ಅಂದು 1990ರ ಏಪ್ರಿಲ್ 14. ಸರಳಾ ಕಾಲೇಜಿನ ಹಾಸ್ಟೇಲಿನಲ್ಲಿ ಇದ್ದಳು. ರಕ್ತಪಿಪಾಸು ಭಯೋತ್ಪಾದಕರು ಹಾಸ್ಟೇಲಿಗೆ ನುಗ್ಗಿ ಸರಳಾಳನ್ನು ಅಪಹರಿಸಿ, ಅಪರಿಚಿತ ಪ್ರದೇಶಕ್ಕೆ ಕೊಂಡೊಯ್ದರು. ಆ ರಾಕ್ಷಸರು ಒಂದಲ್ಲ, ಎರಡಲ್ಲ ನಾಲ್ಕು ದಿನಗಳ ಕಾಲ ಸರಳಾ ಮೇಲೆ ಸಾಮೂಹಿಕ ಅತ್ಯಾಚಾರ ನಡೆಸಿದರು. ಸಾಮೂಹಿಕ ಅತ್ಯಾಚಾರದ ಬಳಿಕ ಈ ಜಿಹಾದಿಗಳು ಆಕೆಯನ್ನು ತುಂಡು ತುಂಡು ಮಾಡಿ ಬರ್ಬರವಾಗಿ ಹತ್ಯೆ ಮಾಡಿದರು. ಬಳಿಕ ಶವವನ್ನು ಶ್ರೀನಗರದ ಲಾಲ್ ಚೌಕ್ನ ರಸ್ತೆಬದಿಯಲ್ಲಿ ಎಸೆದುಹೋದರು. ಶವ ವಿಕೃತವಾಗಿತ್ತು. ಕೈ-ಕಾಲು ಕಟ್ಟಿಹಾಕಲಾಗಿತ್ತು. ಬಾಯಿಗೆ ಬಟ್ಟೆ ತೂರುಕಲಾಗಿತ್ತು. ಜನರಲ್ಲಿ ಭಯ ಮೂಡಿಸಲೆಂದೇ ಉಗ್ರರು ಹೀಗೆ ಪೈಶಾಚಿಕವಾಗಿ ಹತ್ಯೆ ಮಾಡಿದ್ದರು. ಅಷ್ಟೇ ಅಲ್ಲ, ‘ಯಾರೂ ಸರಳಾ ಅಂತ್ಯಕ್ರಿಯೆಯಲ್ಲಿ ಭಾಗವಹಿಸುವಂತಿಲ್ಲ’ ಎಂದು ಬೆದರಿಕೆ ಒಡ್ಡಿದರು. ರೋಗಿಗಳ ಸೇವೆ, ಉಪಚಾರ, ಆರೈಕೆಯಲ್ಲಿ ಬದುಕು ಸಾಗಿಸುತ್ತ ಧೈರ್ಯವಾಗಿ ಬದುಕುತ್ತಿದ್ದ ಸರಳಾ ಎಂಬ ದಿಟ್ಟೆ ರಕ್ಕಸರ ಕ್ರೂರತನಕ್ಕೆ, ಪೈಶಾಚಿಕತೆಗೆ ಬಲಿಯಾದಳು. ಈ ಘಟನೆ ಅದೆಷ್ಟು ಭೀತಿ ಮೂಡಿಸಿತು ಎಂದರೆ ಕಾಶ್ಮೀರದಲ್ಲಿ ಅಳಿದುಳಿದಿದ್ದ ಪಂಡಿತರು ಅಲ್ಲಿಂದ ಪಲಾಯನಗೈದರು.
