸದ ಒತ್ತಡ ಇರುವವರು).
• ಪ್ರತಿದಿನವೂ 5 ರಿಂದ 10 ಕಿ.ಮೀ ಒಳಗೆ ಅಥವಾ ಹೊರಗೆ ನಡೆದಾಡುವುದರಿಂದ ಉತ್ತಮವಾದ ಉಸಿರಾಟದ ಆರೋಗ್ಯವನ್ನು ವೃದ್ಧಿಸಬಹುದು.

ಯಾವ ಉಪಕರಣ ಯಾವುದಕ್ಕೆ ಬೆಸ್ಟ್

ನಡಿಗೆ ಮತ್ತು ಓಟಕ್ಕೆ ಸಂಬಂಧಿಸಿ ಟ್ರೆಡ್ ಮಿಲ್ ಮತ್ತು ಇತರ ಕೆಲವು ಉಪಕರಣಗಳನ್ನು ಯುವಜನರು ಬಳಸುತ್ತಾರೆ. ಅಂತಹ ಉಪಕರಣಗಳ ಪೈಕಿ ಆಯ್ದ ಉಪಕರಣಗಳನ್ನು ಯಾವುದಕ್ಕೆ ಮತ್ತು ಯಾವಾಗ ಬಳಸಿದರೆ ಉತ್ತಮ ಎಂಬುದರ ವಿವರ ಇಲ್ಲಿದೆ.

ಯಾವಾಗ ಟ್ರೆಡ್​ವಿುಲ್ ಬಳಸುವುದು ಉತ್ತಮ?

• ಓಟಕ್ಕೆ ನೀವು ತರಬೇತು ಪಡೆಯುತ್ತೀರಾದರೆ
• ತೂಕ ಇಳಿಸುವುದಕ್ಕೆ ಪ್ರಯತ್ನಿಸುತ್ತಿದ್ದರೆ
• ಒತ್ತಡ ಕಡಿಮೆ ಮಾಡಿಕೊಳ್ಳುವುದಕ್ಕೆ ನೀವು ಬಯಸುವುದಾದರೆ

ಎಲಿಪ್ಟಿಕಲ್ ಬಳಕೆ ಯಾವಾಗ ಸೂಕ್ತ?

• ಫುಲ್ ಬಾಡಿ ವರ್ಕೌಟ್ ಮಾಡಲು ಬಯಸಿದರೆ
• ಜಾಯಿಂಟ್ ಸಮಸ್ಯೆಗಳು ಇದ್ದರೆ
• ಆಫ್​ಸೆಟ್ ರನ್ನಿಂಗ್ ಅಥವಾ ಕಡಿಮೆ ಪರಿಣಾಮದ ವರ್ಕೌಟ್ ಜತೆಗೆ ಎಚ್​ಐಐಟಿ ಮಾಡಲು ಬಯಸಿದರೆ

ಸ್ಟೇರ್ ಮಾಸ್ಟರ್ ಬಳಕೆ ಯಾವಾಗ ಬೆಸ್ಟ್?

• ಶರೀರದ ಕೆಳಭಾಗ ಬಲಪಡಿಸಲು ಬಯಸಿದರೆ
• ತೂಕ ಇಳಿಸಿ ಕೊಳ್ಳಲು ಪ್ರಯತ್ನಿಸುತ್ತೀರಾದರೆ
• ಶರೀರದ ಒಟ್ಟಂದ ಹೆಚ್ಚಿಸಲು ಬಯಸಿದರೆ

ಸ್ಟೇಷನರಿ ಬೈಕ್ ಯಾವಾಗ ಬೆಸ್ಟ್?

• ಬೆನ್ನು ಅಥವಾ ಶರೀರದ ಕೆಳಭಾಗದಲ್ಲಿ ಗಾಯಗಳಾಗಿದ್ದರೆ..
• ಶರೀರದ ಮೇಲ್ಭಾಗ ನೋವು ಹೊಂದಿದ್ದರೆ
• ವಿರಾಮದ ದಿನ ಸಕ್ರಿಯವಾಗಿರುವುದಕ್ಕೆ

ರೋವಿಂಗ್ ಮಷಿನ್ ಬಳಸಬೇಕಾದ್ದು...

• ನಿನ್ನೆಯ ವ್ಯಾಯಾಮದ ನೋವು ಇದ್ದರೆ
• ಫುಲ್ ಬಾಡಿ ವರ್ಕೌಟ್ ಮಾಡಬೇಕಾದರೆ, ಟ್ರೆಡ್ ಮಿಲ್ ಪರಿಣಾಮ ಕಳೆಯಲು
• ನಿಮ್ಮ ಸಹಿಷ್ಣುತೆ ಹೆಚ್ಚಿಸುವುದಕ್ಕೆ ಬಯಸುತ್ತೀರಾದರೆ