ಎಐಎಡಿಎಂಕೆಯಿಂದ ಹೊಸ ಮೈತ್ರಿಕೂಟ?

ಚೆನ್ನೈ: ಎನ್​ಡಿಎ ಮೈತ್ರಿಕೂಟದಿಂದ ಹೊರ ಬಂದ ಎಐಎಡಿಎಂಕೆ ಮುಂಬರುವ ಲೋಕಸಭಾ ಚುನಾವಣೆಯಲ್ಲಿ ಹೊಸ ಮೈತ್ರಿಕೂಟ ಪ್ರಾರಂಭಿಸುವುದಾಗಿ ಹೇಳುತ್ತಿದೆ. ಇದು ತಮಿಳುನಾಡು ಮಾತ್ರವಲ್ಲದೆ, ದೇಶದಲ್ಲಿ ಮೂರನೇ ಮೈತ್ರಿಕೂಟ ಉದಯಕ್ಕೆ ಮತ್ತೊಮ್ಮೆ ನಾಂದಿಯಾಗುವುದೇ ಎಂಬ ಪ್ರಶ್ನೆ ರಾಜಕೀಯ ವಲಯದಲ್ಲಿ ಮೂಡುವಂತಾಗಿದೆ.

ಇದನ್ನೂ ಓದಿ

https://www.vijayavani.net/siddharth-donate-his-chithha-movie-premier-collections-to-ngo

ತಮಿಳುನಾಡಿನ ಕೃಷ್ಣಗಿರಿಯಲ್ಲಿ ಎಐಎಡಿಎಂಕೆ ಮುಖಂಡ ಮುನಿಸ್ವಾಮಿ ಮಾತನಾಡಿ, ಮುಖ್ಯಮಂತ್ರಿ ಸ್ಟಾಲಿನ್​, ಅವರ ಪುತ್ರ ಉದಯನಿಧಿ ನಮ್ಮ ಪಕ್ಷ ಬಿಜೆಪಿ ಜತೆ ಇರುವುದಾಗಿ ಹೇಳುತ್ತಿದ್ದಾರೆ. ಇದು ಸತ್ಯಕ್ಕೆ ದೂರವಾದದ್ದು. ಬಿಜೆಪಿಯಿಂದ ಎಐಡಿಎಂಕೆ ದೂರವಾದರೆ ತಮಿಳುನಾಡಿನಲ್ಲಿ ಪರಿಸ್ಥಿತಿ ಏನಾಗುತ್ತದೆ ಎಂಬುದು ಡಿಎಂಕೆಯವರಿಗೆ ತಿಳಿದಿದೆ. ಈ ಭಯದಿಂದಲೇ ಅವರು ಬಿಜೆಪಿ ಜತೆಗಿದ್ದೇವೆಂದು ಹೇಳುತ್ತಿದ್ದಾರೆ. ಮುಂಬರುವ ಚುನಾವಣೆಯಲ್ಲಿ ಪಳನಿಸ್ವಾಮಿ ನೇತೃತ್ವದಲ್ಲಿ ಹೊಸ ಮೈತ್ರಿಕೂಟ ಪ್ರಾರಂಭಿಸಲಾಗುವುದು ಎಂದು ಸ್ಪಷ್ಟಪಡಿಸಿದರು.

ಬಿಜೆಪಿ ರಾಜ್ಯಾಧ್ಯಕ್ಷ ಅಣ್ಣಾಮಲೈ ಬದಲಾವಣೆಗೆ ಒತ್ತಾಯಿಸುತ್ತೀರಾ ಎಂಬ ಪ್ರಶ್ನೆಗೆ ರಾಷ್ಟ್ರದ ದೊಡ್ಡ ಪಕ್ಷದ ಪ್ರಮುಖ ರಾಜ್ಯವೊಂದರ ರಾಜ್ಯಾಧ್ಯಕ್ಷರನ್ನು ಬದಲಿಸಬೇಕು ಎಂದರೆ ಆ ಮಾತಿಗೆ ಅರ್ಥವಿರುವುದಿಲ್ಲ. ಹಾಗೆ ಒತ್ತಾಯಿಸಲಿಕ್ಕೆ ಇದು ಮಕ್ಕಳ ಆಟವಲ್ಲ. ಮತ್ತೊಂದು ಪಕ್ಷ ಹೀಗೇ ಇರಬೇಕು ಎಂದು ಹೇಳುವುದು ಸರಿ ಎನಿಸುವುದಿಲ್ಲ ಎಂದು ಅವರು ಹೇಳಿದರು.

https://www.vijayavani.net/dissatisfaction-of-the-alliance-mlas-and-leaders-is-quickly-alleviated-nikhil-kumaraswamy