ಅದಕ್ಕೆ ದೇವರು ನಕ್ಕು ಹೇಳುತ್ತಾನೆ-‘ಹೇ ಹಾಲೇ! ಇಲ್ಲಿ ಕೇಳು. ನೀನು ಹಾಲಾಗಿಯೇ ಇರುವ ಬದುಕಿಗೆ ಆಸೆಪಡುವ ಮೊದಲು ಈ ಮಾತನ್ನು ಕೇಳು. ನೀನು ಹಾಲಾಗಿದ್ದರೆ ಒಂದುದಿನ ಮಾತ್ರ ಬದುಕುವಿ. ಮೊಸರು ಹಾಕಿ ಹೆಪ್ಪಾಕಿದರೆ ಎರಡುದಿನ ಬದುಕುತ್ತಿ. ಅದನ್ನು ಕಡೆದು ಬೆಣ್ಣೆಯಾದರೆ ವಾರಗಟ್ಟಲೆ ಬದುಕುತ್ತಿ. ಅದೇ ಬೆಣ್ಣೆಯನ್ನು ಕಾಯಿಸಿ ತುಪ್ಪವಾದರೆ ಬಹಳದಿನ ಬದುಕುತ್ತಿ. ಜೊತೆಗೆ ನನ್ನ ಎದುರು ದೀಪ ಬೆಳಗಲು ನೀನು ಕಾರಣವಾಗುತ್ತಿ. ಎಲ್ಲೆಡೆ ಬೆಳಕು ನೀಡುತ್ತಿ. ಹಾಗಾದರೆ ಈಗ ಹೇಳು-ಹಾಲಾಗಿ ಹುಟ್ಟಿ ಒಂದುದಿನ ಮಾತ್ರ ಇದ್ದು ಹಾಲಾಗಿಯೇ ಸಾಯುವೆಯೋ? ಅಥವಾ ಮನುಷ್ಯ ಹುಳಿ ಹಿಂಡಿದರೂ ಅದನ್ನು ಅಭಿವೃದ್ಧಿಗೆ ಕಾರಣವೆಂದು ಬಗೆದು, ನಾನಾವಿಕಾರಗಳನ್ನು ಹೊಂದುತ್ತ, ಅನುದಿನವೂ ಬೆಳೆದು ಬೆಳೆದು, ಎಲ್ಲರಿಗೂ ಬೆಳಕಾಗಿ ಬಹಳದಿನ ಬದುಕುವೆಯಾ?’
