ಭಾರತದ 28 ರಾಜ್ಯಗಳಲ್ಲಿ ಕೇವಲ ಆರು ರಾಜ್ಯಗಳು ವಿಧಾನಪರಿಷತ್ತನ್ನು ಹೊಂದಿವೆ. ಆಂಧ್ರಪ್ರದೇಶ (ಸದಸ್ಯರ ಸಂಖ್ಯೆ 58), ಬಿಹಾರ (75), ಕರ್ನಾಟಕ (75), ಮಹಾರಾಷ್ಟ್ರ (78), ತೆಲಂಗಾಣ (40) ಹಾಗೂ ಉತ್ತರಪ್ರದೇಶ (100)ಗಳಲ್ಲಿ ಮಾತ್ರ ವಿಧಾನಪರಿಷತ್ತಿದ್ದು, ಉಳಿದ ರಾಜ್ಯಗಳು ವಿಧಾನಪರಿಷತ್ತು ಇಲ್ಲದೆ ಆಡಳಿತ ನಡೆಸುತ್ತಿವೆ. 1969ರಲ್ಲಿ ಅಸ್ಸಾಂ, ಮಧ್ಯಪ್ರದೇಶ, ಪಂಜಾಬ್, ಪಶ್ಚಿಮ ಬಂಗಾಳ ವಿಧಾನಪರಿಷತ್ತನ್ನು ರದ್ದು ಪಡಿಸಿದರೆ, 1986ರಲ್ಲಿ ತಮಿಳುನಾಡು ಹಾಗೂ 2019ರಲ್ಲಿ ಜಮ್ಮು-ಕಾಶ್ಮೀರ ವಿಧಾನಪರಿಷತ್ತನ್ನು ರದ್ದುಪಡಿಸಿದೆ. ಕರ್ನಾಟಕ ವಿಧಾನಪರಿಷತ್ತನ್ನು ರದ್ದು ಮಾಡಿದರೆ ಆರ್ಥಿಕವಾಗಿ ಅನುಕೂಲವಾಗಬಹುದಲ್ಲದೆ ಅಭಿವೃದ್ಧಿಗಾಗಿ ಹೆಚ್ಚು ಹಣ ವಿನಿಯೋಗಿಸಬಹುದು. ಈ ಬಗ್ಗೆ ಗಂಭೀರ ಚಿಂತನೆ ನಡೆಯಲಿ.
