ಇನ್ನು ಹೋದಲ್ಲೆಲ್ಲ ಪಂಚತಾರಾ ಹೋಟೆಲ್ನಲ್ಲಿ ವಾಸ, ವಿಮಾನದ ಬಿಸಿನೆಸ್ ಕ್ಲಾಸ್ನಲ್ಲಿ ಪ್ರಯಾಣ, ಚಪ್ಪಾಳೆ, ನೆಟಿಕೆ ಸದ್ದಿಗೆ ಧಾವಿಸಿ ಬರುವ ವೈದ್ಯರು, ಫಿಸಿಯೋಗಳು, ಫಿಟ್ನೆಸ್ ಟ್ರೖೆನರ್ಗಳ ನೆರವು. ಇನ್ನು ಕರೋನಾ ಹಿನ್ನೆಲೆಯಲ್ಲಿ ಸತತ ಎರಡು ವರ್ಷ ಕಾಲ ಕ್ರಿಕೆಟಿಗರು ಮನೆಯಲ್ಲೇ ಇದ್ದರು. ಹೀಗಿರುವಾಗ ರೋಹಿತ್, ವಿರಾಟ್ರಂಥ ಆಟಗಾರರಿಗೆ ಪ್ರತೀ 2ನೇ ಸರಣಿಗೆ ವಿಶ್ರಾಂತಿ ನೀಡುವುದಕ್ಕಾದರೂ ತರ್ಕವಿದೆಯೇ? ಹೊಸ ಆಟಗಾರರಿಗೆ ಅವಕಾಶ ಕೊಡಬೇಕೆನ್ನುವುದಾದರೆ, ಆಯಿತು, ಕೊಡಲಿ. ಆದರೆ, ತಂಡದ ನಾಯಕ, ಪ್ರಮುಖ ಆಟಗಾರರನ್ನು ಹೊರಗಿಟ್ಟು ಹೊಸಬರನ್ನು ಆಡಿಸಬೇಕೇ? ಮಹತ್ವದ ಏಷ್ಯಾ ಕಪ್ ಮತ್ತು ವಿಶ್ವ ಕಪ್ ಹತ್ತಿರದಲ್ಲೇ ಇರುವಾಗ ಮೇಲಿಂದ ಮೇಲೆ ತಂಡದಿಂದ ಕೈಬಿಟ್ಟರೆ, ನಾಯಕನಿಗೆ ತಂಡ, ಆಟಗಾರರ ಮೇಲೆ, ತನ್ನ ಹೊಣೆಗಾರಿಕೆಯ ಮೇಲೆ ಹಿಡಿತ ಸಿಗುವುದಾದರೂ ಹೇಗೆ? ತಂಡದ ನಾಯಕನಾದವನಿಗೇ ತಾನು ಯಾವ ಪಂದ್ಯ, ಸರಣಿಯಲ್ಲಿ ಆಡುವೆನೆನ್ನುವುದು ಖಾತ್ರಿ ಇಲ್ಲದಿದ್ದರೆ, ತಂಡಕ್ಕೊಂದು ನಿರಂತರತೆ (ಮೊಮೆಂಟಮ್ ಸಿಗುವುದಾದರೂ ಹೇಗೆ? ಒಂದು ವೇಳೆ ರೋಹಿತ್ಗೆ ಫಿಟ್ನೆಸ್ ಇಲ್ಲದಿದ್ದರೆ, ಸತತವಾಗಿ ಸರಣಿಗಳನ್ನು ಆಡುವಷ್ಟು ಕ್ಷಮತೆ ಇಲ್ಲದೇ ಹೋದರೆ, ಅದನ್ನು ದಾಖಲೆ ಸಹಿತ ಬಹಿರಂಗಪಡಿಸಿ ಅವರನ್ನು ತಂಡದಿಂದ ಶಾಶ್ವತವಾಗಿ ಕೈಬಿಡಲಿ. ಅವರ ಬದಲು ಮತ್ತೊಬ್ಬ ಯುವಕನನ್ನು ನಾಯಕನನ್ನಾಗಿಸಿ ದ್ರಾವಿಡ್ ತಮಗೆ ಬೇಕಾದಂತೆ ತಿದ್ದಿತೀಡಲಿ. ಅದನ್ನು ಬಿಟ್ಟು ರೋಹಿತ್ರಂಥ ನಿರೂಪಿತ ಕ್ರಿಕೆಟಿಗನನ್ನು ಪ್ರಯೋಗಪಶು ಮಾಡುವ ಅಗತ್ಯವೇನಿದೆ? ಒಂದು ವೇಳೆ ರೋಹಿತ್ರ ಐಪಿಎಲ್ ಕಳಪೆ ಫಾಮ್ರ್ ವಿಶ್ರಾಂತಿಗೆ ಕಾರಣ ಎನ್ನುವುದಾದರೆ, ಮನೆಯಲ್ಲಿ ಕುಳಿತರೆ ಫಾಮ್ರ್ ಮರಳುವುದೇ? ಕೇವಲ ನೆಟ್ಸ್ನಲ್ಲಿ ಬ್ಯಾಟಿಂಗ್ ಮಾಡಿದರೆ ಫಾಮ್ರ್ ಮರಳುವುದೇ? ಕಳೆದ ವರ್ಷ ದಕ್ಷಿಣ ಆಫ್ರಿಕಾ ಪ್ರವಾಸದಿಂದ ರೋಹಿತ್ರನ್ನು ಕೈಬಿಡಲಾಯಿತು. ಗಾಯಾಳು ಎಂಬ ಕಾರಣವನ್ನು ಆಗ ಕೊಟ್ಟಿದ್ದರೂ, ಇವತ್ತಿಗೂ ಆ ಗಾಯದ ಬಗ್ಗೆ ಅನುಮಾನಗಳಿವೆ. ನ್ಯೂಜಿಲೆಂಡ್ ವಿರುದ್ಧದ ಸರಣಿಯಿಂದ ಅವರಿಗೆ ವಿಶ್ರಾಂತಿ ನೀಡಲಾಯಿತು. ದಕ್ಷಿಣ ಆಫ್ರಿಕಾ ವಿರುದ್ಧದ ತವರಿನ ಸರಣಿಯಿಂದಲೂ ವಿಶ್ರಾಂತಿ ನೀಡಲಾಯಿತು. ಮೊನ್ನೆ ಇಂಗ್ಲೆಂಡ್ ವಿರುದ್ಧ ‘ಬಾಕಿ’ ಟೆಸ್ಟ್ ಪಂದ್ಯಕ್ಕೆ ಮುನ್ನ ಅವರು ಕರೊನಾ ಸೋಂಕಿಗೊಳಗಾದರು. ಹಾಗಾಗಿ ಪಂದ್ಯ ತಪ್ಪಿಸಿಕೊಳ್ಳುವಂತಾಯಿತು. ಅವರ ಅನುಪಸ್ಥಿತಿಯಲ್ಲಿ ಭಾರತ ತಂಡ ಸೂಕ್ತ ನಾಯಕತ್ವವಿಲ್ಲದೆ 4ನೇ ಇನಿಂಗ್ಸ್ನಲ್ಲಿ 378 ರನ್ಗಳ ದೊಡ್ಡ ಮೊತ್ತವನ್ನೂ ರಕ್ಷಿಸಿಕೊಳ್ಳಲಾಗದೆ ಹೀನಾಯವಾಗಿ ಸೋಲುವಂತಾಯಿತು.
