ಕಾರಿಕಲ್ ಜಿಲ್ಲೆಯತ್ತ ಬನ್ನಿ. ತುಂಬ ಹಿಂದಿನ ಚಿತ್ರಣ ಬೇಡ. 2019ರಲ್ಲೇ ಇಲ್ಲಿ ಒಂದು ಕೊಡ ನೀರಿಗಾಗಿ ಮೈಲಿಗಟ್ಟಲೇ ನಡೆಯುವ ಸ್ಥಿತಿ ಇತ್ತು. 500 ಅಡಿ ಆಳಕ್ಕೆ ಹೋದರೂ ಅಂತರ್ಜಲ ಸಿಗದಂಥ ಸ್ಥಿತಿ. ಇಲ್ಲಿಯ ಯುವ ಜಿಲ್ಲಾಧಿಕಾರಿ ವಿಕ್ರಾಂತ್ ರಾಜ್ ಪರಿಸ್ಥಿತಿಯನ್ನು ಅವಲೋಕಿಸಿದಾಗ ಈ ಜಿಲ್ಲೆಯಲ್ಲಿ ಸಾಂಪ್ರದಾಯಿಕ ಜಲಮೂಲಗಳು ಹೆಚ್ಚಿನ ಸಂಖ್ಯೆಯಲ್ಲಿದ್ದು, ಅವು ಕಾಣೆಯಾಗಿರುವುದನ್ನು ಗಮನಿಸಿದರು. ಇದಕ್ಕೆ ಪರಿಹಾರ ಕಲ್ಪಿಸಲು ‘ನಮ್ ನೀರ್’ (ನಮ್ಮ ನೀರು) ಅಭಿಯಾನ ಆರಂಭಿಸಿದರು. ಕಲುಷಿತಗೊಂಡ, ಅತಿಕ್ರಮಣಗೊಂಡ ಮತ್ತು ತೀವ್ರವಾಗಿ ಹಾನಿಗೊಂಡ 450 ಜಲಮೂಲಗಳನ್ನು ಪತ್ತೆ ಮಾಡಿದರು. ಈ ಪೈಕಿ ಈಗಾಗಲೇ 178ಕ್ಕೂ ಅಧಿಕ ಕೆರೆ, ಕಲ್ಯಾಣಿಗಳು ಮರುಜೀವ ಪಡೆದಿವೆ! ಶಿಕ್ಷಣ ಸಂಸ್ಥೆಗಳು, ದೇವಸ್ಥಾನಗಳ ಆಡಳಿತ ಮಂಡಳಿಗಳು, ಕಾಪೋರೇಟ್ ಕಂಪನಿಗಳು, ಸರ್ಕಾರದ ವಿವಿಧ ಇಲಾಖೆಗಳ ಸಹಭಾಗಿತ್ವದಿಂದ ಮತ್ತು ವಿಕ್ರಾಂತ್ ರಾಜ್ರ ಅಸಾಧಾರಣ ಪ್ರಯತ್ನದಿಂದ ಅಸಾಧ್ಯ ಎನುವಂಥ ಕಾರ್ಯ ಕೂಡ ಸಾಧ್ಯವಾಗಿ, ಅಚ್ಚರಿ ಮೂಡಿಸಿದೆ. ಉಳಿದ ಜಲಮೂಲಗಳ ಜೀಣೋದ್ಧಾರ ಮುಗಿಯುವವರೆಗೆ ವಿಶ್ರಮಿಸುವುದಿಲ್ಲ ಎಂಬುದು ವಿಕ್ರಾಂತರ ದೃಢಸಂಕಲ್ಪ. ಹಾಗೆಯೇ, ಮಳೆನೀರು ಸಂಗ್ರಹಕ್ಕೂ ಸೂಕ್ತ ಯೋಜನೆ ರೂಪಿಸಿ, ಜಾರಿಗೆ ತರಲಾಗಿದೆ. ‘ಕೆರೆ, ಕುಂಟೆಗಳ ಮೇಲೆ ಜನರು ಅವಲಂಬಿತರಾಗಿದ್ದಾಗ ಅವುಗಳ ಬಗ್ಗೆ ಕಾಳಜಿ ತೆಗೆದುಕೊಳ್ಳುತ್ತಿದ್ದರು. ಈಗ ಕೊಳವೆಬಾವಿ ಮೂಲಕ ಮನೆಬಾಗಿಲಿಗೆ ನೀರು ಬರುತ್ತಿರುವುದರಿಂದ ಆ ಪಾರಂಪರಿಕ ಜಲಸಂರಕ್ಷಣಾ ವಿಧಾನಗಳನ್ನು ಮರೆತಿದ್ದಾರೆ. ಅದರ ಬಗ್ಗೆ ಮತ್ತೆ ಅರಿವು ಮೂಡಿಸಿ, ಮನೆ-ಮನೆಗಳಿಂದಲೂ ನೀರು ಉಳಿಸುವ ಕಾರ್ಯ ಆರಂಭವಾದರೆ ಅಂತರ್ಜಲ ಮಟ್ಟ ಹೆಚ್ಚುವುದರಲ್ಲಿ ಸಂಶಯವಿಲ್ಲ’ ಎನ್ನುತ್ತಾರೆ ವಿಕ್ರಾಂತ್. ‘ಅಧಿಕಾರಿಗಳಾದ ನಮಗೆ ಬದ್ಧತೆ ಇರಬೇಕು ಮತ್ತು ಸಮಾಜಕ್ಕೆ ಒಳ್ಳೆಯದನ್ನು ಮಾಡಬೇಕು ಎಂಬ ತುಡಿತ ಇರಬೇಕು. ಆಗ ಎಲ್ಲರನ್ನೂ ಒಳ್ಳೆಯ ಉದ್ದೇಶಕ್ಕಾಗಿ ಒಟ್ಟಿಗೆ ಕರೆದುಕೊಂಡು ಹೋಗಿ, ಗುರಿ ತಲುಪಲು ಸಾಧ್ಯ’ ಎನ್ನುವುದು ಡಾ.ಅರುಣ್ (ಚ್ಟuಠಿ.ಛಟ್ಚಃಜಞಚಜ್ಝಿ.ಟಞ) ಅವರ ಅಚಲ ನಿಲುವು.
