ಹಿಮಾಲಯದ ಬಗ್ಗೆ ಓದಿದ್ದೆ, ಕೇಳಿದ್ದೆ, ವಿಡಿಯೋಗಳಲ್ಲಿ ನೋಡಿದ್ದೆ. ಆದರೆ, ನಿಜಕ್ಕೂ ಅದು ಎಷ್ಟು ಎತ್ತರ ಇದೆ ಮತ್ತು ಹಿಮಾಲಯದ ಸಮನಾಗಿ ನಾನು ಹೇಗೆ ಕಾಣುತ್ತೇನೆ ಎಂದು ನೋಡಬೇಕು ಅಂತ ಒಂದು ದಿನ ಆಸೆ ಆಯಿತು. ಸರಿ, ಒಂದು ವಾರ ರಜೆ ಹಾಕಿ, ಹಿಮಾಲಯಕ್ಕೆ ಹೋಗಿ, ಅದರ ಸರಿಸಮನಾಗಿ ಇದ್ದು ಬರಬೇಕು ಎಂದು ನಿಶ್ಚಯ ಮಾಡಿದೆ. ಆದರೆ, ನಾನು ಹೋದರೆ, ನನ್ನ ಸಾಮ್ರಾಜ್ಯವನ್ನು ಯಾರು ನೋಡಿಕೊಳ್ಳುತ್ತಾರೆ? ಇಲ್ಲಿದ್ದಾಗ ಎಲ್ಲರೂ ನನ್ನನ್ನೇ ಅವಲಂಬಿಸಿರುತ್ತಾರೆ. ನಾನಿಲ್ಲದಾಗ ಹೇಗೆ ನೋಡಿಕೊಳ್ಳುತ್ತಾರೆ? ಎಂಬ ಆತಂಕ ಇದ್ದೇ ಇತ್ತು. ಸಾಮಾನ್ಯವಾಗಿ ಎಲ್ಲೇ ವೆಕೇಶನ್ಗೆ ಅಥವಾ ಬಿಜಿನೆಸ್ ಟ್ರಿಪ್ಗೆ ಹೋದರೂ, ನನ್ನ ದೇಹ ಮಾತ್ರ ಅಲ್ಲಿರುತ್ತದೆ; ಆತ್ಮ ಸಂಪೂರ್ಣವಾಗಿ ಕೆಲಸದಲ್ಲೇ ಇರುತ್ತದೆ. ಈ ಬಾರಿ ಸಹ ಹಾಗೇ ಮಾಡುವುದೆಂದು ತೀರ್ವನಿಸಿದೆ. ಅಲ್ಲಿದ್ದುಕೊಂಡೇ, ಇಲ್ಲಿಯ ವ್ಯವಹಾರಗಳನ್ನು ಹೇಗೋ ಮ್ಯಾನೇಜ್ ಮಾಡಿದರಾಯ್ತು ಎಂದು ನಿಶ್ಚಯಿಸಿ ಬ್ಯಾಗ್ ಪ್ಯಾಕ್ ಮಾಡಿದೆ. ನಾಳೆ ನನ್ನ ಪಯಣ ಹಿಮಾಲಯದತ್ತ...
