ಆರ್ಥಿಕ ರಂಗದತ್ತ ತಿರುಗಿದರೆ 1978ರಲ್ಲಿ ಡೆಂಗ್ ಷಿಯಾವೋಪಿಂಗ್ ಚೀನಿ ಅರ್ಥವ್ಯವಸ್ಥೆಯನ್ನು ಉದಾರೀಕರಣಗೊಳಿಸಿ, ಉತ್ಪಾದನಾ ಟಕಗಳನ್ನು ಸ್ಥಾಪಿಸಲು ಅಗತ್ಯ ಸವಲತ್ತುಗಳನ್ನು ವಿದೇಶೀ ಕಂಪನಿಗಳಿಗೆ ನೀಡುವ ೂಷಣೆ ಮಾಡಿದಾಗ ಚೀನಾಗೆ ಮುಗಿಬಿದ್ದದ್ದು ಇದೇ ಅಮೆರಿಕ, ಪಶ್ಚಿಮ ಯುರೋಪ್ ಮತ್ತು ಜಪಾನ್ ಮೂಲದ ಬಹುರಾಷ್ಟ್ರೀಯ ಕಂಪನಿಗಳು. ಕಡಿಮೆ ಕೂಲಿಗೆ ದುಡಿಯಲು ತಯಾರಿದ್ದ ಚೀನೀ ಕೆಲಸಗಾರರ ಬಹತ್ ಸೇನೆಯನ್ನು ಬಳಸಿಕೊಂಡು, ಕಡಿಮೆ ಖರ್ಚಿನಲ್ಲಿ ಎಲ್ಲ ಬಗೆಯ ಉತ್ಪನ್ನಗಳನ್ನು ಉತ್ಪಾದಿಸಿ, ಅವುಗಳನ್ನು ಪ್ರಪಂಚದಾದ್ಯಂತ ಮಾರಿ ಹೇರಳ ಲಾಭ ಗಳಿಸುವ ಬಹುರಾಷ್ಟ್ರೀಯ ಕಂಪನಿಗಳ ಲಾಭಕೋರತನ ಅಂತಿಮವಾಗಿ ವರದಾನವಾದದ್ದು ಚೀನಾಗೇ. ಹೆಚ್ಚು ಹೆಚ್ಚು ವಿದೇಶೀ ಕಂಪನಿಗಳು ಚೀನಾಗೆ ಬಂದು ಕಾರ್ಯಾರಂಭ ಮಾಡಿದಷ್ಟೂ ಚೀನಾದ ನಿವ್ವಳ ರಾಷ್ಟ್ರೀಯ ಉತ್ಪಾದನೆ (ಜಿಡಿಪಿ) ತಾರಾಮಾರು ಏರತೊಡಗಿ, ಆ ಕಮ್ಯೂನಿಸ್ಟ್ ದೇಶ ಈ ಶತಮಾನದ ಆರಂಭದ ಹೊತ್ತಿಗೆ ಜಗತ್ತಿನ ಮೂರನೆಯ, ಮುಂದಿನ ಹತ್ತು ವರ್ಷಗಳಲ್ಲಿ ಎರಡನೆಯ ಬಹತ್ ಅರ್ಥವ್ಯವಸ್ಥೆಯ ಸ್ಥಾನಕ್ಕೇರಿತು. ಅದಕ್ಕನುಗುಣವಾಗಿ ಚೀನೀ ಸರ್ಕಾರದ ಆದಾಯವೂ ವರ್ಷೇವರ್ಷೇ ಅಗಣಿತ ಪ್ರಮಾಣದಲ್ಲಿ ಏರಿತು. ಈ ಅಗಾಧ ಆದಾಯವನ್ನು ತನ್ನದೇ ಉತ್ಪಾದನಾ ಹಾಗೂ ವ್ಯವಹಾರ ಸಂಸ್ಥೆಗಳನ್ನು ದಂಡಿಯಾಗಿ ಸ್ಥಾಪಿಸಲು ಚೀನೀ ಸರ್ಕಾರ ಬಳಸತೊಡಗಿತು. ಪ್ರತ್ಯ ಹಾಗೂ ಪರೋವಾಗಿ ಚೀನೀ ಕಮ್ಯೂನಿಸ್ಟ್ ಸರ್ಕಾರದ ಒಡೆತನದಲ್ಲಿರುವ ಉತ್ಪಾದನಾ ಸಂಸ್ಥೆಗಳು ಕಡಿಮೆ ಬೆಲೆಯ ವಸ್ತುಗಳನ್ನು ಅಧಿಕವಾಗಿ ಉತ್ಪಾದಿಸಿ ಜಾಗತಿಕ ಮಾರುಕಟ್ಟೆಯನ್ನು ಆಕ್ರಮಿಸಿಕೊಂಡರೆ, ಚೀನೀ ವ್ಯವಹಾರ ಹಾಗೂ ಹಣಕಾಸು ಸಂಸ್ಥೆಗಳು ಅಮೆರಿಕ, ಯುರೋಪ್, ಆಸ್ಟ್ರೆಲಿಯಾ ಅಷ್ಟೇ ಏಕೆ ನಮ್ಮ ಭಾರತದಲ್ಲಿನ ಸಂಸ್ಥೆಗಳ ಶೇರುಗಳನ್ನು ಕೊಳ್ಳಲು ತಮ್ಮ ಹಣವನ್ನು ವ್ಯಾಪಕವಾಗಿ ಬಳಸುತ್ತಿವೆ. ಜತೆಗೆ, ಚೀನೀ ಕಮ್ಯೂನಿಸ್ಟ್ ಸರ್ಕಾರ ತನ್ನ ವಾರ್ಷಿಕ ಆದಾಯದ ಒಂದು ದೊಡ್ಡ ಅಂಶವನ್ನು ಸೇನಾಶಕ್ತಿಯ ವದ್ಧಿಗೆ ಬಳಸಿಕೊಂಡು ಜಾಗತಿಕ ಶಕ್ತಿಯಾಗಿ ಬೆಳೆಯಲು ಹವಣಿಸುತ್ತಿದೆ, ತನ್ನ ಸುತ್ತಲಿನ ದೇಶಗಳ ಹಿತಾಸಕ್ತಿಗಳಿದೆ ಧಕ್ಕೆಯೊಡ್ಡಿ ಪ್ರಾದೇಶಿಕ ಶಾಂತಿಯನ್ನು ಕದಡುತ್ತಿದೆ, ಪೂರ್ವ ಚೀನಾ ಸಮುದ್ರ ಮತ್ತು ದಣ ಚೀನಾ ಸಮುದ್ರಗಳಲ್ಲಿ ನಡುಗಡ್ಡೆಗಳನ್ನು ಅತಿಕ್ರಮಿಸಿಕೊಂಡು ಇಡೀ ಸಾಗರ ಪ್ರದೇಶದ ಮೇಲೆ ಹತೋಟಿ ಸ್ಥಾಪಿಸಿಕೊಂಡಿದೆ. ಪರಿಣಾಮವಾಗಿ ದಣ ಚೀನಾ ಸಮುದ್ರದಲ್ಲಿ ವಾರ್ಷಿಕವಾಗಿ ಮೂರು ಟ್ರಿಲಿಯನ್ ಡಾಲರ್ ಮೌಲ್ಯದ ಸರಕುಗಳನ್ನು ಸಾಗಿಸುವ, ಜಗತ್ತಿನ ಎರಡನೆಯ ಅತಿ ದೊಡ್ಡ ವಾಣಿಜ್ಯ ಮಾರ್ಗ ವನ್ನು ಯಾವಾಗ ಬೇಕಾದರೂ ಹಾಳುಗೆಡಹುವ ಸಾಮರ್ಥ್ಯ ಇಂದು ಚೀನಾಕ್ಕಿದೆ!
