ಮಮತಾ, ಮಾಯಾ, ನಾಯ್ಡು, ಕೆಸಿಆರ್, ಪಿಣರಾಯ್, ಸ್ಟಾಲಿನ್, ಸೋನಿಯಾ, ರಾಹುಲ್-ಯಾರೆಲ್ಲ ಹಿಂದುತ್ವದ್ವೇಷಿಗಳೋ, ಏಕರೂಪ ರಾಷ್ಟ್ರಕಲ್ಪನೆಗೆ ವಿರೋಧಿಗಳೋ, ಎಲ್ಲ ಸೇರಿ ಬೃಹತ್ ‘ಘಟಬಂಧನ’ ಆಗಿಯೇ ಹೋಯ್ತೆಂದು ಹಿಗ್ಗಿದ್ದು, ಭ್ರಾಂತಿ ಕಳೆದು, ಮಡಕೆ ಒಡೆದು ಹೋದ ಮೇಲೆಯೂ ಇವರಾರಿಗೂ ಸತ್ಯಸ್ಥಿತಿಯ ಅರಿವಾಗಲೇ ಇಲ್ಲ. ಹಿಂದೂದ್ವೇಷ, ಮೈನಾರಿಟಿ ಓಲೈಕೆಗಳು ಒಗ್ಗೂಡಿಸುವುದಿಲ್ಲ. ಒಗ್ಗೂಡಿಸುವ ಶಕ್ತಿ ರಾಷ್ಟ್ರಪ್ರೇಮಕ್ಕೆ ಮಾತ್ರ ಇರುತ್ತದೆ. ಏಕೆಂದರೆ, ನೈಜ ರಾಷ್ಟ್ರಪ್ರೇಮಕ್ಕೆ ಸ್ವಾರ್ಥತ್ಯಾಗವೇ ಒಂದು ಆಧಾರಸ್ತಂಭ. ಬಹಳ ದೊಡ್ಡ ತ್ಯಾಗಿಗಳ ಬಗ್ಗೆ ಮಾತಾಡುತ್ತ, ಜನರಿಗೆ ಟೋಪಿ ಹಾಕುತ್ತ, ಸ್ವಾರ್ಥದ ಬೇಳೆ ಬೇಯಿಸಿಕೊಳ್ಳುತ್ತ, ಗ್ರಾಮ ಪಂಚಾಯ್ತಿ ಮಟ್ಟದ ಸ್ವಂತಹಿತ ಸಾಧನೆಯ ಬುದ್ಧಿಯವರಿಗೆ ಮೋದಿ, ಯಾವ ಜನ್ಮಕ್ಕೂ ಅರ್ಥವಾಗಲಾರರು. ಅಂದ ಮೇಲೆ ಮೋದಿ ದ್ವೇಷ ಬಿಡುವುದು ಹೇಗೆ? ಏನಿರಯ್ಯ, ಕರೊನಾ ರೋಗವನ್ನು ಭಾರತದಲ್ಲಿ ಮೋದಿ ಉತ್ಪಾದಿಸಿದರೆ? ಹೊರಹಾಕಲು ಪಡುತ್ತಿರುವ ಪಾಡೇನು? ಅಲ್ಲಿ ಜನಸಾಮಾನ್ಯರ ಸಹನೆ, ಸಹಕಾರ, ತ್ಯಾಗಗಳು ಕಣ್ಣಿಗೆ ಕಾಣುವುದು, ನಿಮಗೆ ವೋಟುಬ್ಯಾಂಕಿಗೆ ಅಸಲಾಗಬೇಕೆ? ಇದು ನಿಮಗೆ ಬಂಡವಾಳವೇ? ಬಾದರಾಯಣಪುರವೋ? ಪಾದರಾಯನಪುರವೋ? ವಿದೇಶಿ ಮೌಲ್ವಿಗಳಿಗೆ ಅಲ್ಲೇನು ಕೆಲಸ? ಅದರಲ್ಲಿ ರಾಷ್ಟ್ರಾಭ್ಯುದಯವೇನು? ಇವರು ತಾವೂ ಸೋಂಕಿಗೊಳಗಾಗಿ, ಇತರರಿಗೂ ಅಂಟಿಸುತ್ತಿರುವ ಮಹಾ ಕಾಯಕದಲ್ಲಿ, ನಿಮ್ಮ ಲಾಭವೇನಿರಯ್ಯ?
