ಲೀಲಾ ತನ್ನ ತಂದೆಗೆ ಗಾಡಿ ನಿಲ್ಲಿಸಲು ಹೇಳಿ ಹಳದಿ ಬಣ್ಣದ ಸೇಬು ಬೇಕೆಂದು ಹಠ ಹಿಡಿದಳು. ತಂದೆ ಗಾಡಿ ನಿಲ್ಲಿಸಿ, ಯುವಕನಿಗೆ ‘ನಿನ್ನ ಕೈಯಲ್ಲಿರುವ ಹಳದಿ ಬಣ್ಣದ ಸೇಬುವಿಗೆ ಎಷ್ಟು ರೂಪಾಯಿ’ ಎಂದು ಕೇಳಿದನು. ಆತ ಸಾವಿರ ರೂ. ಎಂದನು. ಬಸಣ್ಣ ‘ಸಾವಿರ ರೂಪಾಯಿ ಕೊಡಲು ನನ್ನಿಂದಾಗದು. 100 ರೂಪಾಯಿ ಕೊಡುವೆ’ ಎಂದನು. ಆಗ ಯುವಕ, 300 ರೂ. ಕೊಟ್ಟರೆ ಕೊಡುವುದಾಗಿ ಹೇಳಿದನು. ಆಗ ಬಸಣ್ಣ ಬೇರೆ ದಾರಿಕಾಣದೆ 300 ರೂ. ಕೊಟ್ಟು ಸೇಬನ್ನು ಕೊಂಡುಕೊಂಡನು. ಲೀಲಾ ಆಸೆಯಿಂದ ಸೇಬನ್ನು ಕಚ್ಚಿದಳು. ಮರುಕ್ಷಣವೇ ಉಗಿದು, ‘ಅಪ್ಪ ಇದು ಮಣ್ಣಿನ ಸೇಬು’ ಎಂದು ಕೂಗಿದಳು. ಬಸಣ್ಣ ಅದನ್ನು ಸರಿಯಾಗಿ ಪರೀಕ್ಷಿಸಿ ‘ಯುವಕ ಇದಕ್ಕೆ ಹಳದಿ ಬಣ್ಣ ಬಳಿದು ನಮಗೆ ಮೋಸ ಮಾಡಿದ್ದಾನೆ’ ಎಂದುಕೊಂಡು ಯುವಕನಿಗಾಗಿ ಅಲ್ಲೆಲ್ಲ ಹುಡುಕಿದರೂ ಆತ ಸಿಗಲಿಲ್ಲ. ಬಸಣ್ಣ ಕೊನೆಗೆ ಸಾವಿರ ರೂಪಾಯಿಗಳ ಬದಲು 300 ರೂಪಾಯಿಗಳ ನಷ್ಟ ಮಾತ್ರವೇ ಆಯಿತು ಎಂದು ತನ್ನಷ್ಟಕ್ಕೆ ಸಮಾಧಾನಪಟ್ಟನು.
