ಟಿ.ವಿ.ಯಲ್ಲಿ ‘ಓ ಮೈ ಗಾಡ್’ ಎಂಬ ಕಾರ್ಯಕ್ರಮವಿದೆ. ಅದರಲ್ಲಿ ಅನೇಕ ಸಾಧಕರನ್ನು ಪರಿಚಯಿಸುತ್ತಾರೆ. ಒಬ್ಬ ಯುವಕನಂತೂ ತಲೆಗೆ ಹೆಲ್ಮೆಟ್ ಧರಿಸಿ, ಸೈಕಲ್ನ ಸೀಟಿನ ಮೇಲೆ ಶೀರ್ಷಾಸನ ಮಾಡುತ್ತಾ ಸೈಕಲ್ ಓಡಿಸುತ್ತಾನೆ. ಅಂತಹವರು ಇನ್ನೂ ಹೆಚ್ಚಿನ ಸಾಧನೆ ಯಾಕೆ ಮಾಡಬಾರದು? ಟಿ.ವಿ. ಕಾರ್ಯಕ್ರಮವೊಂದರಲ್ಲಿ ಗ್ರಾಮೀಣ ಪ್ರದೇಶದ ಸಂಗೀತ ಗುರುಗಳು ತಮ್ಮ ಅನುಭವವನ್ನು ಹೇಳುತ್ತ, ‘ನನ್ನ ಬಳಿ ಅಭ್ಯಾಸಕ್ಕೆ ಬಂದವರು ನಮಗೆ ಶಾಸ್ತ್ರೀಯ ಸಂಗೀತ, ರಾಗ, ತಾಳ, ಲಯ ಅದೆಲ್ಲ ಏನೂ ಬೇಡ ಸ್ವಾಮಿ, ಸ್ಪರ್ಧೆಯಲ್ಲಿ, ರಿಯಾಲಿಟಿ ಶೋಗಳಲ್ಲಿ ಗೆಲ್ಲುವ, ಬಹುಮಾನ ಪಡೆದುಕೊಳ್ಳುವ ಸಂಗೀತ, ನೃತ್ಯ ಕಲಿಸಿ ಎಂದೆನ್ನುತ್ತಾರೆ’ಎಂದರು. ಇದರಿಂದಾಗಿ ಕೇವಲ ಸ್ಪರ್ಧೆಗಾಗಿ ಹಾಗೂ ಪ್ರಚಾರಕ್ಕಾಗಿ ಎಷ್ಟೇ ಸಾಧನೆ ಮಾಡಲು ಸಿದ್ಧರಿದ್ದಾರೆ ಎನ್ನುವುದು ಗೊತ್ತಾಗುತ್ತದೆ. ಆದರೆ ದೇಶ ಅಥವಾ ಅಂತಾರಾಷ್ಟ್ರೀಯ ಮಟ್ಟದ ಸ್ಪರ್ಧೆಗಳಲ್ಲಿ ಭಾಗವಹಿಸಬೇಕೆಂಬ ಉತ್ಸಾಹವನ್ನು ತೋರುವುದಿಲ್ಲ.
