ಕಳೆದ ಎರಡು ತಿಂಗಳ ಲಾಕ್ಡೌನ್ ಸಮಯದಲ್ಲಿ ರವಿಚಂದ್ರನ್ ಅವರು ಸತತವಾಗಿ ಒಂದಿಷ್ಟು ಕೆಲಸಗಳನ್ನು ಮಾಡುತ್ತಲೇ ಇದ್ದರಂತೆ. ‘ಈ ಸಮಯದಲ್ಲಿ ಆಚೆ ಎಲ್ಲೂ ಹೋಗಿಲ್ಲ. ಹಾಗಂತ ಕೆಲಸವನ್ನು ನಿಲ್ಲಿಸಿಲ್ಲ. ನಿರಂತರವಾಗಿ ಕಥೆ, ಹಾಡು ಮುಂತಾದ ಕೆಲಸಗಳಲ್ಲಿ ಬಿಜಿ ಇದ್ದೆ. ಮುಂದೇನು ಎಂದರೆ, ಕರೊನಾ ನಂತರ ಜೀವನ ಹೇಗೆ. ಇದೇ ತರಹ ಪರಿಸ್ಥಿತಿ ಮುಂದುವರಿದರೆ, ನಮ್ಮ ಬದುಕು ಹೇಗೆ ಎಂದು ಯೋಚಿಸಿ, ನಾವು ಅದಕ್ಕೆ ರೆಡಿಯಾಗಬೇಕು. ಇನ್ನು ಹಳೆಯದರ ಬಗ್ಗೆ ಮಾತನಾಡಿ ಪ್ರಯೋಜನವಿಲ್ಲ. ಮುಂದೇನು ಎಂಬುದು ಬಹಳ ಮುಖ್ಯ.ಕರೊನಾನ ತಲೆ ಮೇಲೆ ಹೊತ್ತರೆ ಅದು ಬಹಳ ಭಾರ. ಅದನ್ನು ಎದುರಿಗಿಟ್ಟುಕೊಂಡು, ಅದರ ಜತೆಗೆ ಹೋರಾಡುವುದೇ ಇನ್ನು ಮುಂದಿನ ಜೀವನ. ಅದನ್ನು ಎದುರಿಸಿ ಬದುಕಬೇಕೇ ಹೊರತು, ಹೆದರಿಕೊಂಡು ಕೂರೋಕೆ ಆಗುವುದಿಲ್ಲ. ಅದರಿಂದ ಕರೊನಾ ಹೋಗೋದೂ ಇಲ್ಲ. ಅದಕ್ಕೊಂದು ಪರಿಹಾರವೂ ಸಿಗಲ್ಲ. ಎಲ್ಲಿಯವರೆಗೂ ಅದಕ್ಕೊಂದು ವ್ಯಾಕ್ಸಿನ್ ಸಿಗುವುದಿಲ್ಲವೋ, ಅಲ್ಲಿಯವರೆಗೂ ವೆಕೇಶನ್. ಹಾಗಾಗಿ ಸುಮ್ಮನೆ ಕೂರುವ ಹಾಗಿಲ್ಲ. ನುಗ್ಗಬೇಕು. ಆದರೆ, ಎಚ್ಚರಿಕೆಯಿಂದ ನುಗ್ಗಬೇಕು’ಎನ್ನುತ್ತಾರೆ ಅವರು.
ಇದನ್ನೂ ಓದಿ: ಇನ್ನು ಮುಂದೆ ವರ್ಷಕ್ಕೆ 100 ದಿನ ಮಾತ್ರ ಶಾಲೆ!
