ಭಾರತೀಯ ಧಾರ್ವಿುಕ ಇತಿಹಾಸ ಪರಂಪರೆಯಲ್ಲಿ ಹಬ್ಬ, ಹುಣ್ಣಿಮೆ ಉತ್ಸವಗಳು ತನ್ನದೇ ಮಹತ್ವವನ್ನು ಪಡೆದುಕೊಂಡು ನಾಡಿನ ಜನತೆಗೆ ತನ್ನ ಸಂದೇಶವನ್ನು ಸಾರುತ್ತವೆ. ಈ ದೇಶದ ಧಾರ್ವಿುಕ ಪೀಠಗಳು ಮತ್ತು ಮಠ-ಮಂದಿರಗಳು ಹಾಗೂ ದೇವಾಲಯಗಳು ಜನಮನವನ್ನು ನಿತ್ಯವೂ ಹಸನುಗೊಳಿಸುವುದರೊಂದಿಗೆ ನಿತ್ಯ ನೂತನ ಬದುಕಿಗೆ ಕಾರಣವಾಗಿವೆ. ನೀತಿ-ನಿಯಮಗಳ ಪಾಲನೆಗೆ, ಉನ್ನತ ಜೀವನದ ಮೌಲ್ಯಗಳಿಗೆ, ಸಂಸ್ಕಾರ ಸಂವರ್ಧನೆಗೆ ಸದಾ ಮಾರ್ಗದರ್ಶಕಗಳಾಗಿವೆ. ಪರಶಿವನ ಸೃಷ್ಟಿಕ್ರಿಯೆಯ ಐದು ತತ್ತ್ವಗಳ ಶಕ್ತಿಯನ್ನೊಳಗೊಂಡ ಪಂಚ ಮುಖಗಳಿಂದ ಪ್ರಾದರ್ಭವಿಸಿದವರೇ ಜಗದ್ಗುರು ಶ್ರೀ ಪಂಚಾಚಾರ್ಯರು. ಅವರ ಕಾರ್ಯಕ್ಷೇತ್ರಗಳೇ ಪಂಚಪೀಠಗಳು. ಈ ಪಂಚಪೀಠಗಳಲ್ಲಿ ಒಂದಾದ ಪೀಠವೇ ಶ್ರೀಮದುಜ್ಜಯಿನಿ ಸದ್ಧರ್ಮಪೀಠ. ಶಿವನ ವಾಮದೇವ ಮುಖ ಸಂಜಾತರಾದ ಶ್ರೀ ಜಗದ್ಗುರು ಮರುಳಾರಾಧ್ಯರು. ಮಾಳವದೇಶದ ಶ್ರೀ ಸಿದ್ಧೇಶ್ವರ ಜ್ಯೋತಿರ್ಲಿಂಗಮುಖದಿಂದ ದಿವ್ಯದೇಹಿಯಾಗಿ ಆವಿರ್ಭವಿಸಿ ಅಲ್ಲಿಯೇ ಪೀಠವನ್ನು ಸ್ಥಾಪಿಸಿ ಮಾನವಕುಲದ ಉದ್ಧಾರಕ್ಕಾಗಿ ಶಿವಾದ್ವೈತ ಸಿದ್ಧಾಂತವನ್ನು ಬೋಧಿಸಿದ ಮಹಾಮಹಿಮರಾಗಿದ್ದಾರೆ.
