ಬೆಳೆಗಾರರು ಕಾಯಾ, ವಾಚಾ, ಮನಸಾ ಒಗ್ಗಟ್ಟಿನಿಂದ ದುಡಿದರೆ, ಸರ್ಕಾರ ಅದಕ್ಕೆ ಸೂಕ್ತವಾಗಿ ಸ್ಪಂದಿಸಿದರೆ ಕಾಫಿ ಉದ್ಯಮ ಇನ್ನಿಲ್ಲದಂತೆ ಹೆಸರು, ಹಣ ಮಾಡುವ ವಿಪುಲ ಅವಕಾಶಗಳು ನಮ್ಮೆದುರಿಗಿವೆ. ಹಟ್ಟಿಕಾಫಿ, ಕಲ್ಮನೆ ಕಾಫಿ, ಬ್ಲಾಕ್ ಫಾರೆಸ್ಟ್ ಕಾಫಿಯಂತೆ, ಬಾಳ್ಳು ಕಾಫಿ, ಗಿರಿ ಕಾಫಿ, ಮಗ್ಗೆಕಾಫಿ, ಆಲೂರ್ ಕಾಫಿ, ಬೇಲೂರು ಕಾಫಿ, ಮಂಜ್ರಾಬಾದ್ ಕಾಫಿ, ಶನಿವಾರ ಸಂತೆ ಕಾಫಿ ಕೂಡ ಬರಬಹುದೆಂಬ ಕನಸು ಹಿರಿಯ ಕಾಫಿ ಬೆಳೆಗಾರರದ್ದು. ವೈರಸ್ ಅನ್ನು ಬೇರೆಯವರಿಗಿಂತ ಯಶಸ್ವಿಯಾಗಿ ಹಿಮ್ಮೆಟ್ಟಿ ಖಂಡಿತವಾಗಿ ಒಳ್ಳೆಯ ದಿನಗಳನ್ನು ನೋಡುತ್ತೇವೆ. ಹಿಂದೆ ನಮ್ಮ ಸಂಪತ್ತನ್ನು ಇಂಗ್ಲಿಷರು, ಪೋರ್ಚುಗೀಸರು, ಫ್ರೆಂಚರು, ಮಂಗೋಲಿಯನ್ನರು ಲೂಟಿ ಹೊಡೆದಿದ್ದರು. ಈಗ ಭಾರತ ಮುಂಚೂಣಿಗೆ ಬರುವ ಸಾಧ್ಯತೆಗಳು ಗೋಚರಿಸುತ್ತಿವೆ. ಮುಂದಿನ ಜನಾಂಗ ಭವ್ಯ ಭಾರತವನ್ನು ಕಟ್ಟಲು ಈ ಕರೊನಾ ನಾಂದಿ ಹಾಡಿದೆ ಎನ್ನಬಹುದು.
