ಸಣ್ಣ ಪಟ್ಟಣವೊಂದರ ಬಡಕುಟುಂಬದಲ್ಲಿ ಜನಿಸಿದ್ದ 24 ವರ್ಷದ ವಿನಿತಗೆ ಚಿಕ್ಕಂದಿನಿಂದಲೂ ಸಿನಿಮಾ ನಟಿಯಾಗಬೇಕೆಂಬ ಆಸೆಯಿತ್ತು. ಪ್ರೈಮರಿ ಶಾಲೆಯಲ್ಲಿದ್ದಾಗಿನಿಂದಲೂ ಅಕೆ ನೃತ್ಯ, ನಾಟಕ, ಸಂಗೀತದ ಬಗ್ಗೆ ಆಸಕ್ತಿ ವಹಿಸಿ ಶಾಲೆಯ ಎಲ್ಲ ಕಾರ್ಯಕ್ರಮಗಳಲ್ಲಿಯೂ ಪಾಲ್ಗೊಳ್ಳುತ್ತಿದ್ದಳು. ಕಾಲೇಜಿಗೆ ಸೇರಿದ ನಂತರ ಅಂತರ ಕಾಲೇಜು ನಾಟಕಸ್ಪರ್ಧೆಯೊಂದರಲ್ಲಿ ಭಾಗವಹಿಸಿದಳು. ನಾಟಕ ನೋಡಿದ ಸ್ಥಳೀಯ ಕಂಪನಿಯೊಂದರ ಎಂಡಿ ವಿನಿತಳ ಸೌಂದರ್ಯ, ಮತ್ತು ಅಂಗಸೌಷ್ಟವವನ್ನು ನೋಡಿ ತನ್ನ ಕಂಪನಿಗಾಗಿ ರೂಪದರ್ಶಿಯಾಗಲು ಆಹ್ವಾನವಿತ್ತ. ಆಕೆ ಒಂದೆರಡು ಜಾಹೀರಾತುಗಳಲ್ಲಿ ಕಾಣಿಸಿಕೊಂಡ ನಂತರ ಟಿವಿ ಜಾಹೀರಾತುಗಳಲ್ಲಿ ರೂಪದರ್ಶಿಯಾಗಲು ಕರೆಗಳು ಬಂದವು.
