ದೇಶದಲ್ಲಿ ಒಂದು ಅಂದಾಜಿನ ಪ್ರಕಾರ 8 ಕೋಟಿ ಬೀದಿನಾಯಿಗಳಿದ್ದು, ಆಶ್ರಯತಾಣಗಳ ಕೊರತೆ, ತ್ಯಾಜ್ಯ ನಿರ್ವಹಣೆಯ ಸಮಸ್ಯೆ ಮತ್ತು ಪ್ರಾಣಿಜನನ ನಿಯಂತ್ರಣ ಕಾರ್ಯಕ್ರಮದ ನಿಧಾನಗತಿಯ ಅನುಷ್ಠಾನದಿಂದಾಗಿ ಸಮಸ್ಯೆ ಉಲ್ಬಣಿಸಿದೆ. ರಾಜ್ಯ ಸರ್ಕಾರಗಳು ಸುಪ್ರೀಂಕೋರ್ಟ್ನ ಈ ತೀರ್ಪನ್ನು ಕೇವಲ ಕಾಗದಕ್ಕೆ ಮೇಲೆ ಸೀಮಿತಗೊಳಿಸದೆ, ತಕ್ಷಣ ಅಗತ್ಯ ಕ್ರಮ ಕೈಗೊಳ್ಳಬೇಕು. ಬೀದಿನಾಯಿಗಳಿಗೆ ಜನನ ನಿಯಂತ್ರಣ ಲಸಿಕೆ ಹಾಕುವುದು, ತ್ಯಾಜ್ಯ ನಿರ್ವಹಣೆ ವ್ಯವಸ್ಥೆ ಸುಧಾರಣೆ, ಆಶ್ರಯತಾಣಗಳ ಸಂಖ್ಯೆ ಏರಿಕೆ, ಎನ್ಜಿಒಗಳು- ಸ್ಥಳೀಯ ಸಂಘಟನೆಗಳ ಜತೆಗಿನ ಸಹಭಾಗಿತ್ವ ಹೆಚ್ಚಳ, ಜನಜಾಗೃತಿ ಅಭಿಯಾನ, ಕಡಿತ ಪ್ರಕರಣಗಳ ಸಮಯೋಚಿತ ನಿರ್ವಹಣೆ, ರೇಬಿಸ್ ಲಸಿಕೆಯ ಲಭ್ಯತೆ ಖಾತ್ರಿಪಡಿಸುವುದು ಮುಂತಾದ ಕ್ರಮಗಳನ್ನು ರಾಜ್ಯ ಸರ್ಕಾರಗಳು ಕೈಗೊಳ್ಳಬೇಕು. ಆಗ ಮಾತ್ರ ಸಮಸ್ಯೆ ನಿಜವಾದ ಅರ್ಥದಲ್ಲಿ ಪರಿಹಾರವಾಗಲು ಸಾಧ್ಯ.
