ಶ್ರೀಲಂಕಾದಲ್ಲಿ ಕೈಗಾರಿಕೆ ಸ್ಥಾಪನೆ, ಬಂಡವಾಳ ಹೂಡಿಕೆಗೆ ಮೊದಲ ಪ್ರಾಶಸ್ಱ ನೀಡಲು ಶ್ರೀಲಂಕಾ ಸರ್ಕಾರ ನಾಲ್ಕು ಪ್ರಮುಖ ಕೈಗಾರಿಕಾ ವಲಯಗಳನ್ನು ಹೊಂದಿದೆ. ಅದರಲ್ಲಿ ಕ್ಯಾಂಡಿ ಇಂಡಸ್ಟ್ರಿಯಲ್ ಪಾರ್ಕ್ ಪ್ರಮುಖವಾದುದು. ಈ ಕೈಗಾರಿಕಾ ಪ್ರದೇಶವು ಸುಮಾರು 200 ಎಕರೆ ವಿಸ್ತಾರವಾದ ಭೂಮಿಯನ್ನು ಹೊಂದಿದ್ದು, ಪ್ರಸ್ತುತ 114 ಎಕರೆಗಳಲ್ಲಿ ವಿವಿಧ ಕೈಗಾರಿಕೆಗಳು ಸ್ಥಾಪನೆಯಾಗಿವೆ. 9 ಎಕರೆ ಜಾಗ ಖಾಲಿ ಇದೆ. 24 ವಾಣಿಜ್ಯ ಕೈಗಾರಿಕಾ ಚಟುವಟಿಕೆಗಳು ನಡೆಯುತ್ತಿದ್ದು, ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿ 2 ಕಾರ್ಖಾನೆಗಳು ಮುಚ್ಚಿವೆ. ಈ ಪಾರ್ಕ್ನಲ್ಲಿ 10,410 ಕಾರ್ವಿುಕರು ಕೆಲಸ ಮಾಡುತ್ತಿದ್ದಾರೆ. ಇನ್ನೂ 128 ಹುದ್ದೆಗಳು ಖಾಲಿ ಇವೆ. ಬಂಡವಾಳ ಹೂಡಿಕೆ, ಕೈಗಾರಿಕೆ ಸ್ಥಾಪನೆಗಾಗಿ ಭೂಮಿ ನೀಡುವಿಕೆ, ನೀರು, ವಿದ್ಯುತ್ ಮತ್ತು ಇತರ ಸೌಲಭ್ಯಗಳನ್ನು ಇಲ್ಲಿ ನೀಡಲಾಗುತ್ತದೆ. ಇನ್ನು ವಾಣಿಜ್ಯ ನೀತಿಗೆ ಅನುಗುಣವಾಗಿ ತೆರಿಗೆ ವಿಧಿಸಲಾಗುತ್ತದೆ. ತೆರಿಗೆ ವಿನಾಯಿತಿಯೊಂದಿಗೆ ವ್ಯಾಪಾರ ಸ್ನೇಹಿ ಉದ್ಯಮ ನಿರ್ವಹಣೆ ಕಾಣಬಹುದು. ಹೀಗಾಗಿ ಬಂಡವಾಳ ಹೂಡಿಕೆದಾರರಿಗೆ ರತ್ನಗಂಬಳಿ ಹಾಸಲು ಶ್ರೀಲಂಕಾ ಸರ್ಕಾರ ಎದುರು ನೋಡುತ್ತಿದೆ.
