ಜಗತ್ತು ಹಿಂದೆಂದೂ ಕಂಡು ಕೇಳರಿಯದ ರೀತಿಯಲ್ಲಿ ಅನಾಗರಿಕ ಮನುಷ್ಯರನ್ನು ಸಂಸ್ಕರಿಸಿ ಮಾನವೀಯತೆಯ ಸಾಕಾರಮೂರ್ತಿಗಳನ್ನಾಗಿ ಮಾರ್ಪಡಿಸಿದ ಕೀರ್ತಿಯು ಲೋಕನಾಯಕ ಪ್ರವಾದಿ ಮುಹಮ್ಮದರಿಗೆ(ಸ) ಸಲ್ಲುತ್ತದೆ. ಇಂದಿಗೂ ಜಗತ್ತಿನ ಎಲ್ಲಾ ಮಸೀದಿ ಮಿನಾರಗಳಿಂದ ದಿನಕ್ಕೆ 5 ಬಾರಿ ಕಡ್ಡಾಯವಾಗಿ ಅವರ ಹೆಸರನ್ನು ಮೊಳಗಿಸಲಾಗುತ್ತದೆ. ಅವರನ್ನು ಅಂತಿಮ ಪ್ರವಾದಿ ಎಂದು ಒಪ್ಪಿಕೊಳ್ಳುವ ಸತ್ಯವಿಶ್ವಾಸಿಗಳು ಪ್ರತಿ ನಮಾಝå್ನ ವೇಳೆ ಅವರ ಮೇಲೆ ಸಲಾತ್ (ಸ್ವಸ್ತಿವಚನ) ಮತ್ತು ಸಲಾಮ್ಶುಭಾಕಾಂಕ್ಷೆ)ಗಳನ್ನು ಹೇಳುತ್ತಾರೆ. ಈ ರೀತಿ ಜಗತ್ತಿನಲ್ಲಿ ಪ್ರತಿಕ್ಷಣ ನೆನಪಿಸಲ್ಪಡುತ್ತಿರುವ, ಗೌರವಿಸಲ್ಪಡುವ ವ್ಯಕ್ತಿಗಳು ಬೇರೆ ಯಾರೂ ಇಲ್ಲ. ಇಷ್ಟು ಮಾತ್ರವಲ್ಲ, ಜಗತ್ತಿನ ಯಾವನೇ ನಾಯಕನ ವೈಯಕ್ತಿಕ, ಕೌಟುಂಬಿಕ, ಸಾಮಾಜಿಕ, ವ್ಯಾವಹಾರಿಕ, ರಾಜಕೀಯ ಜೀವನವು ಸಂಪೂರ್ಣವಾಗಿ ಮಾದರಿ ಯೋಗ್ಯ ಮತ್ತು ಅನುಸರಣಾರ್ಹವಾದುದಿಲ್ಲ. ಆದರೆ ಪ್ರವಾದಿ ಮುಹಮ್ಮದರ ಬಗ್ಗೆ, ಪವಿತ್ರ ಕುರಾನ್, ‘ಅವರ ಜೀವನದಲ್ಲಿ ಅತ್ಯುತ್ತಮ ಮಾದರಿ ಇದೆ’ ಎಂಬ ಸರ್ಟಿಫಿಕೇಟನ್ನು ನೀಡುತ್ತದೆ. ಈ ಕಾರಣಕ್ಕಾಗಿಯೇ ಪಾಶ್ಚಾತ್ಯ ಬರಹಗಾರ ಮೈಕಲ್ ಎಚ್. ಹಾರ್ಟ್ ಅವರ ‘ದ ಹಂಡ್ರೆಡ್ ಆಫ್ ಮೋಸ್ಟ್ ಇನ್ಫ್ಲುಯೆನ್ಷಿಯಲ್ ಪರ್ಸನ್ಸ್ ಇನ್ ಹಿಸ್ಟರಿ’ ಎಂಬ ಗ್ರಂಥದಲ್ಲಿ ಪ್ರವಾದಿ ಮುಹಮ್ಮದ್(ಸ)ರವರಿಗೆ ಪ್ರಥಮ ಸ್ಥಾನವನ್ನು ನೀಡಲಾಗಿದೆ.
