ಒಂದು ದಿನ ಒಂದು ಹೊಟ್ಟೆಬಾಕ ತೋಳ ಮಾಂಸವನ್ನು ಗಬಗಬನೆ ತಿನ್ನುತ್ತಿರುವಾಗ ಅಗಿಯದೆ ಹಾಗೇ ಉಳಿದಿದ್ದ ಮಾಂಸ ಗಂಟಲಲ್ಲಿ ಸಿಕ್ಕಿಕೊಂಡಿತು. ಇದರಿಂದಾಗಿ ತೋಳಕ್ಕೆ ಉಸಿರಾಡಲು ಕಷ್ಟವಾಗಿ, ಕಣ್ಣಿನಲ್ಲಿ ನೀರು ತುಂಬಿಕೊಂಡು, ‘ಯಾರಾದರೂ ನನ್ನ ಗಂಟಲಲ್ಲಿ ಸಿಲುಕಿಕೊಂಡಿರುವ ಮೂಳೆಯನ್ನು ತೆಗೆದು ಜೀವ ಉಳಿಸಿ. ನಿಮಗೆ ಅಮೂಲ್ಯವಾದ ಬಹುಮಾನ ಕೊಡುತ್ತೇನೆ’ ಎಂದು ಅಂಗಲಾಚಿತು. ಆದರೆ ತೋಳದ ಮಾತಿಗೆ ಯಾರ ಮನಸ್ಸೂ ಕರಗಲಿಲ್ಲ. ಹಾಗಾಗಿ ಯಾರೂ ಸಹಾಯಕ್ಕೆ ಮುಂದಾಗಲಿಲ್ಲ. ತೋಳದ ಸಂಕಟ ನೋಡಲಾಗದೆ ಕೊಕ್ಕರೆ ಅಯ್ಯೋ ಎನ್ನುತ್ತಾ, ‘ತೋಳಪ್ಪ ದೊಡ್ಡದಾಗಿ ಬಾಯಿ ತೆಗೆ’ ಎಂದಿತು. ತೋಳ ಬಾಯಿ ತೆರೆದು ಕಣ್ಣು ಮುಚ್ಚಿಕೊಂಡಿತು. ಆಗ ಕೊಕ್ಕರೆ ತನ್ನ ಉದ್ದವಾದ ಕೊಕ್ಕಿನಲ್ಲಿ ಗೇಣು ಉದ್ದದ ಮರದ ತುಂಡೊಂದನ್ನು ತೆಗೆದುಕೊಂಡು ತೋಳದ ಬಾಯಿಯೊಳಗೆ ಅಡ್ಡಲಾಗಿ ಇಟ್ಟಿತು.
