ಪೊಲೀಸರಿಗೆ ಸಿಕ್ಕ ಕೂಡಲೇ ಆತ ಗಿಣಿಯಂತೆ ತಾನೇನು ಮಾಡಿದನೆಂದು ಹೀಗೆ ತಿಳಿಸಿದ: ‘ಯಾವ ಫ್ಲ್ಯಾಟ್ನಲ್ಲಿ ಪ್ಲಂಬಿಂಗ್ ಸಮಸ್ಯೆಯಿದೆಯೋ ಅಲ್ಲಿಗೆ ರಿಪೇರಿ ಮಾಡಲು ಹೋದಾಗ ಯಾವ ಮನೆಯಲ್ಲಿ ಎಂತಹ ಜನರಿದ್ದಾರೆ, ಎಷ್ಟು ಜನರಿದ್ದಾರೆ, ಯಾರು ಶ್ರೀಮಂತರು ಎನ್ನುವುದನ್ನು ನಾನು ಗಮನಿಸುತ್ತಿದ್ದೆ. ಅಪಾರ್ಟ್ವೆುಂಟ್ ಒಂದರಲ್ಲಿ ನಾನು ಕೆಲಸ ಮಾಡುವಾಗ ಅಡುಗೆ ಮನೆಯ ಕಿಟಕಿಯ ಮೂಲಕ ಸುಲಭವಾಗಿ ಪ್ರವೇಶಿಸಬಹುದು ಹಾಗೂ ಸಿ ಮತ್ತು ಡಿ ಬ್ಲಾಕ್ಗಳ ಮಧ್ಯದ ಜಾಗದಲ್ಲಿ ಸಿಸಿಟಿವಿ ಕ್ಯಾಮರಾ ಇಲ್ಲ ಎಂದರಿತೆ. ಈ ಎರಡೂ ಬ್ಲಾಕ್ಗಳ ಮನೆಗಳಿಗೆ ಪೈಪ್ ಮೂಲಕ ಏರಿ ಕಿಟಕಿಯ ಮೂಲಕವೇ ನುಗ್ಗಿ ಅಲ್ಲಿಂದಲೇ ಕೆಳಗಿಳಿಯುತ್ತಿದ್ದೆ. ಒಂದು ರಾತ್ರಿ ಮನೆಯೊಂದಕ್ಕೆ ಕದಿಯಲು ಹೋದಾಗ ಅಲ್ಲಿ ವಿದೇಶೀ ಸ್ತ್ರೀಯೊಬ್ಬಳು ಅರೆನಗ್ನಾವಸ್ಥೆಯಲ್ಲಿ ಮಲಗಿದ್ದು ಕಂಡು ಉದ್ರೇಕಗೊಂಡು ಅತ್ಯಾಚಾರ ಮಾಡಿದೆ. ಆಕೆ ನನ್ನಿಂದ ಪಾರಾಗಿ ಬಾತ್ರೂಮಿಗೆ ಹೋಗಿ ಅಡಗಿದಾಗ ನಾನು ಪರಾರಿಯಾದೆ. ಅದಾದ ನಂತರ ಇನ್ನೆರಡು ಮನೆಗಳ ಕಳ್ಳತನವನ್ನೂ ಮಾಡಿದೆ’.
