ಸರ್ವಜನಾಂಗದ ಶಾಂತಿಯ ತೋಟ: ರಾಷ್ಟ›ಕವಿ ಕುವೆಂಪು ಅವರ ಸರ್ವಜನಾಂಗದ ಶಾಂತಿಯ ತೋಟದ ಪರಿಪೂರ್ಣ ನಿರ್ವಣದ ಕಲ್ಪನೆಯ ನೆಲ ಯಾವುದಾದರೂ ಇದ್ದಲ್ಲಿ ಅದು ಸಿದ್ಧಗಂಗಾ ಕ್ಷೇತ್ರ ಎಂದು ಪ್ರತಿಯೊಬ್ಬ ಭಕ್ತನೂ ಎದೆತಟ್ಟಿ ಹೇಳಿಕೊಳ್ಳಬಹುದಾಗಿದೆ. ಶ್ರೀಗಳು ಈ ಭೂಮಿಗೆ ಅವತರಿಸಿ ಬಂದದ್ದು ಕೇವಲ ನಿರ್ದಿಷ್ಟ ಉದ್ದೇಶಕ್ಕಾಗಿ ಅಲ್ಲ, ಊರೂರು ಅಲೆದು ಸಿದ್ಧಗಂಗೆಯ ಮಠವನ್ನು ಅಭಿವೃದ್ಧಿಪಡಿಸಿದ್ದು ಹೆಗ್ಗಳಿಕೆಗಾಗಿಯೂ ಅಲ್ಲ. ಒಬ್ಬ ಸಂತ ಇಡೀ ಮನುಕುಲದ ಹಾಗೂ ಇತರ ಜೀವಸಂಕುಲದ ಉದ್ಧಾರಕ್ಕಾಗಿ ಬದುಕು ಸಮರ್ಪಿಸಿಕೊಳ್ಳಬೇಕು, ಕೇವಲ ಸಂದೇಶ ನೀಡುವುದಷ್ಟೇ ಸಂತನ ಕರ್ತವ್ಯವಾಗಬಾರದು. ಆಧ್ಯಾತ್ಮವನ್ನು ಬಿತ್ತುವುದಷ್ಟೇ ಮಠ, ಮಂದಿರಗಳ ಕಾರ್ಯಕ್ರಮವಾಗಬಾರದು, ಸಂತನು ಕಾಯಕಯೋಗಿಯಾಗಬೇಕು. ಮಠ, ಮಂದಿರಗಳು ಮನುಕುಲದ ಉದ್ಧಾರಕ್ಕಾಗಿರಬೇಕು, ಅವಶ್ಯ ಕೊರತೆಗಳ ನೀಗಿಸುವ ಕಾಮಧೇನುಗಳಾಗಬೇಕು ಎಂಬ ಸಂದೇಶ ನೀಡುವುದಕ್ಕಾಗಿ ಶ್ರೀಗಳು ಜನ್ಮವೆತ್ತಿ ಬಂದದ್ದು, ಸಿದ್ಧಗಂಗೆಯಲ್ಲಿ ನೆಲೆಸಿದ್ದು, ಆ ಮೂಲಕ ತ್ರಿವಿಧ ದಾಸೋಹದ ಮಹಿಮೆಗೆ ಕಾರಣರಾದದ್ದು.
