ನೆಹರೂ ಆರಂಭಿಸಿದ ಮತ್ತು ನಂತರ ಇತರರು ಮುಂದುವರಿಸಿದ ಹಿಂದೂ- ವಿರೋಧಿ ನೀತಿಗಳಿಗೆ ಹಿಂದೂಗಳಿಂದ ಸೂಕ್ತ ಹಾಗೂ ಪರಿಣಾಮಕಾರಿ ವಿರೋಧ ವ್ಯಕ್ತವಾಗದ ಕಾರಣ ಹಿಂದೂಗಳ ವಿರುದ್ಧ ಮಾತಾಡುವುದು, ಅವರ ಧಾರ್ವಿುಕ ಭಾವನೆಗಳಿಗೆ ಧಕ್ಕೆಯೊದಗುವಂತೆ ನಡೆದುಕೊಳ್ಳುವುದು ಕಾಂಗ್ರೆಸ್ ನೇತಾರರ ಸ್ವಭಾವವೇ ಆಗಿಹೋಗಿದೆ, ಪ್ರಮುಖ ಕಾಂಗ್ರೆಸ್ ನೇತಾರರು ‘ಕೇಸರಿ ಭಯೋತ್ಪಾದನೆ’ ಎಂಬುದನ್ನು ಸೃಷ್ಟಿಸುತ್ತಾರೆ, 26/11 ಮುಂಬೈ ದಾಳಿಗೆ ‘ಹಿಂದೂ ಭಯೋತ್ಪಾದಕರನ್ನು’ ಹೊಣೆಯಾಗಿಸುತ್ತಾರೆ, ಶ್ರೀಕೃಷ್ಣ ಜಿಹಾದ್ ಬೋಧಿಸಿದ ಎಂದು ಹೇಳುತ್ತಾರೆ, ವಿಷ್ಣುವಿನ ಅವತಾರವಾದ ಪರಶುರಾಮ ಒಬ್ಬ ಭಯೋತ್ಪಾದಕ ಹಾಗೂ ಅತ್ಯಾಚಾರಿಯಾಗಿದ್ದ ಎಂದು ಹೇಳುತ್ತಾರೆ, ಹಿಂದೂ ಧರ್ಮಗ್ರಂಥಗಳಲ್ಲಿ ಪುರುಷಪ್ರಧಾನತೆ, ‘ಮೀ ಟೂ’ಗಳು ತುಂಬಿವೆ ಎಂದು ಲೇಖನಗಳನ್ನು ಬರೆಯುತ್ತಾರೆ, ನಡುರಸ್ತೆಯಲ್ಲಿ ಕರುವನ್ನು ಕಡಿಯುತ್ತಾರೆ; ಕಾಂಗ್ರೆಸ್ ಸರ್ಕಾರಗಳು ಹಿಂದೂಗಳನ್ನು ಬಂಧಿಸಿ ಹಿಂಸಿಸುತ್ತವೆ, ಕೋಮುಗಲಭೆಗಳಿಗೆಲ್ಲಾ ಬಹುಸಂಖ್ಯಾತರೇ ಅಂದರೆ ಹಿಂದೂಗಳೇ ಜವಾಬ್ದಾರರು ಎಂದು ಹೇಳುವ ಕಾನೂನನ್ನು ತರಲು ಯೋಚಿಸುತ್ತವೆ; ಲಷ್ಕರ್-ಎ-ತೋಯ್ಬಾದಿಂದ ನಮಗೆ ಅಪಾಯವಿಲ್ಲ, ನಮಗಿರುವ ಅಪಾಯ ಹಿಂದೂ ಭಯೋತ್ಪಾದನೆಯದು ಎಂದು ರಾಹುಲ್ ಗಾಂಧಿ ಅಮೆರಿಕಾದ ರಾಯಭಾರಿಗೆ ಹೇಳುತ್ತಾರೆ, ಭಾರತ್ ಜೋಡೋ ಯಾತ್ರೆಯಲ್ಲಿ ಉಗ್ರ ಹಿಂದೂ-ವಿರೋಧಿ ಜಾರ್ಜ್ ಪೊನ್ನಯ್ಯರನ್ನು ಭೇಟಿಯಾಗುತ್ತಾರೆ. ಪಟ್ಟಿ ಉದ್ದವಿದೆ ಮತ್ತು ಅದಕ್ಕೀಗ ಜಾರಕಿಹೊಳಿ ಸೇರಿದ್ದಾರೆ.
