ಹೆಚ್ಚಿನ ಜನರು ಪ್ರೀತಿ ಎಂದು ಹೇಳುವುದು ಪರಸ್ಪರ ಲಾಭ ಯೋಜನೆಗಾಗಿ ಮಾತ್ರ. ಅವಶ್ಯಕತೆ ಪೂರೈಸಿಕೊಳ್ಳಬೇಕಾಗಿದೆ, ಹಾಗಾಗಿ ಯಾರೊಂದಿಗೋ ಒಂದು ವ್ಯವಸ್ಥೆ ಮಾಡಿಕೊಂಡಿದ್ದೀರಿ: ನೀನು ನನಗೆ ಇದನ್ನು ಕೊಡು, ನಾನು ನಿನಗೆ ಅದನ್ನು ಕೊಡುತ್ತೇನೆ ಎಂದು. ಜನರಿಗೆ ದೈಹಿಕ, ಭಾವನಾತ್ಮಕ, ಮಾನಸಿಕ, ಸಾಮಾಜಿಕ, ಆರ್ಥಿಕ ಮತ್ತು ಇನ್ನೂ ಅನೇಕ ಅವಶ್ಯಕತೆಗಳಿವೆ. ಇದೆಲ್ಲವನ್ನು ಪೂರೈಸಿಕೊಳ್ಳಲು ಬೇರೆ-ಬೇರೆ ಸಂಬಂಧಗಳನ್ನು ಮಾಡಿಕೊಂಡಿದ್ದೀರಿ. ಆದರೆ, ನಾಳೆ ನಿಮ್ಮ ಒಪ್ಪಂದದಿಂದ ಹಿಂದೆ ಸರಿದರೆ ಆ ಇನ್ನೊಬ್ಬರೂ ಅದನ್ನೇ ಮಾಡುತ್ತಾರೆ. ಆ ಕಾರಣಕ್ಕೇ ಸಂಬಂಧಗಳು ಯಾವಾಗಲೂ ಅಪಾಯದಲ್ಲಿರುತ್ತವೆ. ಅದು ಏಕೆಂದರೆ ಇಬ್ಬರೂ ಪರಸ್ಪರರಿಂದ ಸಂತೋಷ ಮತ್ತು ಜೀವನವನ್ನು ಪಡೆಯಲು ಪ್ರಯತ್ನಿಸುತ್ತಾರೆ. ಎಲ್ಲಿಯವರೆಗೆ ಬೇರೆಯವರ ಮೂಲಕ ಅವಶ್ಯಕತೆಗಳನ್ನು ಪೂರೈಸಿಕೊಳ್ಳಲು ಪ್ರಯತ್ನಿಸುತ್ತೀರೋ ಅಲ್ಲಿಯವರೆಗೆ ಈ ಹೋರಾಟ ನಡೆಯುತ್ತಿರುತ್ತದೆ. ಅವಶ್ಯಕತೆಗಳ ಪೂರೈಕೆಯ ಅಗತ್ಯ ಇರುವವರೆಗೆ ಪ್ರೀತಿ ಏನೆಂಬುದು ತಿಳಿಯಲು ಸಾಧ್ಯವೇ ಇಲ್ಲ.
