ತನ್ನ ಕೆಲಸಕಾರ್ಯಗಳಲ್ಲೇ ಮಗ್ನನಾಗಿ ತಡರಾತ್ರಿ ಮನೆಗೆ ವಾಪಸಾಗುತ್ತಿದ್ದ ಬಿಪಿನ್ಗೆ ಸುಜಾತಾ ಬಗ್ಗೆ ಸ್ವಲ್ಪವೂ ಸಂಶಯ ಬಂದಿರಲಿಲ್ಲ. ಒಂದು ಸಂಜೆ ಸುಜಾತಾ ಶೇಖರನಿಗೆ ‘ನಾವಿಬ್ಬರೂ ಮದುವೆಯಾಗೋಣ, ನಾನು ಗಂಡನನ್ನು ಬಿಟ್ಟು ಬರಲು ತಯಾರಾಗಿದ್ದೇನೆ’ ಎಂದಾಗ ಆತ ತಬ್ಬಿಬ್ಬಾದ. ಆದರೂ ಸಾವರಿಸಿಕೊಂಡು ‘ನಾನೇನೋ ನಿನ್ನನ್ನು ಮದುವೆಯಾಗಲು ತಯಾರಾಗಿರುವೆ, ಆದರೆ ನನ್ನ ಸದ್ಯದ ಆರ್ಥಿಕ ಪರಿಸ್ಥಿತಿ ಸರಿಯಿಲ್ಲ. ಈ ನೌಕರಿಯಿಂದ ಬರುವ ಅಲ್ಪ ಸಂಬಳದಲ್ಲೇ ರೋಗದಿಂದಿರುವ ನನ್ನ ವೃದ್ಧ ತಾಯಿಯನ್ನು ನೋಡಿಕೊಳ್ಳಬೇಕು, ಮನೆಯನ್ನೂ ನಿಭಾಯಿಸಬೇಕು, ಈಗ ಮದುವೆ ಬೇಡ, ನಾವಿಬ್ಬರೂ ಸ್ನೇಹಿತರಾಗಿಯೇ ಉಳಿಯೋಣ’ ಎಂದ. ಸುಜಾತಾ ಬೇಸರಗೊಂಡರೂ ಮರುಮಾತನಾಡಲಿಲ್ಲ.
