‘ಕರೊನಾ ಕರೊನಾ’... ಎಂದರೆ ಹಿಂದಿಯಲ್ಲಿ ‘ಮಾಡು, ಮಾಡು’ ಎಂದಾಗುತ್ತದೆ! ಆಗ ಮೃತ್ಯುವು ‘ಕರ್ದಿಯಾ’ ಕರೊನಾ ಎಂದು ಹೇಳುತ್ತ ಗಹಗಹಿಸಿ ನಗುತ್ತದೆ. ಹಿಂದೆ ‘ಕರೊನಾ’ ಎಂದಾಗ ಭಗವಂತನ ನಾಮಸ್ಮರಣೆ, ಸತ್ಕರ್ಮಗಳನ್ನು ಮಾಡುತ್ತ ‘ಕರ್ದಿಯಾ’ ಎನ್ನುತ್ತಿದ್ದರು. ಈಗ ಕಾಲ ಬದಲಾಗಿದೆ. ಅತ್ಯಾಚಾರ, ಅನಾಚಾರಗಳಲ್ಲದೆ ಅನಿಯಮಿತ ಆಹಾರ ಸೇವನೆ ಮಾಡುತ್ತ ‘ಕರ್ದಿಯಾ’ ಎನ್ನುವ ಕಾಲ ಬಂದಿದೆ. ಕಂಡಕಂಡಲ್ಲಿ ತಿನ್ನುವುದು, ಆಧುನಿಕ ಚೀನಾ ಆಹಾರ ಪದ್ಧತಿಯ ಅನುಕರಣೆ, ಚೀನೀಸ್ ಆಹಾರದ ಗೂಡಂಗಡಿಗಳು ತಲೆ ಎತ್ತಿದ್ದೇ ದುರಂತಗಳಿಗೆ ಆಹ್ವಾನ. ಬುದ್ಧಿಸಂ ಎನ್ನುವ ಚೀನಾ ದೇಶ ಎಲ್ಲಿ ಗೌತಮ ಬುದ್ಧನ ಅನುಕರಣೆ ಮಾಡಿದೆ? ಕೇವಲ ಬುದ್ಧ ದೇವಾಲಯಗಳನ್ನು ಪ್ರವಾಸಿಕೇಂದ್ರ ಮಾಡಿಕೊಂಡು, ಅಲಂಕಾರ, ಆಡಂಬರ ಮಾಡುವುದು ಬಿಟ್ಟರೆ ಗೌತಮ ಬುದ್ಧನ ಆಹಾರಸಂಸ್ಕೃತಿ, ನಿಯಮ, ಶಿಸ್ತು ಎಲ್ಲಿದೆ?
