ಶ್ರೀಕೃಷ್ಣ ಮತ್ತು ಗಣಪತಿ ಇಬ್ಬರೂ ಭಾರತೀಯ ಸಂಸ್ಕೃತಿಯಲ್ಲಿ ಅಪಾರ ಪ್ರಭಾವ ಬೀರಿದ್ದಾರೆ. ಅವರು ಭಿನ್ನ ರೂಪ, ಭಿನ್ನ ತತ್ತ್ವಗಳ ಅವತಾರವಾಗಿದ್ದರೂ, ಅವರ ಮಧ್ಯೆ ಹಲವಾರು ಸಾಮ್ಯಗಳಿವೆ. ಇವು ನೈಸರ್ಗಿಕ, ಧಾರ್ವಿುಕ, ಆಧ್ಯಾತ್ಮಿಕ, ಸಾಂಸ್ಕೃತಿಕ ಮತ್ತು ನೈತಿಕ ಮಟ್ಟದಲ್ಲಿ ಕೂಡ ಬಿಂಬಿತವಾಗಿವೆ. ಪ್ರಕೃತಿಯಿಂದಲೇ ಹುಟ್ಟಿದ ಗಣಪತಿ, ಗೋವುಗಳೊಂದಿಗೆ ಆಡುತ್ತಾ ಪರಿಸರದೊಂದಿಗೇ ಬೆಳೆದ ಬಾಲಗೋಪಾಲ ಪರಿಸರ ಸಂರಕ್ಷಣೆಯ ಹರಿಕಾರರು. ಇಬ್ಬರೂ ಕಲಾ ಪ್ರೀತಿ ಉಳ್ಳವರು. ಸಂಸ್ಕೃತಿ, ಪರಂಪರೆ ಉಳಿಸಿ ಧರ್ಮ ಸಂರಕ್ಷಿಸುವಲ್ಲಿ ಸದಾ ನಿರತರು. ಇಂತಹ ಮಹಾನ್ ದೈವೀ ಶಕ್ತಿಯನ್ನು ಆರಾಧಿಸುವ ಶ್ರೀಕೃಷ್ಣಾಷ್ಟಮಿ ಹಾಗೂ ಗಣೇಶೋತ್ಸವಗಳು ಸಮಾಜದಲ್ಲಿ ಕೇವಲ ಮನೋರಂಜನೆ, ಅಬ್ಬರದ ಆಚರಣೆಗೆ ಸೀಮಿತವಾಗದೆ ಸಂಸ್ಕೃತಿ ಉತ್ಥಾನದ ನೆಲೆಗಟ್ಟಿನಲ್ಲಿ ಆಚರಣೆಗೊಳ್ಳಲಿ. ಈ ಮೂಲಕ ಸಮಾಜದಲ್ಲಿ ಭಾರತೀಯ ಪರಂಪರೆ ಚಿರಸ್ಥಾಯಿಯಾಗಲಿ. ಹಬ್ಬಗಳ ಮಹತ್ವ ಅರಿತು ಆಚರಿಸಿದಾಗ ಸಂಸ್ಕೃತಿಯೂ ಉಳಿಯುವುದು, ಸಮಾಜವೂ ಸಮೃದ್ಧವಾಗುವುದು.
