ನಮ್ಮ ರಾಜ್ಯದಲ್ಲಿ ಈ ಸಮಸ್ಯೆ ಪರಿಹರಿಸಲು ಯಾರಾದರೂ ಇದ್ದರೆ ಕರೆದುಕೊಂಡು ಬನ್ನಿ ಎಂದು ಆಜ್ಞೆ ಮಾಡಿದನು. ಅದೇ ದೇಶದ ಪ್ರಖ್ಯಾತ ವಿಜ್ಞಾನಿ, ಮಹಾನ್ ಮೇಧಾವಿ ಅರ್ಕಿಮಿಡೀಸ್ರನ್ನು ಕರೆತರಲಾಯಿತು. ಕಿರೀಟ ಕರಗಿಸದೇ ಪರಿಶುದ್ಧತೆ ಕಂಡುಹಿಡಿಯುವ ಸಮಸ್ಯೆಯನ್ನು ರಾಜನು ಅರ್ಕಿಮಿಡೀಸ್ನಿಗೆ ಒಪ್ಪಿಸಿ ಬೀಳ್ಕೊಟ್ಟನು. ಅರ್ಕಿಮಿಡೀಸ್ನ ಯೋಚನಾ ಲಹರಿ ಪ್ರಾರಂಭವಾಯಿತು. ಹಗಲು ರಾತ್ರಿ ಎನ್ನದೇ, ಎಲ್ಲೆಂದರಲ್ಲಿ, ಸಮಸ್ಯೆ ಪರಿಹರಿಸಲು, ಸೂಕ್ತ ದತ್ತಾಂಶಗಳನ್ನು ತಾಳೆ ಹಾಕಿ ರ್ತಸುತ್ತಾ ಯೋಚಿಸತೊಡಗಿದನು. ಒಂದು ಸಲ ಸ್ನಾನ ಮಾಡುವ ನೀರಿನ ತೊಟ್ಟಿಯಲ್ಲಿ ಇಳಿಯುವಾಗ ತೊಟ್ಟಿಯಲ್ಲಿ ನೀರಿನ ಮಟ್ಟ ಏರುತ್ತಿರುವುದನ್ನು ಅರ್ಕಿಮಿಡೀಸ್ ಕಂಡನು. ಅದೇ ಆವಸ್ಥೆಯಲ್ಲಿಯೇ ಯೂರೇಕಾ ಯೂರೇಕಾ ಅಂದರೆ ಗೊತ್ತಾಯಿತು ಗೊತ್ತಾಯಿತು ಎಂದು ಸಂತಸದಿಂದ ಪ್ರಯೋಗಾಲಯಕ್ಕೆ ಧಾವಿಸಿದನು. ನಂತರ ಅರಮನೆಗೆ ಆಗಮಿಸಿ ಒಂದು ಪಾತ್ರೆಯ ತುಂಬ ನೀರನ್ನು ತರುವಂತೆ ಹೇಳಿ, ಆ ಪಾತ್ರೆಯಲ್ಲಿ ಕಿರೀಟವನ್ನು ಮುಳುಗಿಸಿದನು. ಹೊರಚೆಲ್ಲಿದ ನೀರನ್ನು ಸಂಗ್ರಹಿಸಿ, ತೂಕ ಮಾಡಿದನು. ನಂತರ ಅಷ್ಟೇ ಘನ ಗಾತ್ರದ ಶುದ್ಧ ಚಿನ್ನದ ಕಿರೀಟ ಮಾಡಲು ತಿಳಿಸಿದನು. ಶುದ್ಧ ಚಿನ್ನದ ಕಿರೀಟ ನೀರಿನಲ್ಲಿ ಮುಳುಗಿಸಿದಾಗ ನೀರು ಚೆಲ್ಲಿತು. ಅದನ್ನೂ ತೂಕ ಮಾಡಿ ನೋಡಿದಾಗ ವ್ಯತ್ಯಾಸ ಕಂಡು ಬಂದಿತು. ಕಶ್ಮಲದ ಪ್ರಮಾಣವನ್ನು ಲೆಕ್ಕ ಹಾಕಿ ತೋರಿಸಿದನು. ಅಕ್ಕಸಾಲಿಗನ ಮೋಸ ಬಯಲಾಯಿತು.
